(ພາບປະກອບ)
(vovworld)– ວັນທີ 13/11, ມາເລເຊຍ ໄດ້ຮັບຕຳແໜ່ງປະທານອາຊຽນປີ 2015 ຈາກມຽນມາ, ໃຫ້ຄຳໝັ້ນສັນຍາຈະມຸ່ງໄປເຖິງປະຊາຄົມອາຊຽນທີ່ຖືປະຊາຊົນເປັນໃຈກາງ. ພິທີຮັບຕຳແໜ່ງຖືກດຳເນີນທີ່ວາລະອັດກອງປະຊຸມຂັ້ນສູງອາຊຽນຄັ້ງທີ 25 ຢູ່ສູນກອງປະຊຸມສາກົນ ທີ່ນະຄອນຫຼວງ Ney Pyi Taw ປະເທດມຽນມາ. ທີ່ພິທີ, ທ່ານນາຍົກລັດຖະມົນຕີມາເລເຊຍ Najib Razak ຢືນຢັນວ່າ: ຈຸດໝາຍກ່ຽວກັບປະຊາຄົມເອກະພາບ, ສະຖຽນລະພາບ ແລະ ວັດທະນາຖາວອນ ບໍ່ພຽງແຕ່ແມ່ນວິໄສທັດຂອງມາເລເຊຍ ເທົ່ານັ້ນ, ຫາກແມ່ນຂອງທຸກປະເທດສະມາຊິກອາຊຽນອີກດ້ວຍ. ໂດຍແມ່ນປະທານຜັດປ່ຽນຂອງອາຊຽນ, ມາເລເຊຍ ຈະສືບຕໍ່ເຮັດວຽກເພື່ອບັນລຸວິໄສທັດ ແລະ ບັນດາໂຄງການດຳເນີນງານທີ່ໄດ້ວາງອອກໃນຊຸມປີຕໍ່ໄປ. ວຽກງານໃນປີໜ້າຂອງມາເລເຊຍ ແມ່ນຊຸກຍູ້ອາຊຽນ ຫຍັບມໍ່ເຂົ້າກັບ ປຊຊ ກ່ວາອີກ ແລະ ອາຊຽນ ຕ້ອງການແຜນການໂຄສະນາທີ່ມີປະສິດທິຜົນກ່ວາອີກເພື່ອຍົກສູງສະຕິຄວາມຮັບຮູ້ໃນປະຊາຄົມ./.