(vovworld) - ວັນທີ 16/03, ລັດຖະບານຝລັ່ງ ໄດ້ອອກຄຳສັ່ງເຕືອນໄພ ພາຍຫຼັງເກີດເຫດບຸກໂຈມຕີຢູ່ໂຮງຮຽນມັດທະຍົມຕອນປາຍ Alexis de Tocqueville ໃນເທດສະບານເມືອງ Grasse, ທາງພາກໃຕ້ປະເທດນີ້. ຄຳສັ່ງເຕືອນໄພຖືກຍົກອອກມາໃນລະບົບ ຖືກລັດຖະບານຝລັ່ງ ນຳໃຊ້ ແລະ ຮັກສາໄວ້ພາຍຫຼັງບັນດາເຫດບຸກໂຈມຕີຢ່າງນອງເລືອດເມື່ອເດືອນ 11/2015 ຢູ່ນະຄອນຫຼວງປາຣີ ແລະ ເຫດບຸກໂຈມຕີເມື່ອປີ 2016 ຢູ່ນະຄອນ Nice, ທາງພາກໃຕ້ຝລັ່ງ.
ຕາມແຈ້ງການຂອງສຳນັກງານບໍລິຫານ Grasse, ມີນັກຮຽນ 2 ຄົນໄດ້ຍິງປືນເຮັດໃຫ້ຮອງຜູ້ອຳນວຍການຂອງໂຮງຮຽນຖືກຮັບບາດເຈັບ, ຫຼັງຈາກນັ້ນນັກຮຽນອາຍຸ 17 ປີຖືກຈັບຕົວ, ສ່ວນຜູ້ຍັງເຫຼືອພວມໜີໄປ. ເຫດການດັ່ງກ່າວເຮັດໃຫ້ຢ່າງໜ້ອຍສຸດ 8 ຄົນຮັບບາດເຈັບ. ເຈົ້າໜ້າທີ່ຝລັ່ງ ຢືນຢັນວ່າ, ເຫດຍິງປືນດັ່ງກ່າວບໍ່ກ່ຽວຂ້ອງເຖິງການກໍ່ການຮ້າຍ.