ລັດເຊຍຊຸກຍູ້ລັດທິຫຼາຍຝ່າຍ ເພື່ອການພັດທະນາ ແລະ ຄວາມໝັ້ນຄົງທົ່ວໂລກ ມີຢ່າງສະເໝີພາບ
(VOVWORLD) - ທ່ານປະທານາທິບໍດີ Vladimir Putin ເນັ້ນໜັກວ່າ ລັດເຊຍ ສຸມໃສ່ ການຮ່ວມມືຢ່າງຕັ້ງໜ້າ, ມີຫົວຄິດປະດິດສ້າງ ກັບທຸກປະເທດທີ່ມີຄວາມສົນໃຈ
 ທ່ານປະທານາທິບໍດີ ລັດເຊຍ Vladimir Putin (ພາບ: TTXVN) |
ວັນທີ 1 ມັງກອນ, ໃນບົດກ່າວປາໄສເນື່ອງໃນໂອກາດປະເທດນີ້ ເລີ່ມດຳລົງ ຕຳແໜ່ງເປັນປະທານກຸ່ມບັນດາພື້ນຖານເສດຖະກິດຫາກໍ່ພົ້ນເດັ່ນຂຶ້ນ (BRICS, ລວມມີ: ບຣາຊິນ, ລັດເຊຍ, ອິນເດຍ, ຈີນ ແລະ ອາບຟຼິກກາໃຕ້), ທ່ານປະທານາທິບໍດີ ລັດເຊຍ Vladimir Putin ເນັ້ນໜັກວ່າ: ທິດນຳຂອງລັດເຊຍ ໃນອາຍຸການດຳລົງຕຳແໜ່ງເປັນປະທານໝູນວຽນ BRICS ໃນປີ 2024 ຈະແມ່ນເພີ່ມທະວີ ລັດທິຫຼາຍຝ່າຍ ເພື່ອການພັດທະນາ ແລະ ຄວາມໝັ້ນຄົງທົ່ວໂລກ ຢ່າງສະເໝີພາບ”. ທ່ານປະທານາທິບໍດີ Vladimir Putin ເນັ້ນໜັກວ່າ ລັດເຊຍກໍ່ສຸມໃສ່ ການຮ່ວມມືຢ່າງຕັ້ງໜ້າ, ມີຫົວຄິດປະດິດສ້າງ ກັບທຸກປະເທດທີ່ມີຄວາມສົນໃຈ.
ໃນປີດຳລົງຕຳແໜ່ງປະທານ BRICS ລັດເຊຍຈະເພີ່ມທະວີບົດບາດຂອງອົງການ ໃນລະບົບການເງິນ ແລະ ເງິນຕາສາກົນ. ມົດສະກູ ກໍ່ຈະສືບຕໍ່ມານະພະຍາຍາມຮ່ວມມືກັບບັນດາສະມາຊິກໃນຂົງເຂດການເມືອງ, ຄວາມໝັ້ນຄົງ, ເສດຖະກິດ, ການເງິນ ກໍ່ຄືວັດທະນະທຳ. ທ່ານເນັ້ນໜັ້ກ ຈະໃຫ້ບຸລິມະສິດເພີ່ມທະວີການຮ່ວມມືໃນຂົງເຂດວິທະຍາສາດ, ເຕັກໂນໂລຢີສູງ, ການແພດ, ຊີວະພາບ, ກໍ່ຄືໃນຂົງເຂດວັດທະນະທຳ, ກິລາ, ການແລກປ່ຽນຊາວໜຸ່ມ ແລະ ພົບປະປະຊາຊົນ.