ສປປ.ເກົາຫຼີກະຕຸກຊຸກຍູ້ອາເມລິກາລົງນາມໃນສັນຍາສັນຕິພາບກ່ຽວກັບແຫຼມເກົາຫຼີ
(ພາບປະກອບ)
(vovworld) – ວັນທີ 07/10, ສປປ.ເກົາຫຼີ ໄດ້ກະຕຸກຊຸກຍູ້ອາເມລິກາ ລົງນາມໃນສັນຍາສັນຕິພາບ, ແທນໃຫ້ສັນຍາຢຸດຮົບເມື່ອປີ 1953, ເພື່ອແນໃສ່ສ້າງພື້ນຖານສັນຕິພາບຢ່າງຍາວນານໃນແຫຼມເກົາຫຼີ. ໂຄສົກກະຊວງການຕ່າງປະເທດສປປ.ເກົາຫຼີ ໄດ້ຢືນຢັນຄືນໃໝ່ຫຼັກໝັ້ນຂອງພຽງຢາງ ກ່ຽວກັບການປ່ຽນແທນຂໍ້ຕົກລົງຢຸດຮົບໃນປະຈຸບັນ ເຊິ່ງໄດ້ຮັບການລົງນາມພາຍຫຼັງສົງຄາມສປປ.ເກົາຫຼີ 1950 – 1953, ດ້ວຍສັນທິສັນຍາສັນຕິພາບ ເພື່ອແນໃສ່ແກ້ໄຂສະພາບເຄັ່ງຕຶງ ແລະ ຟື້ນຟູສັນຕິພາບໃນແຫຼມເກົາຫຼີ ຄືນໃໝ່. ໂຄສົກກະຊວງການຕ່າງປະເທດສປປ.ເກົາຫຼີ ຊີ້ແຈ້ງວ່າ, ສຳລັບ ສປປ.ເກົາຫຼີ ແລະ ອາເມລິກາ, ມາດຕະການພື້ນຖານເພື່ອຄວບຄຸມສະພາບການຮ້າຍແຮງໃນປະຈຸບັນແມ່ນ ປະລະຂໍ້ຕົກລົງຢຸດຮົບທີ່ຫຼ້າສະໄໝ, ພອມທັງເຊັນສົນທິສັນຍາສັນຕິພາບໃໝ່ໃນໄລຍະໄວ້ທີ່ສຸດ ເພື່ອສາມາດສ້າງຕັ້ງກົນໄກຮັກສາສັນຕິພາບຢ່າງຍາວນານ.