(ພາບປະກອບ)
(vovworld) – ໃນຖະແຫຼງການເມື່ອຕອນເຊົ້າວັນທີ 07/06, ສະຫະພັນໃຫຍ່ແຮງງານຫວຽດນາມ ເນັ້ນໜັກວ່າ, ສະຫະພັນໃຫຍ່ແຮງງານຫວຽດນາມ ໄດ້ສົມທົບກັບສະມາຊິກ, ກຳມະກອນ, ພາລະກອນ, ຄົນງານທຸກຄົນ ເພື່ອສະແດງຄວາມຂັດໃຈ ແລະ ຄັດຄ້ານການກະທຳຜິດຂອງຈີນ, ຮຽກຮ້ອງຈີນ ຕ້ອງຖອນຮ້ານເຈາະນ້ຳມັນໄຮຢ່າງ 981 ພ້ອມກັບບັນດາກຳປັ່ນປ້ອງກັນອອກຈາກເຂດໄຫຼ່ທະວີບ, ເຂດເສດຖະກິດຈຳເພາະຂອງຫວຽດນາມ, ຢຸດຕິບັນດາການກະທຳໄຮ້ມະນຸດສະທຳສຳລັບຊາວປະມົງຫວຽດນາມ ບົນທະເລຕາເວັນອອກ ແລະ ບໍ່ປະໃຫ້ເກີດບັນດາການກະທຳຄ້າຍຄືກັນໃນອະນາຄົດອີກ.
ຖະແຫຼງການຂອງສະຫະພັນໃຫຍ່ແຮງງານຫວຽດນາມ ກໍ່ຮຽກຮ້ອງບັນດາປະເທດ, ອົງການຈັດຕັ້ງກຳມະບານ ແລະ ບັນດາອົງການຈັດຕັ້ງ, ສ່ວນບຸກຄົນໃນທົ່ວໂລກອອກສຽງປົກປ້ອງຄວາມຍຸຕິທຳ, ສະໜັບສະໜູນຄວາມເປັນທຳ ແລະ ຖືກຕ້ອງ, ຄັດຄ້ານ ແລະ ສະກັດກັ້ນບັນດາການກະທຳທີ່ຜິດພາດຂອງຈີນ ເພື່ອປົກປັກຮັກສາສັນຕິພາບ, ສະຖຽນລະພາບໃນພາກພື້ນ ແລະ ຢູ່ໃນໂລກ.