ກອງປະຊຸມການທູດຄັ້ງທີ 29 (ພາບ: ງອກທັ໋ງ)
(vovworld) - ໂດຍສືບຕໍ່ກອງປະຊຸມການທູດຄັ້ງທີ 29, ຕອນເຊົ້າວັນທີ 23/08, ທ່ານນາຍົກລັດຖະມົນຕີ ຫວຽດນາມ ຫງວຽນຊວນຟຸກ ເຂົ້າຮ່ວມ ແລະ ຊີ້ນຳທີ່ວາລະປະຊຸມຫົວເລື່ອງສະເພາະ: ຍົກສູງປະສິດທິຜົນວຽກງານການທູດ ຮັບໃຊ້ການພັດທະນາປະເທດຊາດ.
ກ່າວຄຳເຫັນທີ່ກອງປະຊຸມ, ທ່ານນາຍົກລັດຖະມົນຕີ ຫງວຽນຊວນຟຸກ ເນັ້ນໜັກວ່າ: ພາຍຫລັງ 30 ປີແຫ່ງການປ່ຽນໃໝ່, ຫວຽດນາມ ບັນລຸໄດ້ບັນດາຜົນງານອັນໃຫຍ່ຫລວງ, ເຊື່ອມໂຍງເຂົ້າພື້ນຖານເສດຖະກິດທົ່ວໂລກຢ່າງເລິກເຊິ່ງກ້ວາງຂວາງ. ຄຽງຂ້າງນັ້ນ, ຫວຽດນາມ ກໍ່ຮັກສາໄດ້ສະພາບແວດລ້ອມແຫ່ງສັນຕິພາບ, ຍາດແຍ່ງໄດ້ແຫຼ່ງກຳລັງຈາກພາຍນອກໃຫ້ແກ່ການພັດທະນາ, ປັບປຸງໄດ້ພື້ນຖານຜົນປະໂຫຍດຍຸດທະສາດອັນຍາວນານ, ສ້າງທີ່ຕັ້ງ ທ່ວງທ່າຫວຽດນາມ ບົນເວທີສາກົນ. ບັນດາຜົນງານນັ້ນ ມີການປະກອບສ່ວນອັນໃຫຍ່ຫລວງຂອງຂະແໜງການທູດ. ເຖິງຢ່າງໃດກໍ່ຕາມ, ທ່ານນາຍົກລັດຖະມົນຕີ ຫງວຽນຊວນຟຸກ ກໍ່ຍົກໃຫ້ເຫັນບັນດາສິ່ງທ້າທາຍ ລະດັບແຫ່ງຊາດ ແລະ ສາກົນໃນໄລຍະປະຈຸບັນ. ສິ່ງ ເປັນໜ້າສົນໃຈແມ່ນ ຫວຽດນາມ ນອນໃນພາກພື້ນແກ່ງແຍ້ງພູມສາດຍຸດທະສາດຢ່າງຂ້ຽວຂາດຂອງບັນດາປະເທດທະຫາອຳນາດ. ໄພຂາດສະຖຽນລະພາບກ່ຽວກັບບັນດາການຂັດແຍ້ງກັນອະທິປະໄຕຢູ່ທະເລຕາເວັນອອກ ແລະ ບາງເຂດທະເລອື່ນໆ, ຄວາມຂາດສະຖຽນລະພາບກ່ຽວກັບເສດຖະກິດ, ຄວາມສະຫງົບປອດໄພດ້ານການເມືອງໂລກ, ພວມກະທົບໂດຍກົງເຖິງ ຫວຽດນາມ . ໃນສະພາບການນັ້ນ, ຂະແໜງການທູດຄວນເປັນເຈົ້າການ, ມີໄຫວພິບກ່ວາອີກ, ປະຕິບັດໜ້າທີ່ເປັນຂົວຕໍ່, ນຳໜ້າເປັນຊ່ອງທາງ, ຮັບໃຊ້ໃຫ້ແກ່ພາລະກິດຫັນປະເທດຊາດເປັນອຸດສາຫະກຳ ແລະ ທັນສະໄໝ. ທ່ານນາຍົກລັດຖະມົນຕີ ຫງວຽນຊວນຟຸກ ເນັ້ນໜັກວ່າ:
“ທີ 1 ຄວນກຳນົດໄດ້ບັນດາບຸລິມະສິດຍຸດທະສາດຂອງປະເທດຊາດ ແລະ ກຳນົດຈິນຕະນາການຍຸດທະສາດໃຫ້ຂະແໜງການທູດໃນສະໄໝໃໝ່. ບໍ່ແມ່ນວ່າອັນໃດ ພວກເຮົາ ກໍ່ປະຕິບັດ ເພາະວ່າ ແຫຼ່ງຊັບພະຍາກອນມະນຸດ, ເວລາ, ແລະ ພິເສດແມ່ນໂອກາດລ້ວນແຕ່ຖືກຈຳກັດ. ອັນໃດແມ່ນຜົນປະໂຫຍດແຫ່ງຊາດຕົ້ນຕໍໃນການປົກປັກຮັກສາອະທິປະໄຕ, ຮັບປະກັນຄວາມສະຫງົບປອດໄພ, ພັດທະນາເສດຖະກິດ - ສັງຄົມ ແລະ ເສີມຂະຫຍາຍອິດທິພົນຂອງ ຫວຽດນາມ ໃນເວທີສາກົນ. ອັນໃດ ຮ່ວມມືໄດ້ ແມ່ນຕ້ອງຮ່ວມມືຢ່າງແໜ້ນແຟ້ນ,, ສິ່ງໃດຍັງຕິດຂັດຕ້ອງແກ້ໄຂຢ່າງຄ່ອງແຄ້ວ ແລະ ສົມເຫດສົມຜົນ.”