ເນື້ອໃນການປຶກສາຫາລືຈະກ່ຽວຂ້ອງເຖິງບັນດາບາດກ້າວໃນການເຈລະຈາລະຫວ່າງ ອາເມລິກາ ແລະ ສປປ.ເກົາຫຼີ, ລວມມີບັນດາວຽກງານກະກຽມໃຫ້ການພົບປະສຸດຍອດຄັ້ງທີ 2 ລະຫວ່າງທ່ານປະທານາທິບໍດີ ອາເມລິກາ Donald Trump ແລະ ການນຳ ສປປ.ເກົາຫຼີ Kim Jong-un. ໃນຂະນະນັ້ນ, ບັນດາແຫຼ່ງຂ່າວການທູດໃຫ້ຮູ້ວ່າ: ເຈົ້າໜ້າທີ່ ສ.ເກົາຫຼີ ແລະ ອາເມລິກາ 2 ທ່ານ ອາດຈະແລກປ່ຽນທັດສະນະກ່ຽວກັບເລື່ອງ ເຊີອູນ ຢາກໃຫ້ ວໍຊິງຕັນ ຍົກເວັ້ນຄຳສັ່ງລົງໂທດສຳລັບບັນດາໂຄງການຮ່ວມມືລະຫວ່າງ ສ.ເກົາຫຼີ ແລະ ສປປ.ເກົາຫຼີ.