ຫວຽດນາມ ແລະ ອາເມລິກາ ສືບຕໍ່ຊຸກຍູ້ການຮ່ວມມືໃນກະສິກຳອັດສະລິຍະ ແລະ ຍືນຍົງ

ວັນພະຫັດ ທີ 20 ເມສາ ຄ.ສ. 2023 | 15:05:43

(VOVWORLD) -ທ່ານລັດຖະມົນຕີກະຊວງກະສິກຳ ອາເມລິກາ Thomas Vilsack ເນັ້ນໜັກວ່າ ການພົວພັນ ອາເມລິກາ - ຫວຽດນາມ ພວມນັບມື້ນັບເລິກເຊິ່ງກ່ວາເວລາໃດໝົດ, ພິເສດແມ່ນນັບແຕ່ເວລາສອງປະເທດສ້າງການພົວພັນຄູ່ຮ່ວມມືຮອບດ້ານ.

TRANSLATE with x

English

ທ່ານນາຍົກລັດຖະມົນຕີ ຟ້າມມິງຈິງ ໃຫ້ການຕ້ອນຮັບທ່ານລັດຖະມົນຕີກະຊວງກະສິກຳ ອາເມລິກາ Thomas Vilsack (ພາບ: dangcongsan.vn)

ອາເມລິກາໃຫ້ຄຳໝັ້ນສັນຍາແບ່ງປັນຂໍ້ມູນ ແລະ ວິທີການທີ່ດີທີ່ສຸດກັບ ຫວຽດນາມ ເພື່ອຫຼຸດຜ່ອນ ແລະ ຮັບມືກັບການປ່ຽນແປງຂອງດິນຟ້າອາກາດ. ນັ້ນແມ່ນຄຳຢັ້ງຢືນຂອງທ່ານລັດຖະມົນຕີກະຊວງກະສິກຳ ອາເມລິກາ Thomas Vilsack ທີ່ການພົບປະກັບວົງການນັກຂ່າວໃນຕອນບ່າຍວັນທີ 19 ເມສາ, ຢູ່ຮ່າໂນ້ຍ, ເນື່ອງໃນໂອກາດປະຕິບັດງານຢູ່ ຫວຽດນາມ. ທ່ານລັດຖະມົນຕີກະຊວງກະສິກຳ ອາເມລິກາ Thomas Vilsack ເນັ້ນໜັກວ່າ ການພົວພັນ ອາເມລິກາ - ຫວຽດນາມ ພວມນັບມື້ນັບເລິກເຊິ່ງກ່ວາເວລາໃດໝົດ, ພິເສດແມ່ນນັບແຕ່ເວລາສອງປະເທດສ້າງການພົວພັນຄູ່ຮ່ວມມືຮອບດ້ານ.

ນີ້ແມ່ນຄັ້ງທີ 3 ທີ່ຂ້າພະເຈົ້າມາ ຫວຽດນາມ ແລະ ແຕ່ລະຄັ້ງທີ່ມານີ້, ຂ້າພະເຈົ້າກໍ່ລ້ວນແຕ່ຮູ້ສຶກປະທັບໃຈກ່ວາເກົ່າ ດ້ວຍຄວາມຂະຫຍັນຂັນເຄື່ອນ ແລະ ການບຸກທະລຸທາງດ້ານເສດຖະກິດ ຫວຽດນາມ. ໃນໄລຍະຈະມາເຖິງ, ຂ້າພະເຈົ້າເຊື່ອໝັ້ນວ່າ ການຮ່ວມມືໃນຂົງເຂດກະສິກຳ ລະຫວ່າງສອງປະເທດ ຈະສືບຕໍ່ພັດທະນາກ່ວາອີກ, ອີງຕາມວິໄສທັດລວມເຊ່ິງ 2 ລັດຖະບານໄດ້ພ້ອມກັນແບ່ງປັນ, ໂດຍກ່ຽວຂ້ອງເຖິງຄ້ຳປະກັນດ້ານສະບຽງອາຫານທົ່ວໂລກ ແລະ ການປ່ຽນແປງຂອງດິນຟ້າອາກາດ. ອາເມລິກາ ພ້ອມແລ້ວທີ່ຈະແບ່ງປັນບົດຮຽນປະສົບການຂອງຕົນກັບ ຫວຽດນາມ, ແລະພວກເຮົາຈະພ້ອມກັນຊອກຫາວິທີການເພີ່ມທະວີປະສິດທິຜົນໃນການຜະລິດຜ່ານການປ່ຽນແປງໃໝ່, ຫົວຄິດປະດິດສ້າງຕາມທິດຍືນຍົງ.

ກ່ຽວກັບການເປີດກວ້າງກາລະໂອກາດທາງການຄ້າລະຫວ່າງສອງປະເທດ, ພິເສດແມ່ນໃນຂົງເຂດກະສິກຳ, ທ່ານ Vilsack ໃຫ້ຮູ້ວ່າ ໄດ້ເຮັດວຽກກັບບັນດາອົງການທີ່ກ່ຽວຂ້ອງເພື່ອຊອກຫາກາລະໂອກາດສົ່ງອອກສິນຄ້າປະເພດໃໝ່ຈາກອາເມລິກາ ໄປຍັງ ຫວຽດນາມ ແລະ ຈາກ ຫວຽດນາມ ໄປຍັງອາເມລິກາ. ກ່ຽວກັບເປົ້າໝາຍປ່ອຍທາດພິດລົງລະດັບ 0 ເຊິ່ງສອງປະເທດລ້ວນແຕ່ວາງອອກ, ທ່ານ Vilsack ກໍ່ໃຫ້ຮູ້ວ່າ ອາເມລິກາຈະສືບຕໍ່ຮ່ວມມືກັບຫວຽດນາມ ບົນເສັ້ນທາງບັນລຸໄດ້ເປົ້າໝາຍນີ້, ໂດຍຜ່ານບັນດາຊ່ອງທາງແບ່ງປັນຂໍ້ລິເລີ່ມ ແລະ ບົດຮຽນປະສົບການໃນການປະຕິບັດກະສິກຳແບບຍືນຍົງ, ບໍ່ປ່ອຍທາດພິດ.

TRANSLATE with ຫວຽດນາມ ແລະ ອາເມລິກາ ສືບຕໍ່ຊຸກຍູ້ການຮ່ວມມືໃນກະສິກຳອັດສະລິຍະ ແລະ ຍືນຍົງ - ảnh 2

English

Arabic	Hebrew	Polish
Bulgarian	Hindi	Portuguese
Catalan	Hmong Daw	Romanian
Chinese Simplified	Hungarian	Russian
Chinese Traditional	Indonesian	Slovak
Czech	Italian	Slovenian
Danish	Japanese	Spanish
Dutch	Klingon	Swedish
English	Korean	Thai
Estonian	Latvian	Turkish
Finnish	Lithuanian	Ukrainian
French	Malay	Urdu
German	Maltese	Vietnamese
Greek	Norwegian	Welsh
Haitian Creole	Persian