ບັນດາຜູ້ແທນເຂົ້າຮ່ວມກອງປະຊຸມສຳມະນາ

ກ່າວຄຳເຫັນໄຂກອງປະຊຸມສຳມະນາ, ທ່ານ ຫງວຽນມີງຫວູ, ຜູ້ຊ່ວຍວຽກລັດຖະມົນຕີ ກະຊວງການຕ່າງປະເທດ ເນັ້ນຫນັກວ່າ: ຫວຽດນາມ ໃຫ້ສັດຕະຍາບັນສົນທິສັນຍາເຊີແນວປີ 1949 ແມ່ນຂີດໝາຍສຳຄັນ, ເປັນການພິສູດໃຫ້ເຫັນການເຄົາລົບ, ຊຸກຍູ້ການປະຕິບັດກົດໝາຍວ່າດ້ວຍມະນຸດສະທຳສາກົນ ເວົ້າສະເພາະ ແລະ ກົດໝາຍສາກົນ ເວົ້າລວມໃນນະໂຍບາຍຂອງຫວຽດນາມ. ພອ້ມກັນນັ້ນ ເລື່ອງໃຫ້ສັດຕະຍາບັນສົນທິສັນຍານີ້ ມີຄວາມໝາຍໃນການເຊີດຊູມູນເຊື້ອຮັກຫອມສັນຕິພາບ, ມະນຸດສະທຳ ແລະ ອະນຸໂລມຂອງປະຊາຊົນຫວຽດນາມ.

ທີ່ກອງປະຊຸມສຳມະນາ, ບັນດາຜູ້ຊ່ຽວຊານ ໄດ້ແບ່ງປັນບົດຮຽນຂອງຫວຽດນາມ ໃນການຜັນຂະຫຍາຍບັນດາສົນທິສັນຍາ ເຊີແນວ ປີ 1949 ໃນໄລຍະສົງຄາມ ແລະ ໃນການແກ້ໄຂຜົນຮ້າຍຢ້ອນຫລັງຈາກສົງຄາມ, ການໂຄສະນາ, ເຜີຍແຜ່, ຍົກສູງຄວາມຮັບຮູ້ກ່ຽວກັບກົດໝາຍວ່າດ້ວຍມະນຸດສະທຳສາກົນ, ຊຸກຍູ້ການປະຕິບັດບັນດາຂໍ້ກຳນົດຂອງບັນດາສົນທິສັນຍາ ເຊີແນວ ແລະ ບັນດາເນື້ອໃນອື່ນຂອງກົດໝາຍວ່າດ້ວຍມະນຸດສະທຳສາກົນ.