(vovworld) - ວັນທີ 4/1, ຢູ່ ຮ່າໂນ້ຍ, ອົງການກວດກາລັດຖະບານ ໄດ້ຈັດຕັ້ງກອງປະຊຸມຜ່ານເຄືອຂ່າຍ ອິນເຕີເນັດສະຫຼຸບວຽກງານກວດກາປີ 2012, ເສີມຂະຫຍາຍໜ້າທີ່ປີ 2013. ກ່າວຄຳເຫັນນະທີ່ນີ້, ທ່ານຮອງນາຍົກລັດຖະມົນຕີຫວຽດນາມ ຫງວຽນຊວນຟຸກ ຮຽກຮ້ອງໃຫ້ປີ 2013, ຂະແໜງກວດກາຕ້ອງເປັນເຈົ້າການ, ຕັ້ງໜ້າ, ມະນາພະຍາຍາມໃນວຽກງານປະຕິບັດໜ້າທີ່ຍິ່ງກ່ວາອີກ, ໃນນັ້ນ, ສຸມໃສ່ການກວດກາມີຈຸດສຸມ ແລະ ບັນດາບັນຫາສຳຄັນຄື: ການເງິນ, ງົບປະມານ, ທະນາຄານ, ຫຼັກຊັບ, ຄຸ້ມຄອງຊັບສິນສ່ວນລວມ, ຂາເຂົ້າຂາອອກ, ຄຸ້ມຄອງຕະຫຼາດຄຳ... ສະຫຼຸບ, ນຳສະເໜີໃຫ້ແກ້ໄຂໂດຍພາວະວິໄສ, ຊັດເຈນ, ທັນການ. ທ່ານຮອງນາຍົກລັດຖະມົນຕີ ຫງວຽນຊວນຟຸກ ເນັ້ນໜັກວ່າການສະເໜີແນະ, ສະຫຼຸບການກວດກາຕ້ອງກະຈ່າງແຈ້ງ, ຍົກສູງຄວາມຮັບຜິດຊອບໃນການຕ້ອນຮັບປະຊາຊົນ, ເພີ່ມທະວີການສົນທະນາ, ໄກ່ເກ່ຍ, ແກ້ໄຂບັນດາກໍລະນີທີ່ຍັງຄົງຄ້າງ, ຫຍຸ້ງຍາກ, ແກ່ຍາວ ແລະ ສືບຕໍ່ຕິດຕາມກວດກາ ຢ່າງເດັດຂາດ. ພ້ອມກັນນັ້ນ, ຂະແໜງກວດກາຄວນເປັນເສນາທິການໃຫ້ລັດຖະບານ ແລະ ຫົວໜ້າບັນດາອົງການແຫ່ງລັດເພື່ອເສີມຂະຫຍາຍປະຕິບັດບັນດາມາດຕະການປ້ອງກັນ, ຕ້ານການສໍ້ລາດບັງຫຼວງຢ່າງຄົບຊຸດ, ເຮັດສຳເລັດພາລະໜ້າທີ່, ແລະ ສ້າງໂຄງປະກອບການຈັດຕັ້ງ, ກົງຈັກຂອງອົງການກວດກາ, ເພີ່ມທະວີການກວດກາໃຫ້ສົມບູນແບບ, ຕິດຕາມກວດກາພາຍໃນ, ບໍ່ປະໃຫ້ພະນັກງານລະເມີດ, ມີປະກົດການຫຍໍ້ທໍ້ໃນການປະຕິບັດງານ.