ອີຣານແລະກຸ່ມP5+1ຍັງບໍ່ລົງລອຍກັນກ່ຽວກັບບັນດາບັນຫາສຳຄັນ
ລັດຖະມົນຕີການຕ່າງປະເທດ ອີຣານ Mohammad Javad Zarif ແລະ ທ່ານນາງຂະຫຼວງໃຫຍ່ຮັບຜິດຊອບນະໂຍບາຍຄວາມສະຫງົບ - ການຕ່າງປະເທດ ອີຢູ Catherine Ashton
(ພາບ: ສຳນັກຂ່າວສານ ຊິນຮວາ/TTXVN)
(vovworld) – ວັນທີ 20/6, ອີຣານ ແລະ ກຸ່ມ P5+1 (ເຊິ່ງລວມມີ 5 ປະເທດກຳມະການປະຈຳ ສະພາຄວາມໝັ້ນຄົງ ສປຊ ແລະ ເຢຍລະມັນ) ໄດ້ສິ້ນສຸດຮອບເຈລະຈາທີ 5 ກ່ຽວກັບໂຄງການນິວເຄຼຍທີ່ກໍ່ຄວາມຖົກຖຽງກັນຂອງ ອີຣານ, ແຕ່ບັນດາຝ່າຍຍັງບໍ່ທັນຊອກຫາສຽງເວົ້າລວມກ່ຽວກັບບັນດາບັນຫາສຳຄັນໄດ້ເທື່ອ. ກ່າວຄຳເຫັນພາຍຫຼັງການເຈລະຈາເປັນເວລາ 5 ວັນ ຢູ່ວຽນ, ປະເທດ ໂອດຕຣິດ, ທ່ານລັດຖະມົນຕີການຕ່າງປະເທດ ອີຣານ Mohammed Javad Zadif ຖືວ່າ: ຂໍ້ຕົກລົງໃນເບື້ອງຕົ້ນມີຫຼາຍບັນຫາບໍ່ສົມເຫດສົມຜົນສຳລັບ ອີຣານ, ພ້ອມທັງເນັ້ນໜັກວ່າ: ເຕເຮຣານ ຈະບໍ່ຍອມຮັບບັນດາຄຳຮຽກຮ້ອງເກີນຂອບເຂດຂອງຝ່າຍຕາເວັນຕົກ. ທີ່ການເຈລະຈາ, ບັນດາປະເທດ P5+1 ຮຽກຮ້ອງໃຫ້ຫລຸດຜ່ອນຈຳນວນຈັກພົ້ນສູນເພື່ອຮັບປະກັນວ່າ: ເຕເຮຣານ ບໍ່ສາມາດຜະລິດເຊື້ອໄຟເພື່ອຜະລິດລະເບີດນິວເຄຼຍ. ແຕ່ເຖິງຢ່າງໃດກໍ່ຕາມ, ອີຣານ ຖືວ່າ, ປະເທດນີ້ຕ້ອງການຈັກພົ້ນສູນຫຼາຍກ່ວາອີກເພື່ອຜະລິດ Urani ສະໜອງໃຫ້ບັນດາໂຮງງານໄຟຟ້າ ນິວເຄຼຍ. ນອກຈາກນັ້ນ, ທ່ານ Zadif ກໍ່ຢືນຢັນວ່າ: ອາເມລິກາ ແລະ ບັນດາປະເທດຝ່າຍຕາເວັນຕົກຕ້ອງລົບລ້າງບັນດາມາດຕະການລົງໂທດ ອີຣານ ຖ້າຫາກຢາກຊອກຫາມາດຕະການຮອບດ້ານໃຫ້ບັນຫານິວເຄຼຍຂອງປະເທດນີ້.