ອາຊຽນ ແລະ ຍີ່ປຸ່ນ ແບ່ງປັນກ່ຽວກັບວິທີການປະພຶດຄວາມໝັນຄົງທາງທະເລ
(ອາຊຽນ ແລະ ຍີ່ປຸ່ນ ແບ່ງປັນກ່ຽວກັບ
ວິທີການປະພຶດຄວາມໝັນຄົງທາງທະເລ)
(vovworld) – ວັນທີ 07/10, ກອງປະຊຸມຮອງລັດຖະມົນຕີກະຊວງປ້ອງກັນປະເທດອາຊຽນ - ຍີ່ປຸ່ນ ຄັ້ງທີ 6 ຖືກຈັດຂຶ້ນຢູ່ນະຄອນ Yokohama, ປະເທດຍີ່ປຸ່ນ. ກອງປະຊຸມໄດ້ສຸມໃສ່ປຶກສາຫາລື 2 ຫົວຂໍ້ຕົ້ນຕໍ່ແມ່ນ “ສະພາບຕົວຈິງກ່ຽວຂ້ອງເຖິງຄວາມໝັ້ນຄົງທາງທະເລຢູ່ພາກພື້ນອາຊີ - ປາຊີຝິກ” ແລະ “ບັນດາວິທີເພື່ອຮັກສາ, ປັບປຸງສະພາບຄວາມສະຫງົບທາງທະເລໃນພາກພື້ນ”. ກ່າວຄຳເຫັນທີ່ກອງປະຊຸມ, ທ່ານຮອງລັດຖະມົນຕີກະຊວງປ້ອງກັນປະເທດຍີ່ປຸ່ນ Akira Sato ຖືວ່າ, ເຖິງວ່າພວມມີບັນດາການກະທຳກໍ່ຄວາມເຄັ່ງຕຶງຢູ່ທະເລຕາເວັນອອກກໍ່ຕາມ, ແຕ່ພາກພື້ນຍັງເຫັນປະຈັກຕາການພັດທະນາຂອງບັນດາການເຄື່ອນໄຫວຮ່ວມມືລະອຽດຢູ່ທະເລ. ທ່ານ Sato ເນັ້ນໜັກວ່າ, ຍີ່ປຸ່ນ ປາດຖະໜາຢາກຊຸກຍູ້ການຮ່ວມມືດ້ານປ້ອງກັນຄວາມສະຫງົບກັບບັນດາປະເທດອາຊຽນ. ກອງປະຊຸມກໍ່ແລກປ່ຽນຄຳເຫັນກ່ຽວກັບການເພີ່ມທະວີການຮ່ວມມືລະຫວ່າງຍີ່ປຸ່ນ ແລະ ອາຊຽນ ໃນຂົງເຂດປະກອບພາຫະນະຮັບໃຊ້ວຽກງານໜູນຊ່ວຍມະນຸດສະທຳ ແລະ ກູ້ໄພກູ້ຊິບເມື່ອເກີດໄພທຳມະຊາດ ກໍ່ຄືແລກປ່ຽນກ່ຽວກັບການຍົກສູງຄວາມສາມາດທາງທະເລໃຫ້ກອງທັບບັນດາປະເທດ.
ຕອບສຳພາດຕໍ່ນັກຂ່າວວິທະຍຸກະຈາຍສຽງຫວຽດນາມ, ພົນໂທ ຫງວຽນຈິ໋ວິ້ງ, ຮອງລັດຖະມົນຕີກະຊວງປ້ອງກັນປະເທດ, ຫົວໜ້າຄະນະເຈລະຈາຫວຽດນາມ ເຂົ້າຮ່ວມກອງປະຊຸມ ໃຫ້ຮູ້ວ່າ, ທັງອາຊຽນ ແລະ ຍີ່ປຸ່ນ ລ້ວມແຕ່ມີຄວາມວິຕົກກັງວົນລວມກ່ຽວກັບບັນດາການຜັນແປ່ຫວ່າງແລ້ວນີ້ຢູ່ທະເລ, ໃນນັ້ນມີທະເລຮວາຕຸງ ແລະ ທະເລຕາເວັນອອກ. ທ່ານຮອງລັດຖະມົນຕີ ຫງວຽນຈິ໋ວິ້ງ ໃຫ້ຮູ້ວ່າ.
“ບັນດາປະເທດລ້ວນແຕ່ເວົ້າວ່າ, ພວກເຮົາຕ້ອງມີຄວາມຮັບຮູ້ລວມກ່ຽວກັບກົດໝາຍ, ບໍ່ພຽງແມ່ມີມາດຖານຊ້ອນ, ບໍ່ມີຄວາມຮັບຮູ້ທີ່ແຕກຕ່າງກັນດ້ານກົດໝາຍສາກົນ. ຫາກກົດໝາຍສາກົນພຽງໜຶ່ງດ່ຽວເທົ່ານັ້ນ. ນັ້ນແມ່ນການເຄື່ອນໄຫວດ້ວຍມາດຕະການສັນຕິພາບ, ບໍ່ນຳໃຊ້ອາວຸດ ຫຼື ນາບຂູ່ນຳໃຊ້ອາວຸດ. ເມື່ອເກີດການຂັດແຍ້ງກັນ, ບັນດາຝ່າຍຕ້ອງຈັດການເຈລະຈາ 2 ຝ່າຍ ຫຼື ຫຼາຍຝ່າຍເພື່ອແກ້ໄຂບັນຫາ”.