ເວທີປາໄສວິສາຫະກິດຫວຽດນາມ-ນິວຊີແລນ2016
ເວທີປາໄສວິສາຫະກິດ ຫວຽດນາມ - ນິວຊີແລນ 2016
(ພາບ: vietnam+)
(vovworld) - ວັນທີ 03/02ເນື່ອງໃນໂອກາດຢ້ຽມຢາມ ແລະ ລົງນາມໃນສັນຍາຄູ່ຮ່ວມມືຂ້າມປາຊີຟິກ (TPP) ຢູ່ ນິວຊີແລນ ຂອງທ່ານລັດຖະມົນຕີວ່າການກະຊວງອຸດສາຫະກຳ ແລະ ການຄ້າ ຫວູຮີວຮ່ວາງ, ກະຊວງອຸດສາຫະກຳ ແລະ ການຄ້າ ຫວຽດນາມ ສົມທົບກັບສະຖານທູດ ຫວຽດນາມ ປະຈຳ ນິວຊີແລນ ແລະ ສະພາດຳເນີນທຸລະກິດ ອາຊຽນ - ນິວຊີແລນ (ANZBC) ຈັດຕັ້ງເວທີປາໄສວິສາຫະກິດ ຫວຽດນາມ - ນິວຊີແລນ 2016 ຢູ່ນະຄອນ Auckland.
ກ່າວຄຳເຫັນທີ່ພິທີໄຂເວທີປາໄສ, ທ່ານລັດຖະມົນຕີ ຫວູຮີວຮ່ວາງ ເນັ້ນໜັກວ່າ: ບັນດາກາລະໂອກາດ ເຊິ່ງ TPP ນຳມາໃຫ້ ຫວຽດນາມ ແລະ ນິວຊີແລນ ເມື່ອ 2 ພື້ນຖານເສດຖະກິດມີລັກສະນະໜູນຊ່ວຍກັນ. ນິວຊີແລນ ມີຄວາມຕ້ອງການນຳເຂົ້າບັນດາປະເພດສິນຄ້າ ຊຶ່ງ ຫວຽດນາມ ມີທ່າແຮງ ໃນຂະນະນັ້ນ ຫວຽດນາມ ມີຄວາມຕ້ອງການນຳເຂົ້າບາງປະເພດສິນຄ້າຮັບໃຊ້ການບໍລິໂພກອຸປະໂພກພາຍໃນປະເທດຢ່າງຫລວງຫລາຍ ພິເສດ ແມ່ນໃຫ້ແກ່ການຜະລິດສິນຄ້າສົ່ງອອກ ເຊິ່ງຄາດຄະເນວ່າຈະເພີ່ມຂຶ້ນແຮງ. ບົນເວທີປາໄສຫລາຍຝ່າຍ, ຫວຽດນາມ ແລະ ນິວຊີແລນ ກໍ່ເຂົ້າຮ່ວມສັນຍາເຂດການຄ້າເສລີ ອາຊຽນ - Australia – New Zealand (AANZFTA), ເວທີປາໄສເສດຖະກິດອາຊີ - ປາຊີຟິກ (APEC) ແລະ 2 ປະເທດພວມເຈລະຈາສັນຍາຄູ່ຮ່ວມມືເສດຖະກິດຮອບດ້ານ (RCEP)
ສ່ວນທ່ານລັດຖະມົນຕີວ່າການກະຊວງການຄ້າ ນິວຊີແລນ Todd McClay ຊີ້ແຈ້ງວ່າ: ໃນບັນດາປະເທດອາຊີຕາເວັນອອກສ່ຽງໃຕ້, ຫວຽດນາມ ແມ່ນຄູ່ຮ່ວມມືການຄ້າທີ່ມີລະດັບພັດທະນາທີ່ສຸດຂອງ ນິວຊີແລນ ໃນຮອບເວລາ 5 ປີຜ່ານມາ ແລະ ປະຈຸບັນ ວົງເງິນການຄ້າ 2 ສົ້ນບັນລຸໄດ້ລະດັບກ່ວາ 1 ຕື້ໂດລາ ນິວຊີແລນ. ທ່ານ Todd McClay ຫວັງວ່າ: ດ້ວຍເລື່ອງ ຫວຽດນາມ ໄດ້ຮັບການຄາດຄະເນຈະເຕີບໂຕໄວໃນປີ 2016, ວົງເງິນການຄ້າ 2 ສົ້ນລະຫວ່າງ 2 ປະເທດຈະເພີ່ມຂຶ້ນ.