ແນວໂຮມປະເທດຊາດຫວຽດນາມແລະແນວລາວສ້າງຊາດເຫັນດີເປັນເອກະສັນເພີ່ມທະວີການຮ່ວມມືນຳກັນ
ທ່ານນາງ ບູ່ຍທິແທງ ເຂົ້າຢ້ຽມຂຳກັບ ທ່ານ ໃຊສົມພອນ ພົນວິຫານ
(vovworld) - ໃນຂອບເຂດ ການຢ້ຽມຢາມລາວ ແຕ່ວັນທີ 17 - 20/10, ຕອນບ່າຍວັນທີ 17/10 ຢູ່ ນະຄອນຫຼວງ ວຽງຈັນ, ຄະນະຜູ້ແທນຄະນະກຳມະການສູນກາງແນວໂຮມປະເທດຊາດຫວຽດນາມ ໂດຍທ່ານນາງ ຮອງປະທານ ບູ່ຍທິແທງ ເປັນຫົວໜ້າຄະນະ ເຈລະຈາ ກັບ ຄະນະຜູ້ແທນຄະນະກຳມະການສູນກາງແນວລາວສ້າງຊາດ ໂດຍທ່ານ ຮອງປະທານ ຈັນທະວົງ ເສນາມາກມົນຕີ ເປັນຫົວໜ້າຄະນະ. ສອງຝ່າຍເຫັນດີເປັນເອກະສັນຍູ້ແຮງວຽກງານ ໂຄສະນາໃຫ້ປະຊາຊົນທຸກຊັ້ນວັນນະ, ເປັນຕົ້ນແມ່ນລຸ້ນໜຸ່ມສອງປະເທດກ່ຽວກັບການພົວພັນມິດຕະພາບທີ່ເປັນມູນເຊື້ອ, ການຮ່ວມມືຮອບດ້ານ ຫວຽດນາມ - ລາວ. ສອງຝ່າຍເຫັນດີເປັນເອກະສັນນຳກັນສືບຕໍ່ແລກປ່ຽນຄະນະຜູ້ແທນ; ສົ່ງເສີມ ແລະ ສ້າງເງື່ອນໄຂສະດວກໃຫ້ແນວໂຮມຂອງບັນດາທ້ອງຖິ່ນ, ເພີ່ມທະວີການຮ່ວມມືຊ່ວຍເຫຼືອກັນພັດທະນະເສດຖະກິດ, ສັງຄົມ.
ແລະກໍ່ໃນຕອນບ່າຍວັນດຽວກັນ 17/10, ທ່ານນາງ ບູ່ຍທິແທງ ຮອງປະທານຄະນະກຳມະການສູນກາງແນວໂຮມປະເທດຊາດຫວຽດນາມ ໄດ້ມາເຂົ້າຢ້ຽມຂ່ຳນັບ ທ່ານໄຊສົມພອນ ພົນວິຫານ ປະທານຄະນະກຳມະການສູນກາງແນວລາວສ້າງຊາດຕາມພິທີການທູດ.