(vovworld) – ຕອນເຊົ້າວັນທີ 08/08, ກອງປະຊຸມລັດຖະມົນຕີການຕ່າງປະເທດອາຊຽນ ຄັ້ງທີ 47 (AMM 47) ແລະ ບັນດາກອງປະຊຸມທີ່ກ່ຽວຂ້ອງຖືກໄຂຂຶ້ນຢູ່ນະຄອນຫຼວງ Nay Pyi Taw, ປະເທດມຽນມາ. ນີ້ແມ່ນບັນດາກອງປະຊຸມຂັ້ນລັດຖະມົນຕີການຕ່າງປະເທດມີຄວາມສຳຄັນຍິ່ງໃນປີຂອງອາຊຽນ ແລະ ລະຫວ່າງອາຊຽນ ກັບບັນດາຄູ່ຮ່ວມມືຫຼັກແຫຼ່ງ. ຄະນະຜູ້ແທນຫວຽດນາມ ໂດຍທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດຫວຽດນາມ ຟ້າມບິ່ງມິງ ນຳໜ້າເຂົ້າຮ່ວມກອງປະຊຸມ.
ກ່າວຄຳເຫັນທີ່ພິທີໄຂ, ທ່ານປະທານາທິບໍດີປະເທດເຈົ້າພາບມຽນມາ U Thein Sein ເນັ້ນໜັກວ່າ, ໃນ 47 ປີຜ່ານມາ, ອາຊຽນ ໄດ້ມີການພັດທະນາທີ່ນັບມື້ນັບຂະຫຍັນຂັນເຄື່ອນ, ວັດທະນາຖາວອນ. ຜ່ານຄວາມມານະພະຍາຍາມຂອງແຕ່ລະປະເທດ ແລະ ຂອງທັງພາກພື້ນ, ອາຊຽນ ໄດ້ມີຄວາມເຂັ້ມແຂງກວ່າ ດ້ວຍການສ້າງຕັ້ງພື້ນຖານເສດຖະກິດທີ່ຂະຫຍັນຂັນເຄື່ອນ, ພື້ນຖານການເມືອງສັນຕິພາບ ແລະ ສະຖຽນລະພາບ. ດ້ວຍຫົວຂໍ້ຂອງກອງປະຊຸມ AMM 47 ປີນີ້ແມ່ນ ຮ່ວມມືມຸ່ງໄປເຖິງປະຊາຄົມມີຄວາມວັດທະນາຖາວອນ ແລະ ສັນຕິພາບ. ທ່ານປະທານາທິບໍດີ U Thein Sein ກ່າວວ່າ.
“ບັນດາການຜັນແປ່ຫວ່າງມໍ່ໆມານີ້ໃນໂລກ ພວມເຮັດໃຫ້ພວກເຮົາມີຄວາມວິຕົກກັງວົນ. ອາຊຽນ ຕ້ອງເນັ້ນໜັກເຖິງກົນໄກນຳພາພາກພື້ນຂອງຕົນ. ອາຊຽນ ຕ້ອງຊຸກຍູ້ນະໂຍບາຍບໍ່ເຊື່ອມຕໍ່, ພວກເຮົາຕ້ອງຕັ້ງໜ້າເປັນເຈົ້າການ, ແກ້ໄຂບັນດາການຂັດແຍ້ງ ແລະ ຄວາມແຕກຕ່າງກັນໂດຍສັນຕິ. ອາຊຽນ ຕ້ອງສະແດງບົດບາດຊີ້ນຳນຳພາ ແລະ ຮັກສາບົດບາດໃຈກາງຂອງຕົນ. ໃນອະນາຄົດ, ຍາມໃດພວກເຮົາກໍ່ຖືສັນຍາສະໜິດສະໜົມ ແລະ ຮ່ວມມືອາຊີຕາເວັນອອກສ່ຽງໃຕ້ ເປັນພື້ນຖານໃຫ້ແກ່ບັນດາຄວາມມານະພະຍາຍາມໃນການສ້າງໂຄງປະກອບບັນດາລະບອບລະບຽບປ້ອງກັນຄວາມສະຫງົບ ແລະ ການເມືອງຢູ່ພາກພື້ນໃໝ່ໃນອາຊຽນຄືນໃໝ່”.
ແລະ ກໍໃນວັນດຽວກັນ,ຢູ່ນອກກອງປະຊຸມລັດຖະມົນຕີການຕ່າງປະເທດອາຊຽນ ຄັ້ງທີ 47 (AMM 47) ແລະ ບັນດາກອງປະຊຸມທີ່ກ່ຽວຂ້ອງຖືກໄຂຂຶ້ນຢູ່ນະຄອນຫຼວງ Nay Pyi Taw, ປະເທດມຽນມາ. ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດຫວຽດນາມ ຟ້າມບິ່ງມິງ ໄດ້ພົບປະກັບສົມເດັດ Mohamed Bolkiah ລັດຖະມົນຕີການຕ່າງປະເທດ ແລະ ການຄ້າ ບຣູໄນ. ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດຫວຽດນາມ ຟ້າມບິ່ງມິງສະເໜີ 2 ຝ່າຍເພີ່ມທະວີການແລກປ່ຽນການພົບປະຂັ້ນສູງ ແລະ ຂັ້ນຕ່າງໆ, ຍູ້ແຮງການຮ່ວມມືໃນທຸກຂົງເຂດ; ດຳເນີນກອງປະຊຸມສະໄໝສາມັນ ຄັ້ງທີ 1 ຄະນະກຳມາທິການຮ່ວມມື 2 ຝ່າຍຫວຽດນາມ-ບຣູໄນໃນໄວໆນີ້. 2 ຝ່າຍຍັງແລກປ່ຽນ ບັນຫາສາກົນ ແລະ ພາກພື້ນ, ໃນນັ້ນມີບັນຫາທະເລຕາເວັນອອກ.