ພິທີຕັດແຖບຜ້າໄຂງານວາງສະແດງ
(ພາບ: Minh Duc/VOV5)
(vovworld) – ຕອນເຊົ້າວັນທີ 30/8, ຢູ່ຮ່າໂນ້ຍ ໄດ້ຈັດຕັ້ງງານວາງສະແດງຮູບພາບ “ເຈື່ອງຊາບ່ອນທີ່ເຮົາມາ” ຂອງ ຫງວຽນໝີຈ່າ, ນັກຂ່າວວິທະຍຸກະຈາຍສຽງ ຫວຽດນາມ (VOV). ຜູ້ອຳນວຍການໃຫຍ່ VOV ຫງວຽນເທ໋ກີ໋ ໄດ້ເຂົ້າຮ່ວມ ແລະ ຕັດແຖບຜ້າໄຂງານວາງສະແດງ.
ງານວາງສະແດງ “ເຈື່ອງຊາບ່ອນທີ່ເຮົາໄປ” ໄດ້ນຳມາວາງສະແດງຮູບພາບ 70 ແຜ່ນເຊິ່ງຈັດເປັນ 3 ຫົວຂໍ້ນັ້ນແມ່ນ: ສີສັນເຈື່ອງຊາ, ຄວາມງາມຂອງທະຫານເຮືອ ຫວຽດນາມ, ການດຳລົງຊີວິດດ້ານຈິດໃຈໃນເກາະ. ນີ້ແມ່ນບັນດາຮູບຖ່າຍໂດຍນັກຂ່າວ ຫງວຽນໝີຈ່າ ປະຕິບັດໃນການໄປປະຕິບັດງານຢູ່ເຈື່ອງຊາ ເມື່ອເດືອນ 6 ປີນີ້. ທ່ານຜູ້ອຳນວຍການໃຫຍ່ VOV ຫງວຽນເທ໋ກີ໋, ໃຫ້ຮູ້ວ່າ:
“ຂ້າພະເຈົ້າແມ່ນຜູ້ລະດົມນັກຂ່າວ ຫງວຽນໝີ໋ຈ໋າ ຈັດງານວາງສະແດງນີ້, ແນ່ນອນວ່າງານວາງສະແດງນີ້ຈະດຶງດູດຄວາມສົນໃຈຈາກຫຼາຍຄົນ. ຍ້ອນງານວາງສະແດງໄດ້ເວົ້າເຖິງ ເຈື່ອງຊາ, ເວົ້າເຖິງບັນດາທະຫານທີ່ພວມປົກປັກຮັກສາອະທິປະໄຕຂອງປະເທດຊາດໃນເກາະ ເຈື່ອງຊາ. ມື້ນີ້, ຂ້າພະເຈົ້າຮູ້ສຶກປິຕິຊົມຊື່ນຫຼາຍຍ້ອນວ່າງານວາງສະແດງໄດ້ດຶງດູດຄວາມສົນໃຈຈາກຫຼາຍຄົນ, ຜ່ານນັ້ນຈະສ້າງຄວາມເຊື່ອໝັ້ນ, ຄວາມຮັກແພງບັນດາທະຫານພວມປົກປັກຮັກສາເຂດນ່ານທະເລຂອງປະເທດຊາດທັງເວັນ ແລະ ຄືນກ່ວາອີກ.”