(vovworld)- ວັນທີ 19/5/1959, ກົມການເມືອງ ແລະ ຄະນະພັກການທະຫານສູນກາງ ໄດ້ຕົກລົງກໍ່ສ້າງ ເສັ້ນທາງຄົມມະນາຄົມຂົນສົ່ງການທະຫານຢູ່ລຽບຕາມສາຍພູຫລວງທີ່ມີຊື່ວ່າເສັ້ນທາງໂຮ່ຈິມີນ. ຫນ້າທີ່ຂອງເສັ້ນທາງສາຍນີ້ແມ່ນລຳລຽງຂົນສົ່ງອາວຸດ ແລະ ສະບຽງອາຫານຊ່ວຍຫນູນພາກໃຕ້. ຈັດຕັ້ງການສົ່ງ, ຕ້ອນຮັບພະນັກງານ, ທະຫານ, ສົ່ງເອກະສານຈາກພາກເຫນືອເຂົ້າພາກໃຕ້ ແລະ ຈາກພາກໃຕ້ໄປພາກເຫນືອ. ຈຸດເລີ່ມຕົ້ນແມ່ນຢູ່ຫຼັກ 0, ໃນເທດສະບານລາດ ເມືອງເຕີນກີ ແຂວງ ເງ້ອານ.
ພິທີລົງມືກໍ່ສ້າງຫລັກ 0 ເສັ້ນທາງໂຮ່ຈິມີນໃນເມື່ອກ່ອນ
ພາບເອກະສານ:dantri.com.vn
|
ເມື່ອສົງຄາມຕໍ່ຕ້ານຕ້ານຈັກກະພັດອາເມລິກາກ້າວເຂົ້າສູ່ໄລຍະຕັດສິນຊີ້ຂາດ ແລະ ກະກຽມໃຫ້ບັ້ນຮົບໂຮ່ຈິມີນ, ປົດປ່ອຍພາກໃຕ້ຫວຽດນາມຢ່າງສົມບູນ, ໂຮມປະເທດຊາດເປັນເອກະພາບ, ວັນທີ 27/11/1972, ພະນັກງານນັກຮົບກອງ 559 ເລີ່ມ ລົງມືກໍ່ສ້າງເສັ້ນທາງລຳລຽງຂົນສົ່ງດ້ວຍພາຫະນະກົນຈັກ ຈາກເທດສະບານລາດ ເມືອງເຕີນກີ ແຂວງ ເງ້ອານໄປໂລກນີງ ແຂວງ ບີ່ງເຟືອກ. ຈາກນັ້ນ, ເທດສະບານ ລາດ ກາຍເປັນບ່ອນເຕົ້າໂຮມເພື່ອສົ່ງພະນັກງານນັກຮົບ ແລະ ພະລາທິການ, ອາວຸດເຂົ້າພາກໃຕ້.
ກ່ອນນີ້, ເທດສະບານລາດຕັ້ງຢູ່ກາງປ່າຕຶບດົງຫນາ, ບັນດາຂຸມລະເບີດຍ້ອນສົງຄາມປະໄວ້. ຢູ່ໃຈກາງເທດສະບານນີ້ ມີເສັ້ນທາງ 3 ສາຍ, ສາຍທີຫນຶ່ງແມ່ນເຊື່ອມຕໍ່ເສັ້ນທາງເລກ 15 B ໄປທາງພາກເຫນືອ, ອີກສາຍຫນຶ່ງແມ່ນເສັ້ນທາງ 15A ໄປໂດເລືອງ, ນາມດານ ນະຄອນ ວີງ.. ສາຍສຸດທ້າຍແມ່ນເສັ້ນທາງດ້ວຍພາຫະນະກົນຈັກຍຸດທະສາດເພື່ອລຳລຽງຂົນສົ່ງສະບຽງອາຫານ, ອາວຸດເຂົ້າພາກໃຕ້. ພົນຈັດຕະວາ ຫວໍເສີ, ອະດີດກຳມະການການເມືອງ ພົນລະພາກຫລວງ ເຈື່ອງເຊີນ (ພົນລະພາກຫລວງ 559) ຊື່ງແມ່ນຜູ້ໄປສຳຫລວດ ແລະ ກໍ່ສ້າງບ່ອນເຕົ້າໂຮມຢູ່ຫຼັກ 0 ໃຫ້ຮູ້ວ່າ: ໃນເບື້ອງຕົ້ນພຽງແຕ່ແມ່ນກອງພັນ ດ້ວຍພະນັກງານ, ນັກຮົບພຽງກວ່າ 500 ຄົນເທົ່ານັ້ນ ແຕ່ດ້ວຍການຊ່ວຍເຫລືອຈາກຊ່າງແສງ, ຊາວຫນຸ່ມຕະລຸມບ່ອນ, ແລະ ປະຊາຊົນເມືອງຕ່າງໆໃນແຂວງ ເງ້ຕີງ ໄດ້ຂຸດດິນ, ຂຸດຫິນນັບພັນແມັດກ້ອນ, ຟື້ນຟູຂົວນັບສີບໆແຫ່ງ, ກໍ່ສ້າງເສັ້ນທາງທັງປອດໄພທັງປິດລັບເຂົ້າພາກໃຕ້ຫວຽດນາມ. ສີບກອງພົນຫລັກແຫລ່ງ ພ້ອມດ້ວຍເຄື່ອງຂອງ, ອາວຸດນັບລ້ານໂຕນ ໄດ້ເຕົ້າໂຮມຢູ່ເທດສະບານລາດ ກ່ອນທີ່ເຂົ້າສະຫນາມຮົບ.
“ເທດສະບານລາດໃນຄາວນັ້ນແມ່ນເຂດທີ່ຮົກເຮື້ອເປົ່າຫວ່າງ, ໃນເຂດພູດອຍ ສະນັ້ນໄດ້ຮັບປະກັນຄວາມປິດລັບໃຫ້ແກ່ການຂົນສົ່ງພະນັກງານ, ທະຫານ ແລະ ອາວຸດ, ສະບຽງອາຫານເຂົ້າພາກໃຕ້. ຈາກນີ້, ສາມາດຂົນສົ່ງພາຫະນະກົນຈັກເຂົ້າພາກໃຕ້. ການລຳລຽງຂົນສົ່ງໃຫ້ພາກໃຕ້ ແມ່ນຫນ້າທີ່ ແລະ ຄວາມຮັບຜິດຊອບ ສະນັ້ນ ນັກຮົບພວກຂ້າພະເຈົ້າຮູ້ສຶກເປັນກຽດທີ່ສຸດ. ໃນຄາວນັ້ນ, ພະນັກງານຈາກພາກໃຕ້ໄດ້ຮັບການເລືອກເຟັ້ນມາເຕົ້າໂຮມຢູ່ຫຼັກ 0 ທາງພາກເຫນືອເພື່ອກະກຽມເຂົ້າຮັບໃຊ້ພາກໃຕ້. “
ຫຼັກ 0, ເສັ້ນທາງພາຫະນະກົນຈັກຍຸດທະສາດ ໂຮ່ຈິມີນ ແກ່ຍາວຈາກພາກ ເຫນືອລົງພາກໃຕ້ ດ້ວຍຄວາມຍາວ 17.000 ກິໂລກແມັດ, ສະເພາະທາງທິດຕາເວັນອອກສາຍພູຫລວງ ແມ່ນ 1.920 ກິໂລແມັດ ດ້ວຍລະບົບທາງ 5 ສາຍຕາມລວງຍາວ ແລະ 21 ສາຍຕາມລວງຂວາງທີ່ເຊື່ອມຕໍ່ກັບບັນດາສະຫນາມຮົບ. ພົນຈັດຕະວາ ໂງເສີ ແບ່ງປັນວ່າ:
“ເມື່ອຫຼັກ 0 ກໍ່ສ້າງສຳເລັດ ມັນໄດ້ຮັບການຕີລາຄາວ່າ ທັງແມ່ນບາດກ້າວຫັນປ່ຽນໃຫຍ່ ແລະ ໃຫມ່ທີ່ສຸດ, ທັງເຮັດໃຫ້ເສັ້ນທາງໂຮ່ຈິມີ ມີຂອບຂະຫນາດໃຫຍ່ກວ່າ. ທ່ານເລຢວນ, ອະດີດເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຫວຽດນາມ ເວົ້າວ່າ: ເສັ້ນທາງໂຮ່ຈິມີນທັງຮັບໃຊ້ການຕໍ່ຕ້ານໃນສົງຄາມປົດປ່ອຍຊາດ ທັງມີຄວາມໝາຍເພື່ອອະນາຄົດຍາວນານຂອງປະເທດຊາດ.”
ຫລັກ 0 ເສັນທາງໂຮ່ຈີມີນ ປະຈຸບັນ
ພາບ:dantri.com
|
ນັບແຕ່ໄດ້ຮັບການກໍ່ສ້າງຈົນສົງຄາມສິ້ນສຸດລົງ, ບົນເສັ້ນທາງແຫ່ງເທບນິຍາຍນີ້ ທະຫານເຈື່ອງເຊີນ ສາມາດລຳລຽງຂົນສົ່ງອາວຸດ, ສະບຽງອາຫານໄດ້ເກືອບ 445 ລ້ານໂຕນ ແລະ ນ້ຳມັນເຊື້ອໄຟເກືອບ 58 ລ້ານໂຕນໃຫ້ແກ່ພາກໃຕ້, ປະກອບສ່ວນສ້າງເປັນໄຊຊະນະປະຫວັດສາດລະດູບານໃຫມ່ປີ 1975, ປົກປ່ອຍພາກໃຕ້ຫວຽດນາມ, ທ້ອນໂຮມປະເທດຊາດເປັນເອກະພາບ.
ພາຍຫຼັງສຳເລັດໜ້າທີ່ປະຫວັດສາດຂອງຕົນ, ປະຈຸບັນ ເສັ້ນທາງເຈື່ອງເຊີນ - ໂຮ່ຈິມີນ ໄດ້ຮັບການກໍ່ສ້າງກາຍເປັນເສັ້ນທາງຕົ້ນຕໍເຊື່ອມຕໍ່ພາກເຫນືອ-ພາກໃຕ້ ຮັບໃຊ້ພາລະກິດຍູ້ແຮງການຫັນປະເທດຊາດເປັນປະເທດອຸດສາຫະກຳ ແລະ ທັນສະໄຫມ. ປີ 1989, ເສັ້ນທາງໂຮ່ຈິມີນ ໄດ້ຮັບການກໍ່ສ້າງຕາມມາດຕະຖານແຫ່ງຊາດ ແລະ ຕິດພັນກັບເສັ້ນທາງແຫ່ງເທບນິຍາຍນີ້ ແມ່ນຫລັກ 0. ວັນທີ 27/4/1990, ຫຼັກ 0 ໄດ້ຮັບການຮັບຮອງວ່າແມ່ນປູຊະນີຍະສະຖານປະຫວັດສາດແຫ່ງຊາດ. ປະຈຸບັນ ຫລັກ 0 ໄດ້ຮັບການກໍ່ສ້າງ, ບູລະນະປະຕິສັງຂອນ ດ້ວຍເນື້ອທີ່ 600 ຕາລາງແມັດ, ດ້ວຍຫໍມູນເຊື້ອທີ່ແນະນຳບັນດາວັດຖຸພັນໃນໄລຍະສົງຄາມ, ແມ່ນບ່ອນຮັບໃຊ້ປະຊາຊົນ, ນັກທ່ອງທ່ຽວພາຍໃນ ແລະ ຕ່າງປະເທດ, ພ້ອມກັບຊາວຫວຽດນາມ ອາໄສຢູ່ຕ່າງປະເທດມາຢ້ຽມຊົມ, ຊອກຮູ້.. ພັນເອກ ເງິນຈ່າຍ, ຜູ້ອຳນວຍການຫໍພິພິດທະພັນເສັ້ນທາງໂຮ່ຈິມີນ ໃຫ້ຮູ້ວ່າ: ຈະກໍ່ສ້າງອະນຸສາວາລີ ດ້ວຍຫົວເລື່ອງ: “ແນວຫລັງມູ່ງໄປສູ່ແນວຫນ້າ” ຢູ່ໃນເຂດປູຊະນີຍະສະຖານ ຫຼັກ 0 ເພື່ອອາໄລຫາບັນດາພະນັກງານ, ນັກຮົບ ເຂົ້າຮ່ວມການຕໍ່ສູ້ທີ່ໄດ້ເສຍສະຫລະຊີວິດບົນເສັ້ນທາງແຫ່ງເທບນິຍາຍນີ້.
“ປະຈຸບັນ, ຫຼັກ 0 ໄດ້ກາຍເປັນເຂດປູຊະນີຍະສະຖານລະດັບຊາດພິເສດ, ສະນັ້ນ ເພື່ອເສີມຂະຫຍາຍບັນດາຄຸນຄ່າມໍລະດົກຂອງປູຊະນີຍະສະຖານແຫ່ງນີ້, ທຸກຂັ້ນ, ຂະແຫນງການໄດ້ມີຄວາມເອົາໃຈໃສ່ທີ່ສຸດ. ໃນຊຸມປີຜ່ານມາ, ໂດຍໄດ້ຮັບຄວາມເອົາໃຈໃສ່ຈາກພັກ, ລັດ, ເຂດປູຊະນີຍະສະຖານ ຫຼັກ 0 ໄດ້ຮັບການຍົກລະດັບກາຍເປັນສະຖານທີ່ທ່ອງທ່ຽວຂອງນັກທ່ອງທ່ຽວພາຍໃນ ແລະ ຕ່າງປະເທດ. ນີ້ກໍແມ່ນສະຖານທີ່ທ່ອງທ່ຽວຕອບສະຫນອງຄວາມຕ້ອງການສຶກສາມູນເຊື້ອຂອງຊາດ ແລະ ທະຫານເຈື່ອງເຊີນ ເພື່ອໃຫ້ປະຊາຊົນຫວຽດນາມ ແລະ ຄົນລຸ້ນຫນຸ່ມເຂົ້າໃຈກ່ຽວກັບການຕໍ່ຕ້ານຕ້ານຈັກກະພັດອາເມລິກາ.”
ຢູ່ຕີນພູ ເສັ້ນທາງໂຮ່ຈິມີນ ໃນເມື່ອກ່ອນ ແມ່ນນ້ຳຫ້ວຍເລິກ, ກີ່ວຊັນ ແຕ່ປະຈຸບັນ ເສັ້ນທາງເຈືອງເຊີນ ຖືກກໍ່ສ້າງດ້ວຍເບຕົງ ແລະ ກາຍເປັນເສັ້ນທາງເສດຖະກິດ - ການປ້ອງກັນຊາດສຳຄັນຕົ້ນຕໍ, ປະກອບສ່ວນເຂົ້າໃນການພັດທະນາການທ່ອງທ່ຽວ, ການຂົນສົ່ງ ເພື່ອສ້າງສາປະເທດຊາດໃຫ້ນັບມື້ນັບພັດທະນາ. ເທດສະບານ ລາດ ຊື່ງແມ່ນບ່ອນທີ່ມີ ຫຼັກ 0 ຖືກທຳລາຍໃນສົງຄາມເມື່ອກ່ອນນີ້, ປະຈຸບັນ ໄດ້ພັດທະນາຢ່າງຄັບຄາຫນາແຫນ້ນ ດ້ວຍກິດຈະກຳທີ່ໃຫຍ່ໂຕຫຼາຍແຫ່ງ, ອາຄານຊັ້ນສູງຫລາຍຫລັງ. ປະຈຸບັນ ຢູ່ຄຽງຂ້າງຫລັກ 0 ແລະ ຢູ່ສອງຟາກທາງໂຮ່ຈິມີນແຫ່ງເທບນິຍາຍ, ຊີວິດການເປັນຢູ່ຂອງປະຊາຊົນມີຄວາມອີ່ມຫນຳສຳລານ ແລະ ສົມບູນພູນສຸກ.