ໂດຍຕັ້ງຢູ່ເຂດບ້ານນາທີ່ລຽບງ່າຍ ແລະ ມີຄວາມສະຫງົບສຸກຂອງແຂວງນາມດິ້ງ, ຕາແສງຫາຍມິງ, ເມືອງຫາຍເຫົ້າ. ຫາຍມິງເປັນສະຖານທີ່ເພື່ອໃຫ້ຜູ້ທີ່ມີຄວາມເມົາມົວແກະສະຫຼັກ, ຄວັດລວດລາຍມາຄົ້ນຫາ, ບັນດາເຄື່ອງເຟີນີເຈີເຫຼົ່ານັ້ນແມ່ນໄດ້ ຜະລິດຕາມຮູບແບບຂອງເຄື່ອງບູຮານ. ບັນດາຜະລິດຕະພັນເຄື່ອງເຟີນີເຈີຢູ່ຕາແສງຫາຍມິງມີຫຼາຍຮູບຫຼາຍແບບ, ນັບແຕ່ເຄືອ່ງບູຮານທຽມ, ເຄື່ອງໃຊ້ສອຍທີ່ທາສີແດງເຄືອບຄໍາ ຫຼື ສີທອງມັກໃຊ້ໃນຄອບຄົວຮັ່ງມີໃນສະໄໝກ່ອນ,ເຄື່ອງແກະຄວັດສະຫຼັກ, ຝັງໄຂ່ມຸກ....ມາຢ້ຽມຢາມຕາແສງຫາຍມິງເພື່ອໄດ້ເຫັນບັນດານາຍຊ່າງຢູ່ທີ່ນີ້ມີຄວາມສຸດອົກສຸດໃຈກັບອາຊີບເປັນຄືແນວໃດ.
ໝູ່ບ້ານຫາຍມິງ - ບ່ອນຜະລິດເຄື່ອງເຟີນີເຈີຕາມຮູບແບບເຄື່ອງບູຮານ
|
ໂດຍຫ່າງຈາກນະຄອນນາມດິ້ງກວ່າ 40 ກິໂລແມັດ, ຕາແສງຫາຍມິງມີຊື່ສຽງມາແຕ່ດົນນານດ້ວຍອາຊີບຜະລິດເຄື່ອງສິລະປະຫັດຖະກຳທີ່ເຮັດດ້ວຍໄມ້. ປະຈຸບັນທົ່ວຕາແສງມີຮາກຖານດຳເນີນທຸລະກິດ, ຜະລິດປະເພດສິນຄ້ານີ້ເກືອບ 200 ຮາກຖານ. ທ່ານ ຫງວຽນວັນເຈື່ອງ ເຈົ້າຂອງຮາກຖານຜະລິດຢູ່ຕາແສງຫາຍມິງ, ເມືອງຫາຍເຫົ້າ, ແຂວງນາມດິ້ງ ໃຫ້ຮູ້ວ່າ ບັນດາຜະລິດຕະພັນຂອງຫຖຍມິງເປັນສິນຄ້າທີ່ແຂກເລືອກເຟັ້ນ. ຜູ້ທີ່ນິຍົມ ແລະ ມີຄວາມເຂົ້າໃຈ ເຂົາເຈົ້າຈະຊອກຫາທຸກວິທີເພື່ອ ມາຢ້ຽມຢາມຫ໋າຍມິງ ແລະ ສັ່ງຈອງສິນຄ້າ.
“ໝູ່ບ້ານອາຊີບນີ້ມີມາແຕ່ດົນນານ. ຂ້າພະເຈົ້າເກີດມາຍັງນ້ອຍຢູ່ ສະນັ້ນຈຶ່ງບໍ່ຮູ້ປະຫວັດຄວາມເປັນມາຂອງໝູ່ບ້ານອາຊີບນີ້ຄືແນວໃດ ພຽງແຕ່ຮູ້ວ່າເມື່ອເວລານັ້ນຢູ່ໃນໝູ່ບ້ານມີ 2-3 ຄົນເທົ່ານັ້ນທີ່ເຮັດເຄື່ອງສິລະປະຫັດຖະກຳດ້ວຍໄມ້. ເຄື່ອງສິລະປະຫັດຖະກຳທີ່ເຮັດດ້ວຍໄມ້ແມ່ນຜະລິດຕາມຮູບແບບເຄື່ອງເກົ່າແກ່, ມີລັກສະນະມາແຕ່ດົນນານ, ເຕົ້າໂຮມຍອດຍິ່ງ ສະນັ້ນຈຶ່ງພະຍາຍາມຮ່ຳຮຽນເອົາ. ຄຸນລັກສະນະພິເສດສະເພາະຂອງໝູ່ບ້ານອາຊີບເຄື່ອງເຟີນີເຈີຫາຍມິງ, ທົ່ວປະເທດມີພຽງແຕ່ຕາແສງຂ້າພະເຈົ້າທີ່ປະກອບອາຊີບຜະລິດເຄື່ອງເຟີນີເຈີຕາມຮູບແບບ ເຄື່ອງບູຮານຄືຊຸດໂຕະຕັ່ງ, ຕຽງ, ຕູ້ໂຊ ແລະ ບັນດາຊຸດໂຕະມົນນ້ອຍ……..ພວກຂ້າພະເຈົ້າແມ່ນຜູ້ທີ່ເຮັດຕາມສິ່ງທີ່ຍອດຍິ່ງຂອງບັນດາຜູ້ສ້າງອາຊີບລຸ່ນທຳອິດ ແລະ ບັນດາຜະລິດຕະພັນນັ້ນບໍ່ມີວັນທີ່ຈະຫຼ້າສະໄໝ ”
ເມື່ອມາຢ້ຽມຢາມໝູ່ບ້ານອາຊີບຜະລິດເຄື່ອງເຟີນີເຈີສີລະປະຫັດຖະກຳຫາຍມິງ, ສຽງເຈາະ, ສຽງແກະ, ສຽງຄວັດ, ສຽງຈັກກົບ, ຊອຍໄມ້ດັງອຶກກະທຶກຄຶກໂຄມ ໄປທົ່ວບ້ານ. ເມືອໄປຢ້ຽມຢາມໂຮງຈັກໂຮງງານ ບັນດານາຍຊ່າງໄດ້ສຸມຈິດສຸມໃຈ ໃສ່ຜະລິດຕະພັນ ແຕ່ລະຢ່າງທີ່ສຸດ. ເມື່ອເບິ່ງເຂົາເຈົ້າເຮັດ ຈຶ່ງຮູ້ໄດ້ສີມືຂອງນາຍຊ່າງ ຢູ່ທີ່ນີ້. ສອງຝ່າມືທຳມະດາແຕ່ພັດວ່າມີຄວາມຄ່ອງແຄ້ວຜະລິດໄດ້ບັນດາ ຜະລິດຕະພັນ ທີ່ມີຄວາມປານີດທີ່ສຸດ. ລຸງຫງວຽນວັນເຈື່ອງ ໄດ້ແບ່ງປັນຄວາມໃນໃຈກັບນາຍຊ່າງ ແຕ່ລະຄົນຢູ່ທີ່ນີ້ວ່າ ເພື່ອໃຫ້ໄດ້ຜະລິດຕະພັນໜື່ງທີ່ມີຄວາມສົມບູນ ນັ້ນ ບໍ່ພຽງແຕ່ມີສີມື ແຮງງານດີເທົ່ານັ້ນ ຫາກຍັງເຮັດດ້ວຍຄວາມຮູ້ສຶກຂຶ້ນໃຈອີກດ້ວຍບັນດາລວດລາຍ ແກະ,ຄວັດສະຫຼັກຢ່າງອຽດຈຶ່ງຈະໄດ້ຄວາມຊັດເຈນ ແລະ ກ້ຽງງາມດີ. ບັນດາລວດລາຍ ທີ່ເປັນເອກະລັກສະເພາະ ຫຼື ບັນດາຮູບແກະສະຫຼັກ ຄວັດລວດລາຍ ໂຕມັງກອນ, ນົກຍູງ ຫຼື ຕະຫຼອດຮອດບັນດາໃບໄມ້ນ້ອຍທີ່ສວຍງາມ, ບັນດານາຍຊ່າງ ຢູ່ຫາຍມິງລ້ວນແຕ່ ແກະຄວັດສະຫຼັກແຕ່ລະລວດລາຍດ້ວຍຄວາມລະມັດລະວັງ. ເຂົາເຈົ້າປາຖະໜາຢາກໃຫ້ ຜະລິດຕະພັນທີ່ຕົນເອງຜະລິດອອກມານັ້ນ ບໍ່ພຽງແຕ່ແມ່ນ ຜະລິດຕະພັນທີ່ໄດ້ຮັບການ ຕົບແຕ່ງ ແລະ ນໍາໃຊ້ເທົ່ານັ້ນ ຫາກຍັງຕ້ອງມີຄຸນຄ່າກ່ຽວກັບ ສີລະປະເພື່ອໃຫ້ຍືນຍົງຄົງຕົວ ກັບການເວລາອີກດ້ວຍ.
“ເມື່ອພວກຂ້າພະເຈົ້າພົບເຫັນເຄື່ອງຂອງບູຮານເກົ່າແກ່ສວຍງາມ ແມ່ນເອົາມາຜະລິດ ຄືນໃໝ່ ເຮັດຫຼາຍເທື່ອເພື່ອສ້າງຄວາມລື້ງເຄີຍ. ໃນແຕ່ລະວັນມີຜະລິດຕະພັນ ໃດງາມກໍ່ຈະເອົາມາແກະ ຄວັດ ຕ້ອງມີຄວາມເມົາມົວຄືແນວນັ້ນຈຶ່ງເຮັດອາຊີບໃຫ້ດີໄດ້. ເມື່ອເຮັດແລ້ວເຫັນວ່າຍັງບໍ່ທັນພຽງພໍຕ້ອງໄປຊອກຫາຮໍ່າຮຽນຕື່ມອີກ. ບັນດາຄອບຄົວ ທີ່ມີເຄື່ອງຂອງສວຍງາມແຕ່ເຂົາເຈົ້າບໍ່ຂາຍ, ພຽງແຕ່ຂໍເບິ່ງ, ຂໍຖາ່ຍຮູບເອົາເທົ່ານັ້ນ. ເມື່ອໄດ້ລົງມືເຮັດຜະລິດຕະພັນໃດໜຶ່ງແລ້ວຈະບໍ່ຄິດໄລ່ເຖິງເວລາ, ເຮັດຈົນສຸດຈິດສຸດ ໃຈຈຶ່ງຈະໄດ້ຜະລິດຕະພັນທີ່ສວຍງາມ”
ຜະລິດຕະພັນຂອງໝູ່ບ້ານອາຊີບຫາຍມິງໄດ້ສ້າງຂີດໝາຍຢ່າງແທ້ຈິງ ແລະ ນັບມື້ນັບໄດ້ດຶງດູດຜູ້ຊົມໃຊ້ ເພາະວ່າບັນດາຜະລິດຕະພັນເຄື່ອງເຟີນີເຈີທີ່ເຮັດດ້ວຍໄມ້ ມີຄວາມເປັນເອກະລັກສະເພາະ ແລະ ສວຍງາມທີ່ສຸດ. ແຕ່ຜະລິດຕະພັນເຄື່ອງເຟີນີເຈີ ຢູ່ໝູ່ບ້ານອາຊີບຫາຍມິງມີຄວາມແຕກຕ່າງກັບຜະລິດຕະພັນເຄື່ອງເຟີນີເຈີຢູ່ໝູ່ບ້ານອາຊີບແຫ່ງອື່ນໆ ນັ້ນແມ່ນ ເຄື່ອງເຟີນີເຈີຂອງຫາຍມິງແມ່ນການປະສົມປະສານຢ່າງກົມກຽວ ແລະ ຄວາມລະອຽດລະອໍລະຫວ່າງແບບພື້ນເມືອງ ແລະ ທັນສະໄໝ, ລະຫວ່າງບູຮານແລະ ຄວາມສີວິໄລ, ຜະລິດບັນດາຜະລິດຕະພັນທີ່ມີ ຄວາມປະສົມ ກົມກຽວ ດ້ານສີລະປະ, ປະສົມຄວາມປານີດ ແລະ ເໝາະສົມ. ບັນດາລາຍແຕ້ມແກະ ຄວັດສະຫຼັກຂອງຫາຍມິງຈະບໍ່ຫຼົງກັບບໍ່ວ່າໝູ່ບ້ານອາຊີບຜະລິດເຄື່ອງນີເຈີໃດຢູ່ ຫວຽດ ນາມ. ອ້າຍ ຟ້າມວັນຕຽບ ນາຍຊ່າງແກະຄວັດສະຫຼັກຢູ່ຫາຍມິງ ໃຫ້ຮູ້ວ່າ:
“ເມື່ອເບິ່ງຮອຍແກະ ຄວັດສະຫຼັກຂອງຜະລິດຕະພັນແລ້ວ ນາຍຊ່າງ ຢູ່ທີ່ນີ້ຕ້ອງ ໄດ້ຜ່ານວິວັດການສະສົມຄວາມຮູ້ອຸດົມສົມບູນທີ່ສຸດ. ນາຍຊ່າງຢາກໃຫ້ ຜະລິດຕະພັນ ມີຈິດວິນຍານ ຈຶ່ງເຮັດດ້ວຍຄວາມສຸດຈິດສຸດໃຈຂອງຕົນ. ຄັ້ງທຳອິດເຮັດຈະ ບໍ່ງາມ ແຕ່ເຮັດຫຼາຍເທື່ອມັນກໍ່ຄ່ອຍງາມຂຶ້ນເອງ” ເຄື່ອງຜະລິດຕະພັນເຟີນີເຈີສີລະປະຫັດຖະກຳທີ່ເຮັດດ້ວຍໄມ້ຢູ່ຫາຍມິງມີຫຼາຍຮູບຫຼາຍແບບ ອຸດົມສົມບູນ ນັບແຕ່ໂຕະ, ຕັ່ງ, ຕຽງ, ຕູ້ໂຊ ເຄື່ອງໃຊ້ໃນຄອບຄົວຕະຫຼອດ ຮອດແຜ່ນຄວັດຕົວໜັງສືຈີນ......ສີລະປະໃນການຜະລິດເຄື່ອງເຟີນີເຈີ, ເຄື່ອງບູຮານທຽມ ຂອງຫາຍມິງມີຊື່ສຽງໂດ່ງດັງໄປທົ່ວເຂດ.ທ່ານຮວ່າງວັນເຈື່ອງ ຊ່າງແກະສະຫຼັກ, ຄວັດ ລວດລາຍມາເປັນເວລາຫຼາຍປີຂອງໝູ່ບ້ານອາຊີບຫາຍມິງ,ຖືວ່າ:
“ເພື່ອໃຫ້ໄດ້ຜະລິດຕະພັນໜຶ່ງທີ່ມີຄຸນນະພາບ ຮຽກຮ້ອງໃຫ້ນາຍຊ່າງຕ້ອງມີສີມື ມີຄວາມອົດທົນ, ມີຫົວຄິດປະດິດສ້າງຈຶ່ງຈະໄດ້ຜະລິດຕະພັນທີ່ສວຍງາມ. ເຄື່ອງບູຮານໃນ ເມື່ອກ່ອນໄດ້ແກະ ຄວັດສະຫຼັກຫຼາຍລວດລາຍພ້ອມກັບການຝັງໄຂ່ມຸກທີ່ສວຍງາມ. ຄວາມງາມຂອງການຝັງໄຂ່ມຸກແມ່ນພິເສດສະເພາະເມື່ອທຽບໃສ່ ຜະລິດ ຕະພັນທີ່ເຮັດ ດ້ວຍໄມ້. ຜະລິດຕະພັນຄື ຝາຕູ້, ຂອບຕຽງຕ້ອງໄດ້ແກະ, ຄວັດຝັງໄຂ່ມຸກລວດລາຍຈຶ່ງ ເຮັດໃຫ້ຜະລິດຕະພັນມີຄວາມໂດດເດັ່ນ ແລະ ສວຍງາມ”
ແຕ່ລະຜະລິດຕະພັນ,ພິເສດແມ່ນແຜ່ນຄວັດຕົວໜັງສືຈີນ, ແຜ່ນຄຳກອນ ຮຽກຮ້ອງໃຫ້ຜູ້ທີ່ເຮັດອາຊີບນີ້ ນອກຈາກມີຄວາມສາມາດດ້ານສີມືແລ້ວ ຍັງຕ້ອງມີຄວາມ ເຂົ້າໃຈປະຫວັດສາດ, ວັດທະນະທຳທີ່ເປັນເອກະລັກສະເພາະຂອງບັນດາລາດຊະວົງ ທີ່ຕິດພັນກັບຜະລິດຕະພັນແຕ່ລະຢ່າງ. ຫາຍມິງແມ່ນບ່ອນເຕົ້າໂຮມ ບັນດານາຍຊ່າງ ທີ່ມີສີມືຢ່າງຄ່ອງແຄ້ວພ້ອມກັບຄວາມມານະພະຍາຍາມ ແລະ ຄວາມລະອຽດລະອໍ ລະມັດລະວັງໃນບັນດາຜະລິດຕະພັນເຟີນີເຈີ. ຫາຍມິງກາຍເປັນ ເຄື່ອງໝາຍການຄ້າ ເຄື່ອງເຟີນີເຈີທີ່ມີຊື່ສຽງຢູ່ຫວຽດນາມ.