នៅក្នុងដំណាក់កាលថ្មីនេះ សំណួរដាក់ចេញមិនមែនជារបៀបធ្វើយ៉ាងម៉េច ដើម្បីឲ្យអាណិកជនវៀតណាមអាចចូលរួមចំណែកកាន់តែច្រើនថែមទៀតនោះទេ ប៉ុន្តែជារបៀបធានាថា អ្នកដែលមានសមត្ថភាព និងបំណងប្រាថ្នាចង់ចូលរួមចំណែកស្វែងរកកន្លែងត្រឹមត្រូវ តម្រូវការត្រឹមត្រូវ និងយន្តការអំណោយផលគ្រប់គ្រាន់ដើម្បីផ្លាស់ប្តូរសក្តានុពលទាំងនោះទៅជាតម្លៃសម្រាប់ប្រទេសជាតិ។ សេចក្តីសម្រេចចិត្តមជ្ឈិម លេខ ២៣ (23-NQ/TW) គឺជាមូលដ្ឋានគ្រឹះដ៏សំខាន់ បើកចេញយន្តការ និងលក្ខណៈងាយស្រួលសម្រាប់អាណិកជនវៀតណាមចូលរួមដោយផ្ទាល់ ជាក់ស្តែង និងមានប្រសិទ្ធភាពនៅក្នុងដំណើរការអភិវឌ្ឍន៍ប្រទេសជាតិ។
ការទទួលយ៉ាងវិជ្ជមានពីអាណិកជនវៀតណាម
ជាងពីរទសវត្សរ៍បន្ទាប់ពីសេចក្តីសម្រេចចិត្តមជ្ឈិមលេខ ៣៦ (36-NQ/TW) ស្តីពីកិច្ចការសម្រាប់ជនវៀតណាមនៅក្រៅប្រទេសត្រូវបានចេញផ្សាយ សេចក្តីសម្រេចចិត្តមជ្ឈិមលេខ ២៣ កំពុងទទួលបានការចាប់អារម្មណ៍ និងការស្វាគមន៍ជាវិជ្ជមានពីសហគមន៍ជន វៀតណាមនៅទូទាំងពិភពលោក។ លោក ជិន ភូ ធួន អនុប្រធាន និងជាអគ្គលេខាធិការនៃសហភាពបណ្តាអង្គការវៀតណាមនៅសហព័ន្ធរុស្ស៊ី បានចាត់ទុកថា៖ “សេចក្តីសម្រេចចិត្តមជ្ឈិមលេខ ២៣ មានការផ្លាស់ប្តូរសំខាន់ៗ។ ទីមួយ ការកំណត់ឋានៈ និងប្រភពធនធានរបស់ជនជាតិវៀតណាមនៅក្រៅប្រទេសជាបញ្ហាស្នូល។ កាលពីមុន ធនធាននេះជាប្រភពធនធានសំខាន់ ប៉ុន្តែឥឡូវនេះ ត្រូវបានចាត់ទុកថា ជាធនធានសំខាន់យុទ្ធសាស្ត្រ។ កាលពីមុន យើងគ្រាន់តែកំណត់អាណិកជនវៀតណាម ជាផ្នែកមួយដែលមិនអាចកាត់ផ្តាច់ចេញពីផែនមហាសាមគ្គីជនជាតិទាំងមូល ប៉ុន្តែឥឡូវនេះ សេចក្តីសម្រេចចិត្តមជ្ឈិមលេខ ២៣ កំណត់អាណិកជនវៀតណាមជាធនធានដ៏សំខាន់បំផុតមួយដើម្បីជួយដល់ការអភិវឌ្ឍរបស់ប្រទេសជាតិ”។
ពីការផ្លាស់ប្តូរទស្សនៈទាក់ទងនឹងឋានៈ សេចក្តីសម្រេចចិត្តមជ្ឈិមលេខ ២៣ ក៏ដាក់ចេញតម្រូវការ ពង្រីកឲ្យបានខ្លាំងក្លាថែមទៀតនូវប្រភពធនធានរបស់ជនជាតិវៀតណាមនៅបរទេស មិនត្រឹមតែទាក់ទងនឹងដើមទុនប៉ុណ្ណោះទេ ប៉ុន្តែថែមទាំងលើបញ្ញា ជំនាញ បទពិសោធន៍គ្រប់គ្រង និងទំនាក់ទំនងអន្តរជាតិទៀតផង។ ពីស្ថានភាពជាក់ស្តែងនេះ ជនជាតិវៀតណាមនៅបរទេសមួយចំនួនធំកំពុងទទួលយកផ្នត់គំនិតថ្មី ដែលត្រៀមខ្លួនចូលរួមចំណែកដល់ប្រទេសជាតិ។ តាមដានដំណើរទស្សនកិច្ចផ្លូវរដ្ឋរបស់អគ្គលេខាបក្សប្រធានរដ្ឋលោកតូ ឡឹម ទៅកាន់សាធារណរដ្ឋបារាំង លោក ជិន ហួ ហ័ង ប្រធានសមាគមតភ្ជាប់សកលវៀតណាម-បារាំង (GCVF) បានសម្តែងការរំពឹងទុកថា៖ “ប្រការសំខាន់បំផុតគឺធ្វើយ៉ាងម៉េច ដើម្បីឲ្យការប្តេជ្ញាចិត្តជាយុទ្ធសាស្ត្រនៅកម្រិតយុទ្ធសាស្ត្រម៉ាក្រូ ទៅជាកម្មវិធីសហប្រតិបត្តិការជាក់ស្តែងដែលនាំមកនូវតម្លៃជាក់ស្តែងដល់ប្រជាជន និងអាជីវកម្មរបស់ប្រទេសទាំងពីរ។ ជាទូទៅ ប្រទេសបារាំងមានចំណុចខ្លាំងជាច្រើនដែលស្របនឹងតម្រូវការអភិវឌ្ឍន៍បច្ចុប្បន្នរបស់ប្រទេសវៀតណាម ជាពិសេសផ្នែកវិទ្យាសាស្ត្រ និងបច្ចេកវិទ្យា នវានុវត្តន៍ ការផ្លាស់ប្តូរបៃតង ថាមពល និងហិរញ្ញវត្ថុ...”។
ក្នុងពេលជាមួយគ្នានោះ លោកវេជ្ជបណ្ឌិត វ៉ ទ័ន ជុង ប្រធាននាយកដ្ឋានស្តារនីតិសម្បទានៅមន្ទីរពេទ្យ Bullion បារាំង បានសម្តែងចំណាប់អារម្មណ៍ថា៖ “យើងមានក្រុមអ្នកជំនាញផ្នែកវិទ្យាសាស្ត្រ និងបច្ចេកវិទ្យារបស់វៀតណាមមួយចំនួនធំ ដែលរស់នៅ និងធ្វើការនៅប្រទេសបារាំង។ ការលើកកម្ពស់ទំនាក់ទំនងវៀតណាម-បារាំងនឹងអនុញ្ញាតឱ្យយើងប្រើប្រាស់ធនធានបញ្ញានេះប្រកបដោយប្រសិទ្ធភាព តាមរយៈការបណ្តុះបណ្តាលសហការរវាងវិទ្យាស្ថាន សាលារៀន និងសាកលវិទ្យាល័យ ក៏ដូចជាជំរុញគម្រោងវិទ្យាសាស្ត្រ និងបច្ចេកវិទ្យាដែលយអ្នកជំនាញជាអាណិកជនវៀតណាមនៅក្រៅប្រទេស ដើរតួនារទី ស្នូល”។
ស្ពានតភ្ជាប់វៀតណាមជាមួយពិភពលោក
ការលើកកម្ពស់តួនាទីរបស់ជនជាតិវៀតណាមម្នាក់ៗនៅបរទេសជាស្ពានតភ្ជាប់រវាងវៀត ណាម និងពិភពលោក គឺជាទិសដៅសមស្របមួយនៅក្នុងបរិបទថ្មី។ ក្នុងអំឡុងពេលនៃដំណើរទស្សនកិច្ចផ្លូវការថ្មីៗនេះ ថ្នាក់ដឹកនាំបក្ស និងរដ្ឋបានបង្ហាញការយកចិត្តទុកដាក់ពិសេស និងការរៀបចំបណ្តាជំនួបប្រាស្រ័យជាមួយសហគមន៍ជនវៀតណាមនៅបរទេសជាប្រចាំ។ សារនេះបានសង្កត់ធ្ងន់ថា ជនជាតិវៀតណាមនៅបរទេសមិនត្រឹមតែជាផ្នែកមួយដែលមិនអាចកាត់ផ្តាច់បាននៃប្រជាជាតិវៀតណាមប៉ុណ្ណោះទេ ប៉ុន្តែក៏ជាធនធានដ៏សំខាន់មួយក្នុងការអភិវឌ្ឍប្រទេសជាតិ ជាពិសេសទាក់ទងនឹងចំណេះដឹង បច្ចេកវិទ្យា បទពិសោធន៍គ្រប់គ្រង និងការបង្កើតបណ្តាញអន្តរជាតិ។
សារនេះទទួលបានការឆ្លើយតបវិជ្ជមានកាន់តែខ្លាំងឡើងៗ។ ដូចដែលលោកស្រី ង៉ូ ធិប៊ិច ង៉ុក ជាអាណិកជនវៀតណាមនៅបរទេសហូឡង់ និងលោក លី ហ័ង យួរ អគ្គនាយកក្រុមហ៊ុន 4Ways Group នៅប្រទេសអូស្ត្រាលី បានចែករំលែកថា៖
“នៅពីក្រោយអាណិកជនវៀតណាមម្នាក់ៗ គឺជាប្រព័ន្ធអេកូឡូស៊ីទាំងមូលនៃចំណេះដឹង និងធនធានដែលអាចភ្ជាប់ជាមួយប្រទេសវៀតណាម ដែលរួមចំណែកដល់ការអភិវឌ្ឍវិស័យអប់រំ វិទ្យាសាស្ត្រ បច្ចេកវិទ្យា និងសេដ្ឋកិច្ចជាតិ។ វៀតណាមបើកចំហកាន់តែច្រើន អាណិកជនវៀតណាមនៅបរទេសកាន់តែចង់សហការ និងរួមការអភិវឌ្ឍជាមួយវៀតណាម”។
“ច្បាប់ និងយន្តការគាំទ្រអាជីវកម្មកាន់តែច្បាស់លាស់ និងងាយស្រួលសម្រាប់ជន វៀតណាមនៅបរទេសក្នុងការវិនិយោគនៅ វៀតណាម។ ខ្ញុំបានត្រៀមខ្លួនរួចរាល់ក្នុងការភ្ជាប់ជាមួយដៃគូ និងអាជីវកម្មនៅបរទេសកាន់តែច្រើនដើម្បីវិលត្រឡប់មកវិញ និងសហការសម្រាប់ការអភិវឌ្ឍរយៈពេលវែង នៅក្នុងស្រុកកំណើតរបស់ខ្លួន”។
អ្នកជំនាញ អ្នកវិទ្យាសាស្ត្រ និងសហគ្រិនវៀតណាមកាន់តែច្រើនឡើងៗនៅបរទេសកំពុងវិលត្រឡប់មកប្រទេសវិញ ដោយនាំមកនូវចំណេះដឹង បច្ចេកវិទ្យា បទពិសោធន៍ និងទំនាក់ទំនងអន្តរជាតិ ដែលរួមចំណែកដោយផ្ទាល់ដល់ការអភិវឌ្ឍប្រទេស។ ជាពិសេស យុវជនវៀតណាមនៅបរទេសកំពុងក្លាយជា “តំណភ្ជាប់” ដែលតភ្ជាប់ប្រទេសវៀតណាមជាមួយនឹងចំណេះដឹង បច្ចេកវិទ្យា ទីផ្សារ និងឱកាសសកល ដោយបន្ថែមធនធានដល់មាតុភូមិ៕
