ពិធីទទួលស្វាគមន៍ដំណើរទស្សនកិច្ចផ្លូវការរបស់លោកអគ្គលេខាបក្ស ប្រធានរដ្ឋតូ ឡឹម មកកាន់ព្រះរាជាណាចក្របែលហ្ស៊ិក

នារសៀលថ្ងៃទី ២៣ ខែតុលា (ម៉ោងក្នុងស្រុក) នៅវិមាន Egmont ក្នុងទីក្រុង Brussels ប្រទេសបែលហ្ស៊ិក លោកនាយករដ្ឋមន្ត្រី Bart De Wever នៃព្រះរាជាណាចក្របែលហ្ស៊ិក បានធ្វើជាអធិបតីក្នុងពិធីទទួលស្វាគមន៍ជាផ្លូវការចំពោះអគ្គលេខាបក្ស ប្រធានរដ្ឋ លោកតូ ឡឹម និងគណៈប្រតិភូជាន់ខ្ពស់វៀតណាម ក្នុងដំណើរទស្សនកិច្ចផ្លូវការមកកាន់ព្រះរាជាណាចក្របែលហ្ស៊ិក។ បន្ទាប់ពីពិធីទទួលស្វាគមន៍ជាផ្លូវការ លោកអគ្គលេខាបក្ស ប្រធានរដ្ឋ តូ ឡឹម និងលោកនាយករដ្ឋមន្ត្រី Bart De Wever នៃព្រះរាជាណាចក្របែលហ្ស៊ិក បានដំណើរការជំនួបពិភាក្សាគ្នា។

វៀតណាមនិងបែលហ្ស៊ិក បានបង្កើតទំនាក់ទំនងការទូតនៅថ្ងៃទី ២២ ខែមីនា ឆ្នាំ ១៩៧៣ ហើយចាប់តាំងពីពេលនោះមក ប្រទេសទាំងពីរបានរក្សាមិត្តភាពប្រពៃណីដ៏ល្អ។ ភាគីទាំងពីរតែងតែផ្លាស់ប្តូរដំណើរទស្សនកិច្ច និងទំនាក់ទំនងកម្រិតខ្ពស់ជាប្រចាំនៅក្នុងវេទិកាពហុភាគី។ បែលហ្ស៊ិកគឺជាដៃគូពាណិជ្ជកម្មធំជាងគេទី ៦ របស់វៀតណាមនៅក្នុងសហភាពអឺរ៉ុប (EU) ហើយវៀតណាមគឺជាដៃគូពាណិជ្ជកម្មធំជាងគេរបស់បែលហ្ស៊ិកនៅក្នុងសមាគមប្រជាជាតិអាស៊ីអាគ្នេយ៍ (អាស៊ាន)។ ដំណើរទស្សនកិច្ចជាផ្លូវការរបស់លោកអគ្គលេខាបក្ស ប្រធានរដ្ឋ លោកតូ ឡឹម មកកាន់ព្រះរាជាណាចក្របែលហ្ស៊ិក រួមចំណែកដល់ការលើកកម្ពស់ទំនាក់ទំនងវៀតណាម-បែលហ្ស៊ិកដល់កម្រិតថ្មី៕