សំណើនេះ នឹងបន្ថែមក្រុមចំនួន ១៦ បើប្រៀបធៀបទៅនឹងទម្រង់ ៤៨ ក្រុមដែលបានអនុម័តក្នុងព្រឹត្តិការណ៍ World Cup ឆ្នាំ ២០២៦ ដែលត្រូវបានពង្រីករួចហើយពីចំនួន ៣២ ក្រុមកាលពីមុន។
លោក Gianni Infantino បានសង្កត់ធ្ងន់ថា ការពង្រីកមាត្រដ្ឋាននេះ ស្របនឹងគោលដៅធ្វើឱ្យព្រឹត្តិការណ៍ World Cup កាន់តែរួមបញ្ចូល។ ព្រឹត្តិការណ៍ World Cup គឺជាការប្រកួតសម្រាប់ពិភពលោកទាំងមូល មិនមែនគ្រាន់តែអឺរ៉ុប ឬអាមេរិកខាងត្បូងនោះទេ។ ប្រទេសទាំងអស់មានសិទ្ធិស្រមើលស្រមៃចង់ចូលរួមក្នុងការប្រកួតបាល់ទាត់ដ៏ធំបំផុតនៅលើភពផែនដី។ គុណភាពនៃក្រុមជម្រើសជាតិបច្ចុប្បន្នមានកម្រិតខ្ពស់ណាស់ ហើយបន្តប្រសើរឡើងលើទូទាំងពិភពលោក។ បើមិនផ្តល់ឱកាសឱ្យប្រទេសតូចៗចូលរួមក្នុងព្រឹត្តិការណ៍ World Cup នោះទេ ពួកគេនឹងខ្វះការលើកទឹកចិត្តដើម្បីបន្តអភិវឌ្ឍ។
ព្រឹត្តិការណ៍បាល់ទាត់ពិភពលោកឆ្នាំ២០៣០ គ្រោងនឹងធ្វើឡើងនៅក្នុងប្រទេសចំនួនប្រាំមួយនៅទ្វីបចំនួនបី។ ប្រទេសអ៊ុយរូហ្គាយ អាហ្សង់ទីន និងប៉ារ៉ាហ្គាយ នឹងធ្វើជាម្ចាស់ផ្ទះនៃការប្រកួតបើកឆាក ខណៈដែលប្រទេសម៉ារ៉ុក ព័រទុយហ្គាល់ និងអេស្ប៉ាញ នឹងធ្វើជាម្ចាស់ផ្ទះនៃការប្រកួតដែលនៅសល់។ ប្រសិនបើ FIFA អនុម័ត ព្រឹត្តិការណ៍បាល់ទាត់ពិភពលោកដែលមានក្រុមចំនួន ៦៤ នឹងអនុញ្ញាតឱ្យ១/៤នៃសមាជិកសហព័ន្ធទាំង ២១០ របស់ FIFA អាចចូលរួមក្នុងវគ្គផ្តាច់ព្រ័ត្រ ជាការពង្រីកដ៏ធំបំផុតក្នុងប្រវត្តិសាស្ត្រ៕
