ប្រធានាធិបតីបណ្តោះអាសន្នរបស់វេណេស៊ុយអេឡា លោកស្រី Delcy Rodriguez នាថ្ងៃទី ២៥ មិថុនា បានទៅកាន់តំបន់ La Guaira ជាតំបន់ដែលរងផលប៉ះពាល់យ៉ាងធ្ងន់ធ្ងរបំផុតដោយសារគ្រោះរញ្ជួយដី ហើយត្រូវបានប្រកាសជា "តំបន់គ្រោះមហន្តរាយ"។ កិច្ចខិតខំប្រឹងប្រែងជួយសង្គ្រោះជួបការលំបាក់ជាច្រើន ដោយសារតែការដាច់ចរន្តអគ្គិសនី កង្វះធនធានមនុស្សដែលត្រូវបានបណ្តុះបណ្តាល និងកង្វះឧបករណ៍។
នៅក្នុងបរិបទនេះ ក្រុមជួយសង្គ្រោះអន្តរជាតិជាច្រើនកំពុងធ្វើដំណើរជាបន្ទាន់ទៅកាន់ប្រទេសវេណេស៊ុយអេឡា ដើម្បីជួយឧបត្ថម្ភ។ សហរដ្ឋអាមេរិកកំពុងដាក់ពង្រាយនាវាចម្បាំង ២ គ្រឿង រួមជាមួយយន្តហោះដឹកទំនិញ និងឧទ្ធម្ភាគចក្រ អង្គភាពស្វែងរកនិងជួយសង្គ្រោះ ក៏ដូចជាបានកៀងគរថវិកាជំនួយចំនួន ១៥០ លានដុល្លារ។
ពីប្រទេសម៉ិកស៊ិក ក្រុមជួយសង្គ្រោះយោធាដែលមានបុគ្គលិកជួយសង្គ្រោះ និងគ្រូពេទ្យចំនួន ២៥០ នាក់បានចេញដំណើរទៅកាន់វេណេស៊ុយអេឡា ដើម្បីជួយដោះស្រាយផលវិបាក់។ ប្រធានាធិបតីប្រេស៊ីល លោក Luiz Inacio Lula da Silva បានប្រកាសពីការបញ្ជូនកងពេទ្យទៅកាន់ប្រទេសវេណេស៊ុយអេឡា រួមជាមួយអ្នកពន្លត់អគ្គីភ័យ និងអ្នកឯកទេសជួយសង្គ្រោះនិងទំនាក់ទំនងជាច្រើននាក់ តាមរយៈជើងហោះហើរចំនួន ២ ជើងនៅថ្ងៃទី ២៦-២៧ ខែមិថុនា។ ប្រទេសជិតខាង ដូចជាប្រទេសឈីលី កូឡុំប៊ី និងបណ្តាប្រទេសអឺរ៉ុបដូចជាអាល្លឺម៉ង់ ស្វីស ហូឡង់ និងសាធារណរដ្ឋឆែក ក៏បានប្រកាសថា នឹងបញ្ជូនកងកម្លាំងជួយសង្គ្រោះ និងជំនួយទៅកាន់ប្រទេសវេណេស៊ុយអេឡាផងដែរ៕
