ពានរង្វាន់លើកទី១ នេះ មានការចូលរួមពីស្នាដៃចំនួន ២០៨ (រួមមាន ប្រធានបទស្រាវជ្រាវចំនួន ៥៦ និងគំនិតផ្ដួចផ្ដើមចំនួន ១៥២) របស់អ្នកនិពន្ធចំនួន ៧៧៥ នាក់ មកពីអង្គភាពចំនួន ១១/៣៩ ចំណុះគណៈកម្មាធិការយោធាមជ្ឈិម និងក្រសួងការពារប្រទេស ដោយមានវិស័យចំនួន ១០ រួមមាន៖ បច្ចេកវិទ្យាព័ត៌មាន, គីមីវិទ្យា និងបរិស្ថាន, ការអប់រំបណ្តុះបណ្តាល - ការហ្វឹកហ្វឺនយោធា, អាវុធនិងគ្រាប់រំសេវ, អេឡិចត្រូនិក ទូរគមនាគមន៍ និងស្វ័យប្រវត្តកម្ម, មេកានិក ថាមវន្ត និងសំណង់យោធា, ភស្តុភារកម្មយោធា, វេជ្ជសាស្ត្រនិងឱសថសាស្ត្រយោធា និងវិស័យផ្សេងៗទៀត។ ស្នាដៃដែលបានចូលរួមប្រកួតប្រជែងលើកទី១ នេះ បានតម្រង់ទិសលើបញ្ហាថ្មីៗ ជាពិសេសគឺការអភិវឌ្ឍនៃវិទ្យាសាស្ត្រ និងបច្ចេកវិទ្យា។
ថ្លែងនៅទីនេះ ឧបនាយករដ្ឋមន្ត្រី និងជារដ្ឋមន្ត្រីក្រសួងការពារប្រទេស លោក ផាន វ៉ាន់យ៉ាង បានអះអាងថា ពានរង្វាន់នេះបានក្លាយជាកន្លែងប្រមូលផ្តុំនៃបញ្ញា បំណងប្រាថ្នា និងស្មារតីលះបង់របស់កម្មាភិបាល សមាជិកសហជីព និងពលករនៃកងទ័ពទាំងមូល។ ម្ចាស់ស្នាដៃដែលត្រូវបានលើកតម្កើង គឺជា «ស្នូល» ដ៏សំខាន់ រួមចំណែកជំរុញការអភិវឌ្ឍវិទ្យាសាស្ត្រ បច្ចេកវិទ្យា ការច្នៃប្រឌិតថ្មី និងការធ្វើបរិវត្តកម្មឌីជីថល ក្នុងការហ្វឹកហ្វឺន ការត្រៀមខ្លួនប្រយុទ្ធ ការស្រាវជ្រាវ ការផលិត និងការធានាបច្ចេកទេស៕
