ក្នុងយុទ្ធនាការ ៥០០ ថ្ងៃទាំងយប់ ដើម្បីជំរុញការស្វែងរក ប្រមូលផ្តុំ និងកំណត់អត្តសញ្ញាណអដ្ឋិធាតុយុទ្ធជនពលី មកទល់ពេលនេះ កងកម្លាំងនានានៅក្នុងខេត្ត Tuyen Quang បានស្វែងរក និងប្រមូលអដ្ឋិធាតុយុទ្ធជនពលីចំនួន ១៤៩ គ្រោង រួមទាំងយុទ្ធជនពលីចំនួន ១៤៨នាក់ ដែលបានពលីជីវិតក្នុងការប្រយុទ្ធដើម្បីការពារព្រំដែនភាគខាងជើង និងយុទ្ធជនពលីម្នាក់ដែលបានពលីជីវិតក្នុងការតស៊ូប្រឆាំងនឹងអាណានិគមនិយមបារាំង។ ក្នុងនោះ អដ្ឋិធាតុចំនួន ៥ គ្រោងមានព័ត៌មានពេញលេញ និងត្រូវបានប្រគល់ជូនទៅមូលដ្ឋាន និងក្រុមគ្រួសារវិញ។
នៅក្នុងពិធីនេះ វិយោគថារបស់ប្រធានគណៈកម្មាធិការប្រជាជនខេត្ត Tuyen Quang លោក Phan Huy Ngoc បានបន្លឺឡើងដោយរំជួលចិត្ត៖ “សាច់ស្រស់ ឈាមស្រស់របស់វីរយុទ្ធជនពលីបានលាយបញ្ជូលជាមួយមាតុភូមិ ដោយរួមចំណែកក្នុងការការពារអធិបតេយ្យភាពដ៏ពិសិដ្ឋរបស់មាតុប្រទេស ដោយសរសេរជំពូកដ៏រុងរឿងនៅក្នុងប្រវត្តិសាស្ត្រជាតិ និងលើកកម្ពស់ចរិយាសម្បត្តិ ដ៏ថ្លៃថ្នូរបស់កងទ័ពលោកអ៊ំហូ។ ពលីកម្មដ៏ថ្លៃថ្លានេះ នឹងត្រូវបានមនុស្សជំនាន់បច្ចុប្បន្ន និងអនាគត់ ចារឹកទុកជារៀងរហូត”៕
