ចំណុចសំខាន់មួយនៃកិច្ចប្រជុំកំពូលនេះគឺការពង្រឹងសមត្ថភាពឧស្សាហកម្មការពារជាតិ ដែលត្រូវបានហៅថា "បដិវត្តឧស្សាហកម្មការពារជាតិ"។ ផែនការនេះរួមមានកិច្ចសន្យាថ្មីនិងការបញ្ជាទិញរាប់សិបពាន់លានដុល្លារអាមេរិក ដើម្បីពង្រីកសមត្ថភាពផលិតអាវុធរបស់អឺរ៉ុប។
លើសពីនេះ បញ្ហាអ៊ុយក្រែននឹងក្លាយជាខ្លឺមសារស្នូលនៃសន្និសីទ។ បណ្តាប្រទេសសមាជិកត្រូវបានរំពឹងថា នឹងបន្តពិភាក្សាលើការបង្កើនការគាំទ្រផ្នែកយោធា និងហិរញ្ញវត្ថុសម្រាប់ទីក្រុងគៀវ។ តាមផែនការ សមាជិកណាតូនៅអឺរ៉ុប រួមជាមួយប្រទេសកាណាដា នឹងប្តេជ្ញាផ្តល់ជំនួយយោធាប្រមាណ ៧០ ពាន់លានអឺរ៉ូ (៨០ ពាន់លានដុល្លារអាមេរិក) ដល់អ៊ុយក្រែននៅឆ្នាំ ២០២៦ និង ២០២៧។
ថ្នាក់ដឹកនាំណាតូរំពឹងថា សេចក្តីថ្លែងការណ៍រួមបន្ទាប់ពីកិច្ចប្រជុំកំពូល នឹងបញ្ជាក់សារជាថ្មីនូវមាត្រាលេខ ៥ នៃសន្ធិសញ្ញាណាតូ ស្តីពីការការពារសមូហភាព។ ទោះជាយ៉ាងណាក៏ដោយ យោងតាមអ្នកវិភាគ ប្រសិទ្ធភាពនៃការរារាំងរបស់ណាតូ អាចធានាបានលុះត្រាតែការប្តេជ្ញាចិត្តទាំងនោះត្រូវបានបង្ហាញតាមរយៈសាមគ្គីភាពជាក់ស្តែងរវាងបណ្តាសម្ព័ន្ធមិត្ត។ ហេតុដូច្នេះ កិច្ចប្រជុំកំពូលនៃអង្គការណាតូ នៅទីក្រុងអង់ការ៉ា (ទួរគី) ត្រូវបានចាត់ទុកជាការសាកល្បងដ៏សំខាន់ចំពោះអនាគតនៃសម្ព័ន្ធភាពយោធាដ៏ធំបំផុតនៅលើពិភពលោក៕
