លិខិតឆ្លងដែននេះ ត្រូវបានចែកចាយដោយឥតគិតថ្លៃនៅតាមបណ្ណាល័យសាធារណៈទាំងអស់នៅក្នុងខ័ណ្ឌចំនួន ៥ នៃទីក្រុងញូវយ៉ក និងនៅតាមព្រឹត្តិការណ៍សំខាន់ៗជាច្រើន។ អ្នកចូលរួមអាចប្រមូលតែមចំនួន ១២ ផ្សេងៗគ្នាដោយទៅទស្សនាទីតាំង និងព្រឹត្តិការណ៍រាប់រយកន្លែងនៅទូទាំងទីក្រុង រួមទាំងសារមន្ទីរ មជ្ឈមណ្ឌលវប្បធម៌ បណ្ណាល័យ ការសម្តែងសិល្បៈ មហោស្រពភាពយន្ត ពិធីបុណ្យតាមដងផ្លូវ ការតាំងពិព័រណ៍ និងសកម្មភាពសហគមន៍នានា។ តែមនីមួយៗនៅក្នុងលិខិតឆ្លងដែន ត្រូវបានរចនាឡើងដោយវិចិត្រករដែលរស់នៅទីក្រុងញូវយ៉ក ដែលមានដើមកំណើតនៅក្នុងប្រទេសផ្សេងៗគ្នាជុំវិញពិភពលោក បំផុសគំនិតដោយក្រុមបាល់ទាត់ពិភពលោក និងភាពចម្រុះខាងវប្បធម៌របស់ទីក្រុង។ តែមទាំងនេះ ត្រូវបានបែងចែកដោយចៃដន្យនៅតាមទីតាំង និងព្រឹត្តិការណ៍ផ្សេងៗគ្នា ដើម្បីលើកទឹកចិត្តដល់អ្នកគាំទ្រកីឡា ឱ្យធ្វើដំណើរទូទាំងទីក្រុងដើម្បីប្រមូលសម្រាំង យ៉ាងពេញលេញ៕
