ថ្លែងនៅក្នុងកិច្ចប្រជុំជាមួយប្រធានាធិបតីអ៊ុយក្រែនលោក វ៉ុលដូឌីមៀរ ហ្សេលេនស្គី នៅខាងក្រៅកិច្ចប្រជុំកំពូលណាតូ នៅទីក្រុងអង់ការ៉ា (ទួរគី) លោកប្រធានាធិបតី ដូណាល ត្រាំ បានបញ្ជាក់ថា ទាំងរុស្ស៊ី និងអ៊ុយក្រែនមានបំណងចង់បញ្ចប់សង្គ្រាម ប៉ុន្តែបានចាត់ទុកថា ដំណើរការចរចានៅតែប្រឈមមុខនឹងឧបសគ្គជាច្រើន។
រីឯខ្លួនវិញ ប្រធានាធិបតីអ៊ុយក្រែន លោក វ៉ុលដូឌីមៀរ ហ្សេលេនស្គី បានឱ្យដឹងថា កិច្ចប្រជុំនេះគឺជាឱកាសមួយសម្រាប់ភាគីទាំងពីរដើម្បីផ្លាស់ប្តូរ "ព័ត៌មានលម្អិតសំខាន់ៗមួយចំនួន"។ លោកក៏បានសម្តែងទំនុកចិត្តថា សមភាគីអាមេរិកនឹងខិតខំជំរុញឱ្យបញ្ចប់ជម្លោះ ដែលអូសបន្លាយរយៈពេលប្រាំឆ្នាំ។ លោកប្រធានាធិបតី វ៉ុលដូឌីមៀរ ហ្សេលេនស្គី បានអំពាវនាវជាយូរមកហើយដល់សហរដ្ឋអាមេរិកឱ្យផ្គត់ផ្គង់មីស៊ីលការពារដែនអាកាស Patriot បន្ថែមទៀត ជាប្រភេទអាវុធមួយដែលត្រូវបាគេចាត់ទុកថា មានសមត្ថភាពស្ទាក់ចាប់មីស៊ីលផ្លោងប្រកបដោយប្រសិទ្ធិភាព ដែលអ៊ុយក្រែនកំពុងខ្វះខាត៕
