ធ្វើសន្និដ្ឋាននៅកិច្ចប្រជុំ លោកនាយករដ្ឋមន្ត្រី ឡេ មិញហ៊ឹង បានកត់សម្គាល់នូវលទ្ធផលសេដ្ឋកិច្ច-សង្គមវិជ្ជមានក្នុងខែសីហា និងរយៈពេល ៨ ខែដំបូងនៃឆ្នាំ២០២៦។ ទោះជាយ៉ាងណាក៏ដោយ លោកនាយករដ្ឋមន្ត្រីបានចង្អុលបង្ហាញថាសម្ពាធក្នុងការផ្លាស់ប្ដូរថ្មីគំរូកំណើន ទាមទារឱ្យក្រសួង វិស័យ និងមូលដ្ឋាននានា ត្រូវខិតខំប្រឹងប្រែងស្វែងរកដំណោះស្រាយដើម្បីគ្រប់គ្រងអតិផរណានិងរក្សាស្ថិរភាពម៉ាក្រូសេដ្ឋកិច្ច៖
«គ្រប់គ្រងតម្លៃទំនិញ និងសេវាកម្មចាំបាច់ដោយម្ចាស់ការ ដើម្បីគ្រប់គ្រងអតិផរណា។ ចាត់វិធានការគ្រប់គ្រងតម្លៃថាមពល និងតម្លៃសេវាកម្មដែលគ្រប់គ្រងដោយរដ្ឋ។ ស្នើឲ្យក្រសួងហិរញ្ញវត្ថុ ពិនិត្យ និងវាយតម្លៃវិធានការគ្រប់គ្រងតម្លៃឲ្យបានសមស្រប ដើម្បីធានាបាននូវគោលដៅគ្រប់គ្រងអតិផរណា និងរក្សាស្ថិរភាពម៉ាក្រូសេដ្ឋកិច្ច។ ក្នុងគោលដៅប្រតិបត្តិការនៅឆ្នាំនេះ ក៏ដូចជាឆ្នាំក្រោយ ត្រូវតែប្រកាន់ខ្ជាប់នូវគោលដៅគ្រប់គ្រងអតិផរណា»។
លោកនាយករដ្ឋមន្ត្រីបានស្នើឲ្យបន្តគោលនយោបាយលើកលែង កាត់បន្ថយ និងពន្យារពន្ធ ថ្លៃសេវា កែទម្រង់ដំណើរការបង្វិលសងអាករលើតម្លៃបន្ថែម (VAT) សម្រួលនីតិវិធីគយ ពន្លឿនការបញ្ចេញទុនវិនិយោគសាធារណៈ ដោយប្ដេជ្ញាចិត្តសម្រេច ១០០% នៃផែនការដែលបានប្រគល់ជូន។
ទាក់ទងនឹងការត្រៀមរៀបចំសម្រាប់ឆ្នាំសិក្សាថ្មី លោកនាយករដ្ឋមន្ត្រីបានស្នើឱ្យរៀបចំពិធីបើកបវេសនកាល និងសម្ពោធសាលាចំណេះទូទៅអន្តេវាសិកអន្តរកម្រិតនៅតាមឃុំព្រំដែនគោក (ដំណាក់កាលទី១) និងបើកការដ្ឋានសាងសង់ដំណាក់កាលទី២ តាមកាលវិភាគ ព្រមទាំង ធានាការផ្គត់ផ្គង់សៀវភៅសិក្សាឱ្យបានគ្រប់គ្រាន់ ជាពិសេសនៅតំបន់ឆ្ងាយដាច់ស្រយាល៕
