ថ្លែងនៅក្នុងពិធីនេះ លោក ដូ វ៉ាន់ ចៀន អនុប្រធានអចិន្ត្រៃយ៍រដ្ឋសភា បានមានប្រសាសន៍ ថា ការបង្កើតក្រុមសមាជិកសភាវ័យក្មេងតិកាលទី ១៦ មិនត្រឹមតែជាការបន្តនៃគំរូដ៏មានប្រសិទ្ធភាពដែលត្រូវបានបញ្ជាក់ជាច្រើនអាណត្តិប៉ុណ្ណោះទេ ប៉ុន្តែថែមទាំងតភ្ជាប់ទៅនឹងតម្រូវការដើម្បីបន្តច្នៃប្រឌិតយ៉ាងខ្លាំងនូវការរៀបចំ និងប្រតិបត្តិការរបស់រដ្ឋសភាក្នុងអាណត្តិថ្មី។
អនុប្រធានអចិន្ត្រៃយ៍រដ្ឋសភា លោក ដូ វ៉ាន់ ចៀន សម្តែងក្តីសង្ឃឹមថា សមាជិករដ្ឋសភាវ័យក្មេង មិនត្រឹមតែគួរបំពេញល្អរាល់ភារកិច្ចនៃអាណត្តិនេះប៉ុណ្ណោះទេ ប៉ុន្តែថែមទាំងត្រួវសម្លឹងមើលទៅមុខបន្ថែមទៀត កំណត់បញ្ហាជាក់ស្តែងថ្មីៗដោយសកម្ម ស្នើវិធីសាស្រ្តសមស្រប និងចូលរួមចំណែកក្នុងការសម្រេចចិត្តលើគោលនយោបាយរយៈពេលវែងសម្រាប់ប្រទេសជាតិ។ រួមជាមួយនឹងការបង្កើនទំនាក់ទំនងក្នុងប្រទេស ក្រុមត្រូវលើកកម្ពស់តួនាទីរបស់ខ្លួនកាន់តែប្រសើរឡើងក្នុងការទូតសភា ចូលរួមយ៉ាងសកម្មនៅក្នុងវេទិកាសមាជិកសភាវ័យក្មេង IPU សន្និសីទសមាជិកសភាវ័យក្មេង AIPA និងយន្តការសភាអន្តរជាតិផ្សេងទៀត។
សូមគូសបញ្ជាក់ថា រដ្ឋសភានីតិកាលទី១៦ មានសមាជិកសភាវ័យក្មេងចំនួន ៩៩ រូប ដែលស្រូបយកជិត ២០% នៃចំនួនសមាជិកសភាសរុប។ ក្រុមសមាជិកសភាវ័យក្មេងនៃរដ្ឋសភានីតិកាលទី១៦ រួមមានសមាជិករដ្ឋសភាដែលមានអាយុ ៤៥ ឆ្នាំ និងក្រោមនេះ។ ប្រធានក្រុមគឺលោក ប៊ូយ ក្វាង ហ៊ុយ សមាជិកមជ្ឈិមបក្ស ប្រធានគណៈកម្មាធិការជាតិទទួលបន្ទុកយុវជនវៀតណាម និងជាសមាជិករដ្ឋសភានីតិកាលទី១៦៕
