គណៈប្រតិភូហាម៉ាស ដឹកនាំដោយលោក Khalil Al-Hayya បានធ្វើកិច្ចពិភាក្សាជាមួយនាយកទីភ្នាក់ងារស៊ើបការណ៍សម្ងាត់អេហ្ស៊ីប ឧត្តមសេនីយ៍ឯក Hassan Rashad លើបញ្ហានយោបាយនិងវិស័យមួយចំនួន ជាពិសេសកិច្ចខិតខំប្រឹងប្រែងដើម្បីពង្រឹងកិច្ចព្រមព្រៀងបទឈប់បាញ់ និងការវិវត្តនាពេលថ្មីៗនេះ។ តំណាងក្រុមហាម៉ាសបានបញ្ជាក់ជាថ្មីនូវការប្តេជ្ញាចិត្តចំពោះផែនទីបង្ហាញផ្លូវដែលបានព្រមព្រៀងគ្នាជាមួយអ្នកសម្របសម្រួល និងក្រុមប្រឹក្សាសន្តិភាព; ហើយបានបញ្ជាក់ថា អាទិភាពបន្ទាន់គឺការអនុវត្តដំណាក់កាលនិងកាតព្វកិច្ចទាំងអស់នៃកិច្ចព្រមព្រៀង ដែលនាំទៅដល់បទឈប់បាញ់យ៉ាងពេញលេញ ការបញ្ចប់ការវាយប្រហារប្រឆាំងនឹងប្រជាជនប៉ាឡេស្ទីន បង្ហើយការដកកងទ័ពអ៊ីស្រាអែល និងការបើកច្រកព្រំដែនឡើងវិញ។
រីឯខ្លួនវិញ តំណាងអេហ្ស៊ីបបានបញ្ជាក់ថា លក្ខខណ្ឌទាំងអស់ដែលបានព្រមព្រៀងគ្នាត្រូវតែអនុវត្ត ដែលសំខាន់បំផុតគឺធានាបាននូវការផ្តល់ជំនួយមនុស្សធម៌ពេញលេញ ប្រកបដោយសុវត្ថិភាព និងចីរភាព ក៏ដូចជាការបង្ហើយការដកទ័ពរបស់អ៊ីស្រាអែលចេញពីហ្គាហ្សា៕
