នេះជាគ្រឿងឥស្សរិយយសខ្ពស់បំផុតរបស់ប្រទេសដាណឺម៉ាក ដែលបានប្រគល់ជូនសមាជិករាជវង្សានុវង្ស និងប្រមុខរដ្ឋបរទេស។
លោកអគ្គលេខាបក្ស ប្រធានរដ្ឋ តូ ឡឹម បានសម្តែងបំណង ចង់ផ្ដល់កិត្តិយសដ៏ធំធេងនេះដល់ប្រជាជនវៀតណាម ដល់ជំនាន់ប្រជាជនវៀតណាម និងដាណឺម៉ាក ដែលបានចាក់គ្រឹះ និងពូនជ្រុំចំណងមិត្តភាពក្នុងរយៈពេល ៥៥ ឆ្នាំកន្លងមក និងដល់ប្រជាជនវៀតណាម និងដាណឺម៉ាកនាសព្វថ្ងៃ ដែលកំពុងបន្តដំណើរនេះ ដោយនាំទំនាក់ទំនងរវាងប្រទេសទាំងពីរចូលទៅក្នុងជំពូកអភិវឌ្ឍន៍ថ្មីមួយ។
លោកអគ្គលេខាបក្ស ប្រធានរដ្ឋ តូ ឡឹម បានសង្កត់ធ្ងន់ថា គ្រឿងឥស្សរិយយសដែលព្រះមហាក្សត្រប្រគល់ជូន នឹងរំលឹកជានិច្ចអំពីមនោសញ្ចេតនាដ៏ថ្លៃថ្លា និងចំណងមិត្តភាព របស់រាជវង្ស និងប្រជាជនដាណឺម៉ាកចំពោះប្រទេសវៀតណាម ក៏ដូចជាការទទួលខុសត្រូវក្នុងការទទួល និងពង្រីកមរតកដែលមនុស្សជំនាន់ជាច្រើននៃប្រទេសទាំងពីរបានកសាងរួមគ្នា។
ការដែល ព្រះមហាក្សត្រ Frederik X ប្រគល់គ្រឿងឥស្សរិយយសដំរី ក្នុងអំឡុងពេលដំណើរទស្សនកិច្ចផ្លូវរដ្ឋរបស់អគ្គលេខាបក្ស ប្រធានរដ្ឋវៀតណាមលោក តូ ឡឹម ទៅកាន់ដាណឺម៉ាក ស្របពេលជាមួយនឹងខួប ៥៥ ឆ្នាំ នៃការបង្កើតទំនាក់ទំនងការទូតរវាងប្រទេសទាំងពីរ (១៩៧១ - ២០២៦) បង្ហាញពីការគោរពចំពោះលោកអគ្គលេខាបក្ស ប្រធានរដ្ឋ តូ ឡឹម និងការឲ្យតម្លៃរបស់រាជវង្សដាណឺម៉ាកចំពោះទំនាក់ទំនង ជាមួយប្រទេសវៀតណាមផងដែរ៕
