អ៊ីរ៉ង់ប្រកាសវាយប្រហារមូលដ្ឋានទ័ពអាមេរិកនៅមជ្ឈិមបូព៌ាដើម្បីតបតវិញ

កងឆ្មាំបដិវត្តន៍អ៊ីស្លាមអ៊ីរ៉ង់ (IRGC) បានអះអាងថា មីស៊ីលផ្លោង និងយន្តហោះគ្មានមនុស្សបើករបស់អ៊ីរ៉ង់បានបង្កការខូចខាតយ៉ាងធ្ងន់ធ្ងរដល់មូលដ្ឋានទ័ពអាមេរិកនៅហ្ស៊កដានី គុយវ៉ែត និងបារ៉ែន។ នៅប្រទេសគុយវ៉ែត អាវុធអ៊ីរ៉ង់បានវាយប្រហារឃ្លាំងគ្រាប់រំសេវជាច្រើននៅក្នុងមូលដ្ឋានទ័ពអាកាស Al-Salem ដោយយោធាអាមេរិកប្រើប្រាស់។ នៅប្រទេសបារ៉ែន IRGC បានអះអាងថា បានវាយប្រហារមូលដ្ឋានសំខាន់នៃកងនាវាចរទី ៥ របស់កងទ័ពជើងទឹកអាមេរិក ដោយវាយប្រហារឃ្លាំងយន្តហោះគ្មានមនុស្សបើករបស់អាមេរិក និងបំផ្លាញមជ្ឈមណ្ឌលបញ្ញាសិប្បនិម្មិត (AI) របស់បារ៉ែន។ ទាក់ទងនឹងរណសិរ្សហ្ស៊កដានី IRGC បាននិយាយថា ខ្លួនបានវាយប្រហារធុងផ្ទុកប្រេងឥន្ធនៈនៅមូលដ្ឋានទ័ពអាកាស Al-Azraq ដែលដំណើរការដោយយោធាអាមេរិក។

ទាំងកងកម្លាំងអាមេរិក និងប្រទេសពាក់ព័ន្ធមិនបានធ្វើអត្ថាធិប្បាយលើព័ត៌មានដែលចេញផ្សាយដោយកងឆ្មាំបដិវត្តន៍អ៊ីស្លាមអ៊ីរ៉ង់នោះទេ៕