យោងតាមការិយាល័យសម្របសម្រួលកិច្ចការមនុស្សធម៌របស់អង្គការសហប្រជាជាតិ (OCHA) ការរឹតបន្តឹងលើបរិមាណ និងគុណភាពនៃសម្ភារដែលត្រូវបានអនុញ្ញាតឱ្យចូលទៅក្នុងតំបន់ហ្គាហ្សា កំពុងធ្វើឱ្យស្ថានការណ៍កាន់តែធ្ងន់ធ្ងរឡើង។
OCHA បានអំពាវនាវឱ្យបន្តការទទួលបានសម្ភារៈសំខាន់ៗ និងបានព្រមានថា គ្រួសារដែលងាយរងគ្រោះត្រូវការលំនៅដ្ឋានដែលមានសុវត្ថិភាព ធន់នឹងអាកាសធាតុមុនពេលរដូវរងាមកដល់។
ទន្ទឹមនឹងនេះ ការិយាល័យសិទ្ធិមនុស្សរបស់អង្គការសហប្រជាជាតិបានឱ្យដឹងថា ការវាយប្រហាររបស់អ៊ីស្រាអែលបានកើនឡើងក្នុងរយៈពេលប៉ុន្មានថ្ងៃថ្មីៗនេះ ដោយសំដៅលើហេដ្ឋារចនាសម្ព័ន្ធស៊ីវិល និងតំបន់ដែលមានប្រជាជនរស់នៅច្រើន។ យោងតាមទីភ្នាក់ងារនេះ យ៉ាងហោចណាស់មនុស្ស ៥៧ នាក់ រួមទាំងស្ត្រី និងកុមារ បានស្លាប់ក្នុងអំឡុងពេលថ្ងៃទី ១៣ ដល់ថ្ងៃទី ២០ ខែកក្កដា៕
