រុស្ស៊ីបើក​ចំហ​លទ្ធភាពនៃការចរចាត្រីភាគីលើបញ្ហា​អ៊ុយក្រែននៅខែតុលា

ទាក់ទងនឹងបញ្ហានេះ ជំនួយការប្រធានាធិបតីរុស្ស៊ី លោក Yury Ushakov បានឱ្យដឹងថា លោក​ប្រធានាធិបតី ពូទីន នឹងសម្រេចចិត្តថា អ្នកណានឹងដឹកនាំគណៈប្រតិភូរុស្ស៊ី​ដើម្បីចូលរួមក្នុងកិច្ចចរចាត្រីភាគីលើអ៊ុយក្រែន។ លោកក៏បានកត់សម្គាល់ថា ភាគីនានា​មិនទាន់បានឯកភា​ព​គ្នា​លើកញ្ចប់​សំណើ​ណាមួយទេ ពីព្រោះភាគីនីមួយៗសុទ្ធតែស្វែងរកគោលដៅអាទិភាពរៀងៗខ្លួន។ ទាក់ទងនឹងទីតាំងនៃកិច្ចចរចា ជំនួយការប្រធានាធិបតីរុស្ស៊ីបាន​ឱ្យដឹងថា «បេក្ខជន» ដែលកំពុងត្រូវបានពិចារណា រួមមានទីក្រុងអាប៊ូដាប៊ី (អេមីរ៉ាត​អារ៉ាប់រួម) ទួរគី និងប្រទេសជាច្រើនទៀតដែលក៏បានបង្ហាញពីឆន្ទៈ​ក្នុងការធ្វើជាម្ចាស់ផ្ទះនៃកិច្ចចរចានេះផងដែរ។ លោក Ushakov បានសង្កត់ធ្ងន់ថា នៅមានការងារជាច្រើនដែលត្រូវធ្វើ ដើម្បីសម្រេចបាននូវដំណោះស្រាយសន្តិភាព សម្រាប់បញ្ហាអ៊ុយក្រែន៕​