គណៈកម្មាធិការដឹកនាំជាតិ ៥១៥ ជួប​ប្រជុំជាមួយក្រុមស្រាវជ្រាវមកពីគំនិតផ្តួចផ្តើមស្វែងរកជនវៀតណាមដែលបាត់ខ្លួនក្នុងសម័យសង្គ្រាម។ រូបថត៖ Quang Trung/VOV-Washington

កិច្ចប្រជុំនេះមានគោលបំណងពន្លឿនកិច្ចសហប្រតិបត្តិការជាមួយភាគីសហរដ្ឋអាមេរិកក្នុងការទទួលទិន្នន័យ និងកៀរគរធនធានដើម្បីគាំទ្រដល់ការស្វែងរក និងការប្រមូលអដ្ឋិធាតុ​យុទ្ធជនពលីក្នុងអំឡុង​យុទ្ធនាការ ៥០០​ថ្ងៃទាំងយប់​។

នៅ​ក្នុងកិច្ចប្រជុំ ក្រុមស្រាវជ្រាវ VWAI បានផ្តល់ឯកសារមួយចំនួន​ដល់គណៈប្រតិភូ ទាក់ទងនឹងផ្នូររបស់យុទ្ធជនពលីវៀតណាមនៅតំបន់ Cồn Tiên ខេត្ត Quang Tri ក្នុង​ការប្រយុទ្ធកាលពីឆ្នាំ ១៩៦៧; និង​នៅមូលដ្ឋានយោធា Blue ក្នុងឆ្នាំ ១៩៧១​។ តំណាង VWAI បានស្នើឱ្យ​គណៈកម្មាធិការដឹកនាំជាតិ ៥១៥ ឱ្យបន្តគាំទ្រ ដើរតួនាទី​ជាស្ពាន និងបង្កើតលក្ខខណ្ឌអំណោយផលសម្រាប់គណៈប្រតិភូ​អតីតទាហានអាមេរិក ដែលកំពុងរៀបចំផែនការធ្វើដំណើរត្រឡប់ទៅសមរភូមិចាស់​នៅវៀតណាមនៅចុងឆ្នាំនេះ ដោយនាំយកមកនូវព័ត៌មាន និងវត្ថុដ៏មានតម្លៃជាច្រើន​។

ទិដ្ឋភាពទូទៅនៃជំនួប។ រូបថត៖ Quang Trung/VOV-Washington

តាងនាមគណៈកម្មាធិការដឹកនាំជាតិ ៥១៥ និងក្រសួងការពារប្រទេស​វៀតណាម ឧត្តមសេនីយ៍ឯក Nguyen Van Gau បានស្នើឱ្យសហរដ្ឋអាមេរិកបន្តបង្កើនធនធានសម្រាប់ការបន្សាបជាតិគីមីពុលពណ៌លឿងទុំ​ឌីអុកស៊ីននៅ Bien Hoa និង Phu Cat; ពង្រីកគម្រោងគាំទ្រដល់ជនពិការ; និងបង្កើនការចែករំលែកទិន្នន័យប្រវត្តិសាស្ត្រ; ផ្តល់ការគាំទ្របច្ចេកវិទ្យា DNA និងបន្តសម្របសម្រួលយ៉ាងជិតស្និទ្ធក្នុងការស្វែងរកទាហានអាមេរិក និងយុទ្ធជន​វៀតណាមដែលបាត់ខ្លួន៕​