(VOVworld)-បន្តដំណើរទស្សនកិច្ចជាផ្លូវការនៅឡាវ នាព្រឹកថ្ងៃទី២៦វិច្ឆិកា អគ្គលេខា
បក្ស លោក Nguyen Phu Trong បានអញ្ជើញទៅទស្សនាខេត្ត Bolikhamsai ភាគ
កណ្តាលប្រទេសឡាវ។ នៅទី នេះ លោក Nguyen Phu Trong មានបំណងថា ខេត្ត
Bolikhamsai នឹងរួមជាមួយតំបន់នានារបស់វៀតណាម ជាពិសេសគឺតំបន់ជាប់ព្រំដែន
បង្កើនកិច្ចសហប្រតិបត្តិការ ជួយគ្នាទៅវិញទៅមកទាំងខាងសម្ភារៈនិងខាងស្មារតី
កសាងគំរូល្អអំពីទំនាក់ទំនងរវាងតំបន់នានានៃប្រទេសទាំងពីរ រួមចំណែកចូលក្នុងការ
អភិវឌ្ឍន៍រួមនៃទំនាក់ទំនងទ្វេភាគី។
នាពេលរសៀល អគ្គលេខាបក្ស លោក Nguyen Phu Trongនិងគណៈប្រតិភូ ជាន់ខ្ពស់វៀតណាមបានចាកចេញពីខេត្ត Bolikhamsai វិលត្រឡាប់មកមាតុប្រទេសវិញ។
 |
| លោក Nguyen Phu Trong បានអញ្ជើញទស្សនា ផ្ទះអនុស្សវរីយ៍លោកប្រធាន Souphanouvong |
មុននោះ នាថ្ងៃទី២៥វិច្ឆិកា លោក Nguyen Phu Trong បានអញ្ជើញទស្សនា
សារៈមន្ទីរKaysone Phomvihane និងផ្ទះអនុស្សវរីយ៍លោកប្រធាន Souphanouvong។
នាពេលរសៀលថ្ងៃដដែល លោក Nguyen Phu Trong បានអញ្ជើញទៅសាកសួរសុខ
ទុក្ខ លោក Khamtay Siphandone អតីតប្រធានបក្សនិងរដ្ឋឡាវ។ លោក Nguyen Phu
Trong ក៏បានអញ្ជើញជួបសំណេះសំណាលជាមួយកម្មាភិបាលស្ថានទូត តំណាង
សហគមន៍ និងសហគ្រាសវៀតណាមនៅឡាវផងដែរ។
នាប៉ុន្មានថ្ងៃកន្លងទៅ សារព័ត៌មានឡាវបានចុះផ្សាយជាច្រើននូវបទសន្ទរកថា
ព័ត៌មាន អត្ថបទនិងរូបថតស្តីពីដំណើរទស្សនកិច្ចជាផ្លូវការរបស់អគ្គលេខាបក្ស លោក
Nguyen Phu Trong និងគណៈប្រតិភូជាន់ខ្ពស់វៀតណាមក្នុងដំណើរទស្សនកិច្ចជាផ្លូវ
ការនៅឡាវ។ សារព័ត៌មានឡាវបានអះអាងថា ដំណើរទស្សនកិច្ចនេះនឹងរួមចំណែក
ធ្វើឲ្យស៊ីជម្រៅថែមទៀតនូវទំនាក់ទំនងពិសេសនិងកិច្ចសហប្រតិបត្តិការលើគ្រប់វិស័យ
វៀតណាម-ឡាវផងដែរ៕
