នៅប្រទេសថៃ ភ្លៀងធ្លាក់ខ្លាំងក្នុងប៉ុន្មានថ្ងៃកន្លងទៅ បានបណ្តាលឱ្យមានការរអិលបាក់ដីនៅចំនួន ៤ និងទឹកជំនន់ចំនួន ២។ គ្រួសារប្រហែល ៣០០ គ្រួនៅខេត្ត Phetchabun ត្រូវបានជម្លៀសទៅកាន់កន្លែងសុវត្ថិភាព។ នៅខេត្ត Surat Thani និង ខេត្ត Mae Hong Son ការបាក់ដីបានកាត់ផ្តាច់ខ្សែផ្លូវជាច្រើន។ ទន្ទឹមនឹងនេះ នៅខេត្ត Chiang Mai តំបន់ដីស្រែចម្ការធំៗត្រូវបានជន់លិច និងរំខានដល់ចរាចរណ៍នៅស្រុក Wiang Haeng។
នៅប្រទេសម៉ាឡេស៊ី ភ្លៀងធ្លាក់ខ្លាំងបានបណ្តាលឱ្យមានទឹកជំនន់នៅក្នុងរដ្ឋ Kelantan ដែលបង្ខំឱ្យអាជ្ញាធរមូលដ្ឋានបើកមជ្ឈមណ្ឌលជម្លៀសបណ្តោះអាសន្នចំនួន ៥កន្លែង។ គិតត្រឹមថ្ងៃទី ២០ ខែកញ្ញា កងកម្លាំងការពារជនស៊ីវិលម៉ាឡេស៊ីបានជួយក្នុងការជម្លៀសមនុស្សជាង ២២០ នាក់។
ភ្លៀងធ្លាក់ខ្លាំងត្រូវបានព្យាករណ៍ថា នឹងបន្តប្រព្រឹត្តទៅនៅក្នុងតំបន់ដែលរងផលប៉ះពាល់ ជាមួយនឹងការព្រមានអំពីទឹកជំនន់ និងការរអិលបាក់ដី៕
