គោលដៅដែលបានដាក់ចេញនៃខែកំពូលគឺ ១០០% នៃទូកនេសាទដែលមានលក្ខណគ្រប់គ្រាន់សម្រាប់ប្រតិបត្តិការ ត្រូវតែរក្សាការតភ្ជាប់ប្រព័ន្ធតាមដានដំណើរ (VMS) និងរាយការណ៍នៅលើប្រព័ន្ធតាមដានប្រភពដើមអេឡិចត្រូនិក; មិនទុកឱ្យកើតមានករណីដែលទូកនេសាទរំលោភបំពានលើដែនទឹកបរទេសឡើយ; ដោះស្រាយឱ្យបានដាច់ខាត់នូវករណីរំលោភបំពានដែលនៅសេសសល់។
បណ្តាខេត្តក្រុងដូចជា យ៉ាឡាយ ហ៊ុងអៀន និញប៊ិញ ក្រុងក្វាងនិញ ក្រុងដាណាំង ដុងថាប ក្វាងទ្រី ហៃផុង កឹនថើ... ទទួលបានពិន្ទុខ្ពស់បំផុត បើតាមការវាយតម្លៃការបំពេញភារកិច្ចដោយខ្លួនឯង។ លទ្ធផលពីខែកំពូលនេះ នឹងត្រូវបានចងក្រងដោយក្រសួងកសិកម្ម និងបរិស្ថាន ហើយរាយការណ៍ជូនគណៈកម្មការអឺរ៉ុប (EC) មុនថ្ងៃទី១ ខែតុលា។ នេះជាមូលដ្ឋានគ្រឹះសម្រាប់ការត្រួតពិនិត្យ EC លើកបន្ទាប់។ លោក វ៉ វ៉ាន់ ហ៊ឹង អនុរដ្ឋមន្ត្រីក្រសួងកសិកម្ម និងបរិស្ថាន បានសង្កត់ធ្ងន់ថា៖
«ការប្តេជ្ញាចិត្តនយោបាយខ្ពស់បំផុតគឺដកកាតលឿងនៅឆ្នាំ ២០២៦។ ដូច្នេះ ខែកំពូលនេះគឺមានអត្ថន័យសម្រាប់ការផ្ទៀងផ្ទាត់ និងពិនិត្យឡើងវិញនូវបរិមាណការងារ និងបង្រួបបង្រួមសំណុំឯកសារ។ យើងសម្រេចបានលទ្ធផលវិជ្ជមានជាច្រើន ដូចជា៖ការផ្ដាច់សញ្ញានៃប្រព័ន្ធតាមដានដំណើរ (VMS) បានថយចុះ ៥០% បើប្រៀបធៀបនឹងខែមុន; ចំនួនទូកនេសាទចូលចតបានកើនឡើងទ្វេដង; ចំនួននាវាឆ្លងដែនដែនទឹក និងរំលោភដែនទឹកបរទេសបានថយចុះគួរឱ្យកត់សម្គាល់ ដោយបានថយចុះជាង ៥០% បើប្រៀបធៀបនឹងរយៈពេលដូចគ្នាកាលពីឆ្នាំមុន»៕
