ច្រាំងថ្ម Ghenh Da Dia គឺជារមណីយដ្ឋានភូគព្ភសាស្ត្រដ៏ពិសេសបំផុតមួយរបស់ប្រទេសវៀតណាម។ សសរថ្មបាសាល់ទាំងនេះ ដូចចានយក្សមួយស្រាក់ៗ ដែលដាក់គរគ្នាយ៉ាងជិតដិតដោយ មានអាយុកាលរាប់រយលានឆ្នាំមកហើយ ដែលបង្កើតបានជាស្នាដៃឯកដ៏អស្ចារ្យនៃធម្មជាតិ។
មិនត្រឹមតែជាគោលដៅទេសចរណ៍ដ៏ទាក់ទាញប៉ុណ្ណោះទេ ច្រាំងថ្ម Ghenh Da Dia ក៏ជាសក្ខីភាពដ៏រស់រវើកនៃប្រវត្តិសាស្ត្រភូគព្ភសាស្ត្ររបស់ភពផែនដី និងសម្រស់ចម្រុះនៃធម្មជាតិ វៀតណាមទៀតផង។
សសរថ្មបាសាល់ ឈរជាប់ៗគ្នាដូចជារៀបចំដោយដៃរបស់ធម្មជាតិ ប៉ុន្តែតាមពិតគឺជាលទ្ធផលនៃលំហូរកម្អែភ្នំភ្លើងដែលផ្ទុះរាប់រយលានឆ្នាំមុន។
ក្នុងអំឡុងពេលត្រជាក់ទៅ និងដំណើរការបង្រួមធម្មជាតិ ស្រទាប់កម្អែនេះបានប្រេះបែកជាជួរថ្មពហុកោណ ដូចចានយក្សមួយស្រាក់ៗដែលដាក់គរគ្នាយ៉ាងជិតដិត បង្កើតបានជាឈ្មោះ "Ghenh Da Dia" (ច្រាំងថ្មរូបចាន)។
ក្នុង​ចំណោម​សសរ​ថ្ម​ពហុស្រទាប់ មនុស្ស​កាន់តែ​​តូច នៅចំពោះមុខ​ដំណើរ​ការប្រែប្រួលភូគព្ភសាស្ត្រ​ដែល​មាន​រយៈពេល​រាប់​លាន​ឆ្នាំ។
នេះក៏ជាទីកន្លែងសម្រាប់អ្នកដែលចង់ស្វែងយល់អំពីប្រវត្តិសាស្ត្រភូគព្ភសាស្ត្រ អំពីរបៀបដែលធម្មជាតិបានបង្កើតទម្រង់ដែលហាក់ដូចជាមានតែនៅក្នុងការស្រមើស្រមៃរបស់មនុស្សប៉ុណ្ណោះ។
អ្នកទេសចរជាច្រើនជ្រើសរើសថតរូបដែលគួរឱ្យចងចាំ ខណៈពេលមកទស្សនា Ghenh Da Dia។
ដោយបានឆ្លងកាត់ដំណើរការស្ថាបនាធម្មជាតិរាប់លានឆ្នាំ Ghenh Da Dia សព្វថ្ងៃនេះមិនត្រឹម
តែជាគោលដៅលេចធ្លោនៃឆ្នេរសមុទ្រប៉ែកខាងត្បូងនៃភូមិភាគកណ្តាលប៉ុណ្ណោះទេ ថែមទាំងត្រូវបាន
នាយករដ្ឋមន្រ្តីរដ្ឋាភិបាលវៀតណាមចាត់ថ្នាក់ជាកេរ្តិ៍ដំណែលជាតិពិសេសនៅឆ្នាំ ២០២០ ទៀតផង ដែលរួមចំណែកដល់ការអភិរក្សបេតិកភណ្ឌភូគព្ភសាស្ត្រដ៏ពិសេសរបស់ប្រទេសវៀតណាម។