(ພາບ: ກະຊວງອຸດສາຫະກຳ ແລະ ການຄ້າ)
ນະໂຍບາຍຈຸລະພາກບຸກທະລຸບໍ່ພຽງແຕ່ແມ່ນບັນດາມາດຕະການນ້ອຍກະແຈກກະຈາຍ ຫຼືການໜູນຊ່ວຍສະເພາະໃຫ້ແກ່ວິສາຫະກິດຈຳນວນໜຶ່ງ. ນັ້ນແມ່ນບັນດາການປະຕິຮູບທີ່ກະທົບໂດຍກົງໃສ່ບັນດາສິ່ງທີ່ຍັງຕິດຂັດຂອງການເຄື່ອນໄຫວຜະລິດ, ດຳເນີນທຸລະກິດ, ສ້າງການປ່ຽນແປງຢ່າງຈະແຈ້ງກ່ຽວກັບຄ່າໃຊ້ຈ່າຍໃນການຜະລິດ, ສະມັດຕະພາບ, ຄຸນນະພາບ ແລະ ກຳລັງໜູນປ່ຽນແປງໃໝ່ຂອງນັບລ້ານພາກສ່ວນເສດຖະກິດ. ທ່ານ ສຈ.ປອ ເລວັນເລີຍ, ປະທານສະຖາບັນດິດ ວິທະຍາສາດສັງຄົມ ຫວຽດນາມ ເນັ້ນໜັກວ່າ:
ເພື່ອໃຫ້ບັນດາບຸກທະລຸຈຸລະພາກກາຍເປັນກຳລັງໜູນຂອງການເຕີບໂຕສອງຕົວເລກຢ່າງແທ້ຈິງ ຕ້ອງເອົາໃຈໃສ່ເປັນພິເສດເຖິງ 3 ຄວາມຮຽກຮ້ອງ. ກ່ອນອື່ນໝົດ, ແມ່ນຕ້ອງຫັນຈາກຈິນຕະນາການຄຸ້ມຄອງ ໄປສູ່ຈິນຕະນາການສ້າງສັນພັດທະນາ. ລະບອບລະບຽບການບໍ່ພຽງແຕ່ເພື່ອສະກັດກັ້ນຄວາມສ່ຽງເທົ່ານັ້ນ ຫາກຍັງຕ້ອງເປີດທາງໃຫ້ແກ່ຫົວຄິດປະດິດສ້າງ, ການແກ້ງແຍ້ງ ແລະ ການລົງທຶນ. ທີສອງ, ແມ່ນຫັນຈາກນະໂຍບາຍສະເລ່ຍໄປສູ່ນະໂຍບາຍທີ່ມີຈຸດສຸມ. ແຫຼ່ງກຳລັງແມ່ນຕ້ອງບຸລິມະສິດໃຫ້ບັນດາຂະແໜງ, ວິສາຫະກິດ, ບໍລິເວນ ແລະ ໂຄງການທີ່ມີຄວາມສາມາດສ້າງຜົນກະທົບແຜ່ກະຈາຍຢ່າງໃຫຍ່ຫຼວງ. ບຸກທະລຸບໍ່ສາມາດໄດ້ຮັບການສ້າງຂຶ້ນດ້ວຍວິທີກະຈາຍແຫຼ່ງກຳລັງ. ສຸດທ້າຍ, ແມ່ນຖືຄຸນນະພາບການປະຕິບັດແມ່ນພາກສ່ວນປະກອບຂອງນະໂຍບາຍ.
4 ຈຸດອຸດຕັນຈຸລະພາກທີ່ຕ້ອງໄດ້ຮັບການແກ້ໄຂໂດຍໄວ ລວມມີ: ລະບອບລະບຽບການ, ແຫຼ່ງກຳລັງ, ຕະຫຼາດ ແລະ ນະວັດຕະກຳ. ນະໂຍບາຍຈຸລະພາກບໍ່ສາມາດກະແຈກກະຈາຍ ຫຼື ສຸມໃສ່ວິສາຫະກິດຈຳນວນໜ້ອຍ ຫາກຕ້ອງກະທົບເຖິງວິສາຫະກິດທັງໝົດ, ສ້າງເປັນກຳລັງວິສາຫະກິດທີ່ເຂັ້ມແຂງ. ທ່ານ ປອ ຟ້າມແອັງຕວັນ, ຮອງຫົວໜ້າສະຖາບັນເສດຖະກິດ ຫວຽດນາມ ແລະ ໂລກ ຖືວ່າ:
ທີໜຶ່ງ, ສະເໜີກຸ່ມນະໂຍບາຍທີ່ກ່ຽວຂ້ອງເຖິງການໜູນຊ່ວຍພັດທະນາຄວາມສາມາດຕໍ່ກັບລະບົບວິສາຫະກິດ. ຕ້ອງມີບັນດາວິສາຫະກິດທີ່ສວມບົດບາດນຳໜ້າ, ພາທາງ ແລະ ມີຄວາມສາມາດແກ້ງແຍ້ງໃນທົ່ວໂລກ, ສາມາດເປັນຕົວແທນໃຫ້ພື້ນຖານເສດຖະກິດ ຫວຽດນາມ ໃນຕະຫຼາດສາກົນ. ວິສາຫະກິດຂະໜາດກາງ ແລະ ນ້ອຍຕ້ອງພັດທະນາກາຍເປັນວິສາຫະກິດຂະໜາດໃຫຍ່, ສ່ວນວິສາຫະກິດຂະໜາດໃຫຍ່ຈະພັດທະນາກາຍເປັນວິສາຫະກິດທີ່ສາມາດພາທາງ. ທີສອງແມ່ນປະຕິຮູບລະບອບລະບຽບການກວ່າອີກ, ປົດປ່ອຍທ່າແຮງບົ່ມຊ້ນ, ພັດທະນາຕະຫຼາດທຶນໃຫ້ລະບົບວິສາຫະກິດ, ພາສີໜູນຊ່ວຍກ່ຽວກັບການລົງທຶນ, ຂໍ້ມູນ ແລະ ພື້ນຖານໂຄງລ່າງດີຈີຕອນ; ຮັບເອົາ ແລະ ເຊື່ອມຕໍ່ກັບບັນດາວິສາຫະກິດທີ່ມີເງິນລົງທຶນຈາກຕ່າງປະເທດໃຫ້ເປັນຢ່າງດີ, ໝູນໃຊ້ວິທະຍາສາດເຕັກໂນໂລຢີ, ການຄຸ້ມຄອງບໍລິຫານຂອງບັນດາວິສາຫະກິດ FDI.
ສຳລັບລະບອບລະບຽບການໃຫ້ແກ່ປັນຍາປະດິດ (AI), ຫວຽດນາມ ພວມສ້າງແລວນິຕິກຳທີ່ປອດໃສ, ຍ້ອນວ່າ AI ໄດ້ຮັບຖືວ່າແມ່ນກຳລັງໜູນໃຫ້ການເຕີບໂຕໃໝ່. ທ່ານ ປອ ໂຮ່ດຶກທັ້ງ, ຫົວໜ້າສະຖາບັນເຕັກໂນໂລຢີດດີຈີຕອນ ແລະ ການຫັນເປັນດີຈີຕອນແຫ່ງຊາດ ຖືວ່າ:
ການເຕີບໂຕໃຫ້ບັນລຸສອງຕົວເລກ ຕ້ອງເອົາໃຈໃສ່ເຖິງສະມັດຕະພາບ. ຖ້າເວົ້າເຖິງສະມັດຕະພາບ ແມ່ນບໍ່ມີເຕັກໂນໂລຢີໃດດີກວ່າປັນຍາປະດິດ. ພື້ນຖານໂຄງລ່າງ AI ແພງທີ່ສຸດ. ລັດນຳພື້ນຖານໂຄງລ່າງ AI ແມ່ນພື້ນຖານໂຄງລ່າງແຫ່ງຊາດ. ລັດລົງທຶນເຂົ້າພື້ນຖານໂຄງລ່າງ AI ແລ້ວແບ່ງປັນໃຫ້ບັນດາວິສາຫະກິດໃຊ້ລວມ. ວິສາຫະກິດໜຶ່ງຢາກເພີ່ມສະມັດຕະພາບແຮງງານແມ່ນຕ້ອງປັບປຸງຂັ້ນຕອນ, ຂໍ້ມູນ, ບຸກຄະລາກອນໃຫ້ດີທີ່ສຸດ.
GDP 6 ເດືອນຕົ້ນປີ 2026 ຂອງ ຫວຽດນາມ ເພີ່ມຂຶ້ນ 8,18% ແມ່ນລະດັບສູງສຸດໃນ 16 ປີຜ່ານມາ. ໂດຍປະຕິບັດຢ່າງຄົບຊຸດ, ກົມກຽວລະຫວ່າງນະໂຍບາຍມະຫາພາກ ແລະ ຈຸລະພາກ ຈຶ່ງສ້າງໄດ້ຫຼາຍວິສາຫະກິດທີ່ໃຫຍ່, ມີຄວາມເຂັ້ມແຂງຢ່າງພຽງພໍ ເພື່ອເຂົ້າຮ່ວມເລິກໃນລະບົບຕ່ອງໂສ້ມູນຄ່າທົ່ວໂລກ. ຖ້າເຮັດໄດ້ຄືແນວນັ້ນ ເປົ້າໝາຍການເຕີບໂຕບັນລຸສອງຕົວເລກຂອງ ຫວຽດນາມ ໃນໄລຍະ 2026 – 203ຈະປະກົດຜົນເປັນຈິງ.
