ນັບແຕ່ວັນທີ 1 ມັງກອນ 2026 ຫາວັນທີ 31 ທັນວາ 2026, ບັນດາອົງການສິນເຊື່ອຈະບໍ່ຕ້ອງຄິດໄລ່ໜີ້ສິນທີ່ຍັງຄ້າງເພີ່ມເຕີມສຳລັບເຮືອນຢູ່ສັງຄົມ, ເຂດອຸດສາຫະກຳ ແລະ ເຂດຜະລິດເພື່ອສົ່ງອອກ ເມື່ອທຽບໃສ່ທ້າຍປີ 2025 ເຂົ້າໜີ້ສິນເຊື່ອອະສັງຫາລິມະຊັບເມື່ອຄວບຄຸມການເຕີບໂຕສິນເຊື່ອ. ນະໂຍບາຍໄດ້ຍົກອອກມາເພື່ອແນໃສ່ສ້າງເງື່ອນໄຂໃຫ້ແກ່ບັນດາທະນາຄານເປີດກວ້າງແຫຼ່ງທຶນສິນເຊື່ອ ສຳລັບອະສັງຫາລິມະຊັບທີ່ໄດ້ຮັບບຸລິມະສິດ, ເໝາະສົມກັບນະໂຍບາຍພັດທະນາເຮືອນຢູ່ສັງຄົມ, ພື້ນຖານໂຄງລ່າງອຸດສາຫະກຳ ແລະ ຊຸກຍູ້ການເຕີບໂຕເສດຖະກິດ - ສັງຄົມ. ບັນຊີລາຍຊື່ 25 ທະນາຄານການຄ້າທີ່ໄດ້ນຳໃຊ້ກົນໄກດັ່ງກ່າວລວມມີຫຼາຍທະນາຄານໃຫຍ່.
ດ້ວຍໂຄງການບ້ວງສິນເຊື່ອເຮືອນຢູ່ສັງຄົມ, ມາຮອດກາງເດືອນມີນາ 2026, ຍອດໜີ້ໃຫ້ກູ້ຢຶມບັນລຸປະມານ 41.000 ຕື້ດົ່ງ (ກວ່າ 1,55 ຕື້ USD). ໃນນັ້ນ, ທະນາຄານນະໂຍບາຍສັງຄົມ ໄດ້ປ່ອຍເງິນກວ່າ 25.000 ຕື້ດົ່ງ (0,95 ຕື້USD), ໃນຂະນະທີ່ບັນດາທະນາຄານການຄ້າໃຫ້ກູ້ຢຶມກວ່າ 16.000 ຕື້ດົ່ງ (ກວ່າ 0,6 ຕື້USD). ນີ້ໄດ້ຮັບຖືວ່າແມ່ນໜຶ່ງໃນບັນດາໂຄງການບ້ວງສິນເຊື່ອບຸລິມະສິດໂດຍຂະແໜງທະນາຄານພວມສຸມໃສ່ຜັນຂະຫຍາຍເພື່ອຊ່ວຍປະຊາຊົນເຂົ້າເຖິງເຮືອນຢູ່ສັງຄົມ ແລະ ຊຸກຍູ້ແຫຼ່ງສະໜອງເຮືອນຢູ່ດ້ວຍລາຄາເໝາະສົມໃນຕະຫຼາດ. ທ່ານ ຫງວຽນຮຶງ, ຜູ້ອຳນວຍການໃຫຍ່ທະນາຄານການຄ້າ ຫຸ້ນສ່ວນ ຕຽນຟອງ ໃຫ້ຮູ້ວ່າ:
“ທະນາຄານແຫ່ງລັດມີນະໂຍບາຍລະອຽດສຳລັບແຕ່ລະຕະຫຼາດສະເພາະສົ່ງເສີມຕະຫຼາດຄື: ເຮືອນຢູ່ທົ່ວໄປ, ເຮືອນຢູ່ສຳລັບຜູ້ມີລາຍຮັບຕ່ຳ, ເຮືອນຢູ່ສັງຄົມ… ສິ່ງດັ່ງກ່າວໄດ້ເຮັດໃຫ້ການເຂົ້າເຖິງເພີ່ມຂຶ້ນ”.
ການຄັດເລືອກບຸລິມະສິດເຮືອນຢູ່ສັງຄົມ ແລະ ເຂດອຸດສາຫະກຳໄດ້ສະແດງໃຫ້ເຫັນວ່າ ກະແສທຶນພວມໄດ້ຮັບການສ້າງໂຄງປະກອບຄືນໃໝ່ຕາມທິດທີ່ປອດໄພ ແລະ ມີເປົ້າໝາຍກວ່າ.
ພາຍຫຼັງການຕົກລົງນີ້ ແມ່ນສະພາບຕົວຈິງທີ່ປະຕິເສດໄດ້ຍາກເມື່ອແຫຼ່ງສະໜອງເຮືອນຢູ່ທີ່ມີລາຄາທີ່ເໝາະສົມຢູ່ນະຄອນ ໂຮ່ຈີມິນ, ບິ່ງເຢືອງ, ດົ່ງນາຍ ຫຼື ຮ່າໂນ້ຍ ພວມຂາດເຂີນ. ລາຄາເຮືອນການຄ້າເພີ່ມຂຶ້ນຢ່າງໄວວາໃນຫຼາຍປີຜ່ານມາ, ໃນຂະນະທີ່ແຫຼ່ງສະໜອງເຮືອນຢູ່ສຳລັບຜູ້ມີລາຍຮັບຕ່ຳນັບມື້ນັບຫຼຸດລົງ. ໃນສະພາບການນັ້ນ, ການໃຫ້ບຸລິມະສິດສິນເຊື່ອສຳລັບເຮືອນຢູ່ສັງຄົມບໍ່ພຽງແຕ່ແມ່ນມາດຕະການໜູນຊ່ວຍຕະຫຼາດອະສັງຫາລິມະຊັບເທັ່ານັ້ນ. ນີ້ພວມກາຍເປັນບັນຫາສະຫວັດດີການສັງຄົມຢູ່ຕົວເມືອງ ແລະ ຮັບປະກັນກຳລັງແຮງງານ ຢູ່ບັນດາສູນກາຜະລິດທີ່ສຳຄັນໃຫ້ເປັນປົກກະຕິ. ທ່ານ ຫງວຽນຕວັນແອັງ, ຮອງຜູ້ອຳນວຍການໃຫຍ່ ບໍລິສັດໃຫຍ່ລົງທຶນພັດທະນາເຮືອນຢູ່ ແລະ ຕົວເມືອງ ໃຫ້ຮູ້ວ່າ:
ວິສາຫະກິດກູ້ຢຶມເງິນໃນໄລຍະສັ້ນທີ່ສຸດ ແຕ່ສ່ວນຫຼາຍແມ່ນປະຊາຊົນ, ມີດອກເບ້ຍຄົງທີ່ຮັບປະກັນສະຫວັດດີການສັງຄົມ, ມີນະໂຍບາຍຄົບຊຸດ ເວລານັ້ນຈຶ່ງຈະແກ້ໄຂໄດ້ບັນດາບັນຫາຢ່າງເຖິງຖອງເພື່ອພັດທະນາເຮືອນຢູ່ສັງຄົມ.
ບໍ່ພຽງແຕ່ບັນດາໂຄງການເຮືອນຢູ່ສັງຄົມເທົ່ານັ້ນ, ເຂດອຸດສາຫະກຳ ແລະ ເຂດຜະລິດເພື່ອສົ່ງອອກກໍ່ນອນໃນກຸ່ມທີ່ໄດ້ຮັບຜົນປະໂຫຍດໂດຍກົງຈາກນະໂຍບາຍໃໝ່ອີກດ້ວຍ. ນີ້ແມ່ນຈຸດເວລາທີ່ ຫວຽດນາມ ພວມແກ່ງແຍ້ງຢ່າງແຮງເພື່ອດຶງດູດແຫຼ່ງທຶນລົງທຶນໂດຍກົງຈາກຕ່າງປະເທດ (FDI), ພິເສດແມ່ນໃນບັນດາຂົງເຂດເຕັກໂນໂລຢີສູງ, ເອເລັກໂຕນິກ, ເຄິ່ງຊັກນຳໄຟຟ້າ ແລະ ການຜະລິດສີຂຽວ.
ເຖິງຢ່າງໃດກໍຕາມ, ມີຫຼາຍທ້ອງຖິ່ນຍັງປະສົບກັບຄວາມຫຍຸ້ງຍາກໃນການພັດທະນາພື້ນຖານໂຄງລ່າງເຂດອຸດສາຫະກຳ ຍ້ອນຄວາມຕ້ອງການເງິນທຶນ ໃຫ້ວຽກງານບຸກເບີກໜ້າພຽງ, ສ້າງລະບົບຄົມມະນາຄົມເຊື່ອມຈອດ, ໄຟຟ້າ, ນ້ຳປະປາ ແລະ ແກ້ໄຂສິ່ງແວດລ້ອມຫຼາຍທີ່ສຸດ. ການເປີດກວ້າງຄວາມສາມາດເຂົ້າເຖິງສິນເຊື່ອຈະຊ່ວຍໃຫ້ບັນດາວິສາຫະກິດພັດທະນາເຂດອຸດສາຫະກຳທີ່ມີແຫຼ່ງກຳລັງຕື່ມອີກເພື່ອຍູ້ແຮງຄວາມຄືບໜ້າໃນການລົງທຶນ, ຜ່ານນັ້ນ ຍົກສູງຄວາມສາມາດຮັບເອົາບັນດາໂຄງການ FDI ຂອບຂະໜາດໃຫຍ່.
ກ່ຽວກັບດ້ານມະຫາພາກ, ຂໍ້ຕົກລົງຂອງທະນາຄານແຫ່ງລັດ ທີ່ປະກາດໃຊ້ໃນສະພາບລັດຖະບານພວມຊຸກຍູ້ບັນດາກຳລັງໜູນເຕີບໂຕໃໝ່ ເພື່ອຫັນເປົ້າໝາຍການເຕີບໂຕສູງໃນໄລຍະ 2026 - 2030 ໃຫ້ປະກົດຜົນເປັນຈິງ.
ເຮືອນຢູ່ສັງຄົມ ຊ່ວຍແກ້ໄຂບັນຫາສະຫວັດດີການສັງຄົມ ແລະ ຮັບປະກັນກຳລັງແຮງງານໃຫ້ເປັນປົກກະຕິ. ເຂດອຸດສາຫະກຳ ສ້າງພື້ນຖານດຶງດູດ FDI, ເປີດກວ້າງການຜະລິດ ແລະ ສ້າງວຽກເຮັດງານທຳ. ທັງສອງບັນດາລ້ວນແຕ່ມີກຳລັງແຜ່ກະຈາຍຢ່າງແຮງເຖິງຫຼາຍຂະແໜງວິຊາຊີບອື່ນ, ປະກອບສ່ວນສ້າງບັນດາກຳລັງໜູນເຕີບໂຕແບບຍືນຍົງໃຫ້ແກ່ ຫວຽດນາມ ໃນໄລຍະພັດທະນາຕໍ່ໄປ.
