ໃນຕອນບ່າຍມື້ໜຶ່ງຢູ່ຮ້ານຄ້າທີ່ຖະໜົນ ຮ່າງດ່າວ, ເມືອງ ຮວ່ານກຽມ, ຮ່າໂນ້ຍ, ເອື້ອຍ Sophia Miller, ແຂກທ່ອງທ່ຽວມາຈາກ ການາດາ ມາຍັງຮ້າຍຂາຍເຄື່ອງທີ່ລະນຶກແຫ່ງໜຶ່ງ,ເລືອກເອົາຂອງຕ້ອນຈຳນວນໜຶ່ງ ແລ້ວເອົາໂທລະສັບອອກມາ ແທນທີ່ຈະເອົາກະເປົາເງິນອອກ. ພາຍຫຼັງ scan QR 2 – 3 ວິນາທີ, ການຊຳລະສຳເລັດ. ເອື້ອຍບໍ່ຈຳເປັນຕ້ອງມີເງິນນ້ອຍ, ບໍ່ຕ້ອງແລກເງິນ, ກໍ່ບໍ່ຈຳເປັນຕ້ອງສົນໃຈເຖິງອັດຕາແລກປ່ຽນ. ເອື້ອຍແບ່ງປັນວ່າ:
ຂ້າພະເຈົ້າໄປທ່ອງທ່ຽວຢູ່ສອງປະເທດໃນອາຊີ ແລະ ຂ້າພະເຈົ້າຮູ້ສຶກຫຍຸ້ງໆ ແລະ ສັບສົນທີ່ສຸດ ເມື່ອຍາມໃດກໍ່ຕ້ອງຖືເງິນສົດໄປນຳ. ແຕ່ປັດຈຸບັນ, ຂ້າພະເຈົ້າໄດ້ເລືອກເອົາວິທີຊຳລະໃໝ່ດ້ວຍການ scan QR ອັນໄດ້ຊ່ວຍໃຫ້ການໄປທ່ອງທ່ຽວຂອງຂ້າພະເຈົ້າມີຄວາມສະດວກ ແລະ ງ່າຍດາຍກວ່າ.
ປ້າ ຮວ່າງທິເລືອງ, ແມ່ຄ້າຂາຍເຄື່ອງທີ່ລະນຶກຢູ່ຖະໜົນ ຮ່າງດ່າວ, ຮ່າໂນ້ຍ ໃຫ້ຮູ້ວ່າ ຈຳນວນແຂກທ່ອງທ່ຽວສາກົນຊຳລະດ້ວຍລະຫັດ QR ເພີ່ມຂຶ້ນຢ່າງຈະແຈ້ງໃນໄລຍະມໍ່ໆມານີ້.
“ໃນເມື່ອກ່ອນ, ແຂກທ່ອງທ່ຽວ ສ.ເກົາຫຼີ, ຈີນ, ໄທ ແລະກຳປູເຈຍ ເຄີຍຊຳລະດ້ວຍເງິນສົດ ຫຼື scan ບັດສິນເຊື່ອ. ບາງເທື່ອ, ແຂກທ່ອງທ່ຽວຊຳລະດ້ວຍເງິນຕາຕ່າງປະເທດທີ່ມີມູນຄ່າສູງ, ເຂົາເຈົ້າຕ້ອງລໍຖ້າດົນເຕີບຈຶ່ງໄດ້ຮັບເງິນທອນ. ປັດຈຸບັນ, ເຂົາເຈົ້າພຽງແຕ່ຊຳລະດ້ວຍການ scan QR ແລະ ສຳເລັດການຊຳລະໃນເວລາສັ້ນໆ. ການຊຳລະແບບບໍ່ໃຊ້ເງິນສົດ ບໍ່ພຽງແຕ່ຊ່ວຍໃຫ້ການຊຳລະໄດ້ປະຕິບັດຢ່າງວ່ອງໄວເທົ່ານັ້ນ ຫາກຍັງເຮັດໃຫ້ແຂກທ່ອງທ່ຽວໃຊ້ຈ່າຍຢ່າງສະດວກສະບາຍກວ່າ ໂດຍບໍ່ຈຳເປັນຕ້ອງແລກເງິນ”.
ນັບແຕ່ຮ້ານຂາຍເຄື່ອງນ້ອຍໆຢູ່ເມືອງເກົ່າ ຮ່າໂນ້ຍ ຕະຫຼອດຮອດບັນດາການບໍລິການຂົນສົ່ງ ແລະ ພັກອາໄສ, ແຂກທ່ອງທ່ຽວສາກົນສາມາດ scan QR ແລະ ຊຳລະແບບອອນໄລດ້ວຍແອັບ ທະນາຄານຂອງປະເທດຕົນ ພາຍໃນເວລາພຽງ 2 – 3 ວິນາທີ ໄດ້ຢ່າງງ່າຍດາຍ. ຕາມບົດລາຍງານ e-Conomy SEA 2025, ຍອດມູນຄ່າການທຸລະກຳດ້ານການທ່ອງທ່ຽວທາງອອນໄລຢູ່ ຫວຽດນາມ ຄາດວ່າບັນລຸ 4 ຕື້ USD, ເພີ່ມຂຶ້ນ 16%, ອັນໄດ້ສ່ອງແສງໃຫ້ເຫັນທ່າອ່ຽງຫັນປ່ຽນ ຈາກການທຸລະກຳແບບເກົ່າ ເປັນການທຸລະກຳດີຈີຕອນ. ຂໍ້ມູນຈາກແພຼດຟອມ Payoo ສະແດງໃຫ້ເຫັນວ່າ ໃນຊຸມເດືອນທ້າຍປີ 2025, ການຊຳລະເງິນແບບບໍ່ໃຊ້ເງິນສົດຈາກແຂກທ່ອງທ່ຽວສາກົນຢູ່ ຫວຽດນາມ ເພີ່ມຂຶ້ນສະເລ່ຍປະມານ 10%/ເດືອນ.
ຕາມທ່ານ ຫງວຽນດັງຮຸ່ງ, ຮອງຜູ້ອຳນວຍການໃຫຍ່ບໍລິສັດຫຸ້ນສ່ວນ ຊຳລະແຫ່ງຊາດ ຫວຽດນາມ (NAPAS) ແລ້ວ, ເມື່ອກ່ອນ ບັນດາວິທີຊຳລະແບບເກົ່າແມ່ນຮົ້ວກີດຂວາງຕໍ່ແຂກທ່ອງທ່ຽວເມາ ຫວຽດນາມ. ແຕ່ປັດຈຸບັນ, ການຊຳລະທາງອອນໄລຈາກບັນຊີ ຫຼື ກະເປົາເງິນເອເລັກໂຕນິກ ໄດ້ສ້າງຄວາມສະດວກໃຫ້ແກ່ແຂກທ່ອງທ່ຽວຕ່າງປະເທດ, ກະຕຸກຊຸກຍູ້ເຂົາເຈົ້າຊື້ເຄື່ອງຂອງເມື່ອມາທ່ອງທ່ຽວ ຫວຽດນາມ.
ຢູ່ຫຼາຍປະເທດ, ແຂກທ່ອງທ່ຽວນຳໃຊ້ mobile banking ຂອງທະນາຄານ ກໍ່ຄືກະເປົາເງິນເອເລັກໂຕນິກ ແລະ scan QR ເພື່ອຊຳລະບັນດາບ້ວງເງິນໃຊ້ຈ່າຍ. ເມື່ອມາ ຫວຽດນາມ, ເຂົາເຈົ້າກໍ່ປະຕິບັດການຊຳລະດ້ວຍການ scan QR . ເປັນັນວ່າ ການຊຳລະ ບໍ່ມີຫຍັງແຕກຕ່າງກັນລະຫວ່າງປະເທດຂອງເຂົາເຈົ້າ ກັບຢູ່ ຫວຽດນາມ.
ໄປຄຽງຄູ່ກັບປັດໄຈສະດວກ, ການຊຳລະແບບບໍ່ໃຊ້ເງິນສົດຍັງປະກອບສວ່ນຍົກສູງລັກສະນະໂປ່ງໃສ. ລາຄາໄດ້ກຳນົດຢ່າງຈະແຈ້ງ, ຂໍ້ມູນການທຸລະກຳໄດ້ຮັກສາໄວ້, ຜ່ານນັ້ນ ກໍ່ປັບປຸງຄວາມເຊື່ອໝັ້ນຂອງແຂກທ່ອງທ່ຽວຕໍ່ການບໍລິການຂອງທ້ອງຖິ່ນ. ເອື້ອຍ ຫງວຽນເຕິມອານ, ຫົວໜ້າລະບົບໂຮງແຮມ ແລະ ຫ້ອງການ tour ທ່ອງທ່ຽວ ໃຫ້ຮູ້ວ່າ:
ເມື່ອໂຮງແຮມນຳໃຊ້ຫຼາຍຮູບການຊຳລະ, ແຂກທ່ອງທ່ຽວຮູ້ສຶກໄດ້ຄວາມສະດວກ ແລະ ອຸ່ນອ່ຽນໃຈເມື່ອຈອງຫ້ອງ ແລະ ບັນດາ tour ທ່ອງທ່ຽວ. ສິ່ງນີ້ຊ່ວຍໃຫ້ພວກຂ້າພະເຈົ້າເຂົ້າເຖິງຫຼາຍເປົ້າໝາຍທີ່ແຕກຕ່າງກັນ. ຢູ່ຮາກຖານຂອງພວກຂ້າພະເຈົ້າ, ນອກຈາກການຊຳລະທາງອອນໄລຢູ່ກັບທີ່, ພວກຂ້າພະເຈົ້າກຍັງນຳໃຊ້ payment link (link ຊຳລະ) ຂອງ9Pay ເພື່ອສົ່ງ link ໃຫ້ແຂກທ່ອງທ່ຽວ. ເມື່ອເຂົາເຈົ້າຈອງຫ້ອງຜ່ານ ອີເມວ ຫຼື ສື່ສັງຄົມອອນໄລ, ເຂົາເຈົ້າພຽງແຕ່ເປີດ link, ຊຳລະດ້ວຍບັດ ຫຼືບັນດາພາຫະນະຊຳລະທາງອອນໄລໃນໂທລະສັບໄດ້ຢ່າງວ່ອງໄວ ແລະ ສະດວກ.
ໃນສັງກາດດີຈີຕອນ, ທ່າໄດ້ປຽບແກ້ງແຍ້ງຂອງແຂກທ່ອງທ່ຽວ ບໍ່ພຽງແຕ່ແມ່ນຊັບພະຍາກອນ ຫຼືການໂຄສະນາເທົ່ານັ້ນ ຫາກຍັງແມ່ນຄວາມສາມາດຈັດຕັ້ງກະແສເງິນ, ຂໍ້ມູນ ແລະ ການໃຊ້ຈ່າຍໃຫ້ກາຍເປັນລະບົບຢ່າງຕໍ່ເນື່ອງ. ສຳລັບ ຫວຽດນາມ, QR code ບໍ່ພຽງແຕ່ແມ່ນເຄື່ອງມືຊຳລະເທົ່ານັ້ນ ຫາກຍັງກາຍເປັນສ່ວນໜຶ່ງຂອງອິນເຕີເຟດເຄື່ອນໄຫວຂອງການທ່ອງທ່ຽວໃນຕົວເມືອງທີ່ທັນສະໄໝອີກດ້ວຍ.
