ການທ່ອງທ່ຽວເຂດທົ່ງພຽງແມ່ນ້ຳຂອງທາງພາກໃຕ້ຫວຽດນາມ ພວມພັດທະນາຢ່າງແຮງເມື່ອຈຳນວນແຂກທ່ອງທ່ຽວ ແລະ ລາຍຮັບຈາກການທ່ອງທ່ຽວເພີ່ມຂຶ້ນເປັນໜ້າປະທັບໃຈ. ໂດຍຜັນຂະຫຍາຍມະຕິເລກທີ 26 ຂອງກົມການເມືອງ ກ່ຽວກັບການພັດທະນາການທ່ອງທ່ຽວ ຫວຽດນາມ ໃຫ້ກາຍເປັນຂະແໜງເສດຖະກິດປາຍແຫຼມໃນສັງກາດໃໝ່, ບັນດາທ້ອງຖິ່ນຢູ່ເຂດທ່ົງພຽງແມ່ນ້ຳຂອງທາງພາກໃຕ້ ພວມສຸມໃສ່ຜັນຂະຫຍາຍບັນດາມາດຕະການ, ນະໂຍບາຍ ແລະ ກົນໄກຈຳເພາະເພື່ອພັດທະນາການທ່ອງທ່ຽວ, ຈາກ “ຈຸດພັກເຊົາ” ໃຫ້ກາຍເປັນ “ສະຖານທີ່ທ່ອງທ່ຽວ” ຂອງແຂກທ່ອງທ່ຽວທັງຢູ່ພາຍໃນປະເທດ ແລະ ສາກົນ.
ສຽງຂັບຮ້ອງອັນລຽບງ່າຍໄດ້ດັງຂຶ້ນຢູ່ທ່າມກາງເຂດປ່າສະເໝັດ ອູມິງຮະ ຂອງແຂກທ່ອງທ່ຽວທີ່ເຂົ້າຮ່ວມ tour ທ່ອງທ່ຽວ “ກາງເວັນຢູ່ເຂດດິນມຸຍສີ ຂຽວອ - ກາງຄືນຢູ່ ອູມິງ ແຫ່ງອະພິນິຫານ”, ຍິ່ງເຮັດໃຫ້ ດິນແດນ ແລະ ຊາວກາເມົາມີຄວາມໃກ້ຊິດສະໜິດສະໜົມກວ່າ. ໃນການເດີນທາງສອງວັນ, ແຂກທ່ອງທ່ຽວຈະໄດ້ດຳລົງຊີວິດທ່າມກາງທຳມະຊາດ ດ້ວຍບັນດາກິດຈະກຳຄື: ການວາງຮັງເຜີ້ງ, ຈັບປາຢູ່ທົ່ງນາ, ຟັງເລື່ອງຕະຫຼົກຂອງ ລຸງ ບາຟີ, ຮັບປະທານອາຫານເຂດປ່າທາງພາກໃຕ້… ສິ້ນສຸດການທ່ອງທ່ຽວ, ແຂກທ່ອງທ່ຽວ ລ້ວນແຕ່ສະແດງຄວາມເພິ່ງພໍໃຈດ້ວຍການຍ້ອງຍໍ ທີ່ຫສົ່ງມາຂະແໜງການທ່ອງທ່ຽວແຂວງ ກາເມົາ:
ຂ້າພະເຈົ້າເຫັນວ່າ tour ທ່ອງທ່ຽວນີ້ໄດ້ຮັບການກະກຽມຢ່າງຮຽບຮ້ອຍດ້ວຍການຈັດຕັ້ງ ແລະ ເຊື່ອມຕໍ່ບັນດາສະຖານທີ່ທ່ອງທ່ຽວຢ່າງລອບຄອບ ແລະ ເປັນມືອາຊີບ.
ແຂກທ່ອງທ່ຽວຄືຂ້າພະເຈົ້າໄດ້ລ່ອງເຮືອລຽບຕາມປ່າສະເໝັດທີ່ສວຍງາມ. ໄດ້ຮັບປະທານອາຫານທີ່ແຊບນົວ ແລະເຫັນວ່າ ຊາວກາເມົາກໍ່ເປັນມິດທີສຸດ.
tour ທ່ອງທ່ຽວ “ກາງເວັນຢູ່ດິນມຸຍ ສີຂຽວອ - ກາງຄືນຢູ່ ອູມິງ ແຫ່ງອະພິນິຫານ” ແມ່ນໜຶ່ງໃນບັນດາກິດຈະກຳກະຕຸກຊຸກຍູ້ການທ່ອງທ່ຽວຂອງແຂວງ ກາເມົາ ເວົ້າສະເພາະ ແລະ ເຂດທ່ົງພຽງແມ່ນ້ຳຂອງທາງພາກໃຕ້ ເວົ້າລວມ. ໃນໂອກາດວັນຊາດ ຫວຽດນາມ (2/9) ຜ່ານມາ, ຂະແໜງການທ່ອງທ່ຽວຢູ່ເຂດທົ່ງພຽງແມ່ນ້ຳຂອງທາງພາກໃຕ້ ຫວຽດສ້າງລາຍຮັບສູງສຸດເມື່ອທຽບໃສ່ໄລຍະດຽວກັນຂອງປີກ່ອນ. ນຳໜ້າແມ່ນ ອານຢາງ ດ້ວຍການຕ້ອນຮັບແຂກທ່ອງທ່ຽວກວ່າ 580.000 ເທື່ອຄົນ, ນະຄອນ ເກິ່ນເທີ ຕ້ອນຮັບ ແຂກທ່ອງທ່ຽວກວ່າ 353.000 ເທື່ອຄົນ, ກາເມົາ ຕ້ອນຮັບແຂກທ່ອງທ່ຽວກວ່າ 210.400 ເທື່ອຄົນ; ວິ້ງລອງ ແລະ ດົ່ງທາບກໍ່ບັນລຸລະດັບເຕີບໂຕສູງ. ເພື່ອບັນລຸໄດ້ໝາກຜົນນີ້, ບັນດາທ້ອງຖິ່ນໄດ້ເປັນເຈົ້າການເຮັດໃໝ່ຜະລິດຕະພັນ, ນັບແຕ່ການຂຸດຄົ້ນຊັບພະຍາກອນທີ່ມີຢູ່ແລ້ວ ຫັນໄປສູ່ການເປັນເຈົ້າການອອກແບບ, ລົງຕົວຈິງ. ທ່ານ ນາງ ຫງວຽນທິກິມອຽນ, ຮອງປະທານຄະນະກຳມະການປະຊາຊົນຕາແສງ ຮົ່ງງຶ, ແຂວງ ດົ່ງທາບ ໃຫ້ຮູ້ວ່າ:
ບົນພື້ນຖານຄວາມນິຍົມຂອງປະຊາຊົນ ແລະ ແຂກທ່ອງທ່ຽວ, ເຂົາເຈົ້າຢາກກັບມາທ່ອງທ່ຽວເຂດແມ່ນ້ຳລຳເຊເພື່ອມີປະສົບການຍາມນ້ຳຂຶ້ນ, ກໍ່ຄືໄດ້ສຳຜັດກັບເຂດບ້ານນາຕິດກັບຊາຍແດນ. ພວກຂ້າພະເຈົ້າພວມກຳນົດທິດວາງແຜນຜັງເຂດດິນແດນ ຮົ່ງງຶ ໃຫ້ເປັນສະຖານທີ່ທ່ອງທ່ຽວໂດຍເສີມຂະຫຍາຍພື້ນຖານວັດທະນະທຳແມ່ນ້ຳ, ວັດທະນະທຳທ້ອງຖິ່ນ, ເຊື່ອມຕໍ່ກັບເຂດຊາຍແດນເພື່ອກຳນົດທິດຍາວນານໃຫ້ແກ່ການພັດທະນາການທ່ອງທ່ຽວສີຂຽວ.
ແຂວງ ຫວິງລອງ ກໍ່ເຮັດໃໝ່ການທ່ອງທ່ຽວດ້ວຍ tour ທ່ອງທ່ຽວໝູ່ບ້ານອາຊີບ, ເສັ້ນທາງເຄື່ອງປັ້ນດິນເຜົາສີແດງ, ຖີບລົດທ່ອງທ່ຽວເຂດດອນກາງນ້ຳ. ພິເສດແມ່ນມີລາຍການທ່ອງທ່ຽວໃໝ່ຢູ່ຕາມແມ່ນ້ຳຂອງ ດ້ວຍເຮືອທ່ອງທ່ຽວ, ເຊື່ອມຕໍ່ແຂກທ່ອງທ່ຽວມາຈາກ ກຳປູເຈຍ ຫຼື ນະຄອນ ໂຮ່ຈີມິນ ແວ່ຢາມ ວິງລອງ. ທ່ານນາງ ຫງວຽນທິງອກຢຸງ, ຮອງຫົວໜ້າພະແນກວັດທະນະທຳ, ກິລາ ແລະ ການທ່ອງທ່ຽວແຂວງ ວິງລອງ ໃຫ້ຮູ້ວ່າ:
Slogan ຂອງການທ່ອງທ່ຽວ ວິງລອງ ແມ່ນ “ຈຸດໝາຍປາຍທາງທີ່ປອດໄພ, ເປັນມິດ, ມີຄຸນນະພາບ”. ປັດຈຸບັນ ພວກຂ້າພະເຈົ້າພວມສຸມໃສ່ຂຸດຄົ້ນທຸກຮູບແບບການທ່ອງທ່ຽວທາງນ້ຳໃຫ້ເປັນຢ່າງດີ, ຮັກສາສະພາບແວດລ້ອມ, ຮັກສາທິວທັດທຳມະຊາດ, ຮັກສາຈິດໃຈເປັນມິດ, ລັກສະນະວັດທະນະທຳປະຊາຄົມຂອງຊາວ ວິງລອງ.
ຮັບໃຊ້ຄວາມຕ້ອງການຂອງແຂກທ່ອງທ່ຽວ, ບັນດາວິສາຫະກິດການທ່ອງທ່ຽວພວມຍູ້ແຮງການຂຸດຄົ້ນບັນດາ tour ທ່ອງທ່ຽວໄລຍະສັ້ນຕາມທ່າອ່ຽງທົດລອງ, ດ້ວຍມາດຖານ: ໃກ້, ໄວ, ມີຄຸນນະພາບ… ຂອງກຸ່ມແຂກທ່ອງທ່ຽວພາຍໃນປະເທດ. ປັດໄຈເຫຼົ່ານີ້ນີ້ໄດ້ພາໃຫ້ແຂກທ່ອງທ່ຽວຄັດເລືອກການທ່ອງທ່ຽວເຂດທົ່ງພຽງແມ່ນ້ຳຂອງທາງພາກໃຕ້ ນັບມື້ນັບຫຼາຍ. ທ່ານ ເຈິ່ນຮຶວຫຽບ, ຮອງປະທານສະມາຄົມການທ່ອງທ່ຽວເຂດທົ່ງພຽງແມ່ນ້ຳຂອງ ຖືວ່າ:
ສິ່ງເປັນໜ້າຮັບຮູ້ບໍ່ພຽງແຕ່ແມ່ນບັນດາຕົວເລກການເຕີບໂຕເທົ່ານັ້ນ, ຫາກຍັງແມ່ນບາດກ້າວຫັນປ່ຽນຢ່າງຕັ້ງໜ້າໃນຈິນຕະນາການ ແລະ ວິທີເຮັດການທ່ອງທ່ຽວ. ຈາກການຂຸດຄົ້ນຊັບພະຍາກອນທີ່ມີຢູ່ແລ້ວ, ຫັນໄປສູ່ຄວາມເປັນເຈົ້າການອອກແບບ, ລົງຕົວຈິງ ແລະ ສ້າງເຫດການງານບຸນວັດທະນະທຳ, ກິລາ. ມີວິສາຫະກິດທ່ອງທ່ຽວ, ພັກເຊົ່າຫຼາຍແຫ່ງ ໄດ້ສ້າງລາຍການທ່ອງທ່ຽວດ້ວຍລາຄາພິເສດຊ່ວຍໃຫ້ແຂກທ່ອງທ່ຽວພັກເຊົ່າເພີ່ມຂຶ້ນໄວກວ່າແຂກທີ່ມາທ່ຽວຊົມ. ເມື່ອແຂກທ່ອງທ່ຽວພັກເຊົາດົນກວ່າ, ການໃຊ້ຈ່າຍກໍ່ຫຼາຍກວ່າ ຫາກບໍ່ພຽງແຕ່ແວ່ຢາມແລ້ວອອກໄປເລີຍ.
ສຳລັບບັນດາທ້ອງຖິ່ນຢູ່ເຂດທົ່ງພຽງແມ່ນ້ຳຂອງທາງພາກໃຕ້, ບັນດາໝາກຜົນທີ່ໄດ້ຮັບໃນຊຸມວັນບຸນຜ່ານມາພຽງແຕ່ແມ່ນຈຸດເລີ່ມຕົ້ນ. ບັນດາທ້ອງຖິ່ນພວມສືບຕໍ່ແກ້ໄຂບັນດາຈຸດອຸດຕັນກ່ຽວກັບພື້ນຖານໂຄງລ່າງ, ຜະລິດຕະພັນ ແລະ ສ້າງເຄື່ອງໝາຍການທ່ອງທ່ຽວເຂດ; ພິເສດ, ແມ່ນພັດທະນາການທ່ອງທ່ຽວແບບຍືນຍົງຕະຫຼອດປີ, ເພື່ອໃຫ້ເຂດທົ່ງພຽງແມ່ນ້ຳຂອງທາງພາກໃຕ້ຈາກບ່ອນພັກເຊົາ ກາຍເປັນ ສະຖານທີ່ທ່ອງທ່ຽວ.
