ກອງປະຊຸມຄັ້ງທີ 4 ຄະນະບໍລິຫານງານສູນກາງພັກກອມມູນິດ ຫວຽດນາມ ຊຸດທີ 14 (ຈັດຂຶ້ນແຕ່ວັນທີ 5-10 ສິງຫາ ປີ 2026) ໄດ້ເປັນເອກະພາບ ປະກາດຂໍ້ກຳນົດເລກທີ 224 ກ່ຽວກັບເລື່ອງສະມາຊິກພັກເຂົ້າຮ່ວມການເຄື່ອນໄຫວລົງທຶນດຳເນີນທຸລະກິດ, ປ່ຽນແທນໃຫ້ຂໍ້ກຳນົດເລກທີ 15 ກ່ຽວກັບເລື່ອງສະມາຊິກພັກເຮັດເສດຖະກິດພາກເອກະຊົນ ດ້ວຍເນື້ອໃນທີ່ກວ້າງກວ່າ, ຕິດພັນກັບການເຄື່ອນໄຫວລົງທຶນດຳເນີນທຸລະກິດໃນຕົວຈິງກວ່າ ແລະ ສອດຄ່ອງກັບຂໍ້ກຳນົດທຳນຽມສາກົນ.
ຫຼາຍການປະກອບສ່ວນກ່ຽວກັບການຜະລິດ, ດຳເນີນທຸລະກິດ
ຕາມຕົວເລກ ແລະ ການຕີລາຄາຂອງຄະນະນະໂຍບາຍ, ຍຸດທະສາດສູນກາງ, ໂດຍມີສະມາຊິກພັກກວ່າ 5.6 ລ້ານສະຫາຍຂອງທົ່ວພັກປະຈຸບັນ, ລະດັບການເຂົ້າຮ່ວມຂອງສະມາຊິກພັກໃນການພັດທະນາເສດຖະກິດເອກະຊົນ ຍັງບໍ່ທັນໄດ້ຫຼາຍຄືຄວາມຄາດຫວັງເທື່ອ. ໃນຈຳນວນສະມາຊິກພັກ 5.6 ລ້ານສະຫາຍໃນທົ່ວປະເທດ, ອັດຕາສ່ວນສະມາຊິກພັກເຮັດເສດຖະກິດເອກະຊົນກວມເອົາແຕ່ 3.31% ເທົ່ານັ້ນ.
ຕໍ່ໜ້າຄຳຮຽກຮ້ອງພັດທະນາປະເທດຊາດໃນໄລຍະໃໝ່, ຂໍ້ກຳນົດເລກທີ 224 ຂອງສູນກາງ ສະບັບລົງວັນທີ 14 ຕຸລາ ປີ 2026 ກ່ຽວກັບເລື່ອງສະມາຊິກພັກເຂົ້າຮ່ວມການເຄື່ອນໄຫວລົງທຶນດຳເນີນທຸລະກິດທີ່ໄດ້ປະກາດໃຊ້ນັ້ນ, ທ່ານ ຫງວຽນແທັງງິ, ຫົວໜ້າຄະນະນະໂຍບາຍ, ຍຸດທະສາດສູນກາງພັກ ໃຫ້ຮູ້ວ່າ:
ຂໍ້ກຳນົດກ່ຽວກັບເລື່ອງສະມາຊິກພັກເຂົ້າຮ່ວມການເຄື່ອນໄຫວລົງທຶນດຳເນີນທຸລະກິດດ້ວຍຂອບເຂດເນື້ອໃນທີ່ກວ້າງກວ່າ, ຕິດພັນກັບຕົວຈິງ ແລະ ສອດຄ່ອງກັບກົດບັດສາກົນ. ເສີມຂະຫຍາຍບົດບາດນຳໜ້າ, ເປັນແບບຢ່າງຂອງສະມາຊິກພັກໃນການພັດທະນາເສດຖະກິດ. ສະມາຊິກພັກບໍ່ພຽງແຕ່ໄດ້ນຳໜ້າໃນການປະຕິບັດແນວທາງ, ແຜນນະໂຍບາຍຂອງພັກ, ນະໂຍບາຍ, ກົດໝາຍຂອງລັດເທົ່ານັ້ນ ຫາກຍັງຕ້ອງມີຄວາມຮັບຜິດຊອບນຳໜ້າ, ເປັນແບບຢ່າງໃນການເສີມຂະຫຍາຍຄວາມສາມາດອອກແຮງງານ, ທຳການຜະລິດດຳເນີນທຸລະກິດ, ສ້າງຄວາມຮັ່ງມີອັນຊອບທຳ, ຖືກຕ້ອງຕາມກົດໝາຍ, ມີຄວາມຮັບຜິດຊອບຕໍ່ກັບສັງຄົມ, ສະພາບແວດລ້ອມ ແລະ ປະກອບສ່ວນຢ່າງຕັ້ງໜ້າເຂົ້າໃນການພັດທະນາປະເທດຊາດໃນສັງກາດໃໝ່ອີກດ້ວຍ.
ບາດກ້າວຫັນປ່ຽນທີ່ມີວິໄສທັດຍຸດທະສາດ
ຂໍ້ກຳນົດກ່ຽວກັບເລື່ອງສະມາຊິກພັກເຂົ້າຮ່ວມການເຄື່ອນໄຫວລົງທຶນດຳເນີນທຸລະກິດໄດ້ປະກາດໃຊ້ໃນຈຸດເວລາທີ່ປະເທດຊາດພວມຢືນຢູ່ບາດລ້ຽວປະຫວັດສາດ: ສັງກາດໃໝ່ຂອງຊາດ. ເລື່ອງປ່ຽນແປງໃໝ່ຈີນຕະນາການ, ຫັນຈາກການ “ອະນຸຍາດ” ໄປສູ່ການ “ສົ່ງເສີມ, ສ້າງເງື່ອນໄຂສະດວກ” ເພື່ອໃຫ້ສະມາຊິກພັກສ້າງຄວາມຮັ່ງມີອັນຊອບທຳ, ຖືກຕ້ອງຕາມກົດໝາຍ, ປະກອບສ່ວນໃຫ້ແກ່ປະເທດຊາດ, ໄດ້ເປີດກວ້າງການເຂົ້າຮ່ວມຂອງສະມາຊິກພັກໃນພາກລັດ; ເສີມຂະຫຍາຍບົດບາດສະມາຊິກພັກໃນການພັດທະນາເສດຖະກິດ… ທ່ານ ໝາກກວັກແອັງ ຮອງປະທານ ທັງເປັນເລຂາທິການ ສະຫະສະມາຄົມວິສາຫະກິດຂະໜາດກາງ ແລະ ນ້ອຍ ນະຄອນ ຮ່າໂນ້ຍ ແບ່ງປັນວ່າ:
ສຳລັບແຜນນະໂຍບາຍຄັ້ງນີ້, ສິ່ງທີ່ພວກເຮົາມຸ່ງໄປເຖິງແມ່ນສະມາຊິກພັກສາມາດປະກອບສ່ວນລະອຽດກວ່າເຂົ້າໃນການພັດທະນາເສດຖະກິດຂອງປະເທດຊາດ. ນີ້ແມ່ນແຜນນະໂຍບາຍທີ່ໄດ້ຮັບຄວາມຄອງຄອຍມາແຕ່ດົນນານຢ່າງແທ້ຈິງ, ຊື່ງໄດ້ສ້າງເງື່ອນໄຂເພື່ອໃຫ້ສະມາຊິກພັກປ່ຽນແປງໃໝ່ຈິນຕະນາການ, ມີການກະທຳຢ່າງມີຫົວຄິດປະດິດສ້າງ. ສິ່ງສຳຄັນກວ່ານັ້ນແມ່ນ, ໃນວິວັດການພັດທະນາເສດຖະກິດ, ນຳປະເທດຊາດກ້າວເຂົ້າສູ່ສັງກາດໃໝ່, ສະມາຊິກພັກແຕ່ລະຄົນຈະສາມາດເສີມຂະຫຍາຍຄວາມສາມາດ, ປະກອບສ່ວນດ້ວຍບັນດາວຽກເຮັດທີ່ແທດຈິງ. ເມື່ອໄດ້ສ້າງເງື່ອນໄຂສະດວກເພື່ອປະຕິບັດສິ່ງທີ່ຕົນເອງມີຄວາມປາດຖະໜາ, ສະມາຊິກພັກຈະມີກຳລັງໜູນອຸທິດສ່ວນຕື່ມອີກ, ຮ່ວມແຮງຮ່ວມໃຈນຳປະເທດຊາດໃຫ້ພັດທະນາ, ບືນຕົວຂຶ້ນຢ່າງແຮງ.
ການຮັບຮູ້ເລື່ອງສະມາຊິກພັກເຂົ້າຮ່ວມການເຄື່ອນໄຫວລົງທຶນດຳເນີນທຸລະກິດຢ່າງຖືກຕ້ອງ ໄດ້ຊ່ວຍສ້າງກຳລັງດຶງດູດຢ່າງແຮງ ເພື່ອຮັບບັນດານັກທຸລະກິດເກັ່ງ, ບັນດາປັນຍາຊົນທີ່ມີຄວາມເກັ່ງກ້າສາມາດເຂົ້າເປັນສະມາຊິກພັກ. ເຂົາເຈົ້າທັງໄດ້ສ້າງມູນຄ່າດ້ານວັດຖຸ, ທັງແຜ່ກະຈາຍຈິດໃຈເຄົາລົບກົດໝາຍ ແລະ ວັດທະນະທຳດຳເນີນທຸລະກິດທີ່ຊື່ກົງບໍລິສຸດ, ພ້ອມກັນນຳປະເທດຊາດກ້າວເຂົ້າສູ່ສັງກາດໃໝ່./.
