ດ້ວຍຂໍ້ສະຫລຸບນີ້, ຫວຽດນາມ ສືບຕໍ່ສົ່ງສານກ່ຽວກັບການພົວພັນຕ່າງປະເທດທີ່ສະໝີຕົ້ນສະເໝີປາຍຄື: ການປົກປັກຮັກສາສິ່ງແວດລ້ອມ ແມ່ນການຮັບປະກັນໃຫ້ແກ່ສິດໄດ້ດຳລົງຊີວິດ, ສິດໄດ້ຮັບຄວາມປອດໄພ ແລະ ສິດພັດທະນາຂອງ ປຊຊ ທຸກຄົນ.
ຕາມ ສປຊ, ການປ່ຽນແປງຂອງດິນຟ້າອາກາດໄດ້ສົ່ງຜົນກະທົບຫຍໍ້ທໍ້ໂດຍກົງເຖິງການຊົມໃຊ້ສິດທິມະນຸດ, ລວມທັງສິດໄດ້ດຳລົງຊີວິດ, ສິດສົ່ງເສີມສຸຂະພາບ, ສິດມີສະບຽງອາຫານ, ສິດໃຊ້ນ້ຳສະອາດ, ສິດມີເຮືອນຢູ່ ແລະ ສິດໄດ້ດຳລົງຊີວິດໃນສິ່ງແວດລ້ອມປອດໂປ່ງ.
ສະພາບແວດລ້ອມດຳລົງຊີວິດທີ່ປອດໄພ ແມ່ນສິດພື້ນຖານຂອງມະນຸດ
ການປົກປັກຮັກສາສິ່ງແວດລ້ອມ ແລະ ຮັບມືກັບການປ່ຽນແປງຂອງດິນຟ້າອາກາດບໍ່ພຽງແຕ່ແມ່ນການແກ້ໄຂດ້ານເຕັກນິກ ຫຼືຄຸ້ມຄອງຊັບພະຍາກອນທຳມະຊາດເທົ່ານັ້ນ, ຫາກຍັງແມ່ນຄຳໝັ້ນສັນຍາການເມືອງສູງສຸດຂອງພັກ ແລະ ລັດ ໃນການຮັກສາບັນດາສິດທິສ່ວນບຸກຄົນ, ສິດເສດຖະກິດ, ສັງຄົມຂອງພົນລະເມືອງແຕ່ລະຄົນ. ທີ່ກອງປະຊຸມທົ່ວປະເທດຊາບຊືມມະຕິກອງປະຊຸມສູນກາງພັກຄັ້ງທີ 3, ທ່ານ ຟ້າມຢາຕຸກ ຮອງນາຍົກລັດຖະມົນຕີ ຜູ້ປະຈຳການລັດຖະບານ ຫວຽດນາມ ເນັ້ນໜັກວ່າ:
ການຮັບມືກັບປ່ຽນແປງຂອງດິນຟ້າອາກາດແມ່ນໜ້າທີ່ສຳຄັນພິເສດ ກ່ຽວຂ້ອງໂດຍກົງເຖິງຊີວິດການເປັນຢູ່ຂອງ ປຊຊ ແລະ ການພັດທະນາແບບຍືນຍົງ. ນີ້ແມ່ນຄວາມຮັບຜິດຊອບ, ແມ່ນພັນທະຂອງທັງລະບົບການເມືອງ, ຂອງອົງການຈັດຕັ້ງ, ວິສາຫະກິດ, ປະຊາຄົມພົນລະເມືອງ ແລະ ປຊຊ ແຕ່ລະຄົນ. ຖື ປຊຊ ແລະ ຄຸນນະພາບຊີວິດຂອງ ປຊຊ ເປັນໃຈກາງຂອງທຸກການຕັດສິນພັດທະນາ.
ການຫັນປ່ຽນນີ້ ສະແດງໃຫ້ເຫັນມູມມອງໃກ້ກັບບັນດາມາດຖານສາກົນກ່ຽວກັບສິດທິມະນຸດ. ນີ້ອາດຈະຖືວ່າແມ່ນການຢັ້ງຢືນຄືນຢ່າງແຮງ ກ່ຽວກັບການຮັບປະກັນສິດທິມະນຸດ ຕໍ່ໜ້າບັນດາສິ່ງທ້າທາຍອັນຂ້ຽວຂາດຂອງຕົວຈິງ. ເລື່ອງຂໍ້ສະຫລຸບເລກທີ 75 ຮຽກຮ້ອງໃຫ້ສະຫງວນຢ່າງໜ້ອຍສຸດແມ່ນ 2% ຍອດລາຍຈ່າຍງົບປະມານຂອງແຕ່ລະປີໃຫ້ແກ່ບັນຫາສິ່ງແວດລ້ອມ, ເດັດດ່ຽວຄວບຄຸມບັນດາແຫຼ່ງເສດເຫຼືອໃຫ່ຍ ຫຼືແກ້ໄຂມົນລະພິດຢູ່ບັນດາຕົວເມືອງພິເສດ ບໍ່ພຽງແຕ່ແມ່ນໜ້າທີ່ເຕັກນິກເທົ່ານັ້ນ, ຫາກຍັງແມ່ນການກະທຳຮັກສາສິດສົ່ງເສີມສຸຂະພາບອັນຊອບທຳຂອງພົນລະເມືອງອີກດ້ວຍ.
ຮັກສາການທຳມາຫາກິນ ແລະ ຫັນປ່ຽນຢ່າງຍຸດຕິທຳ
ການກະທົບຂອງການປ່ຽນແປງຂອງດິນຟ້າອາກາດມີລັກສະນະຂາດຄວາມຍຸດຕິທຳຢ່າງເລິກເຊິ່ງ. ບັນດາຜູ້ຮັບຄວາມສ່ຽງຫຼາຍກ່ວາໝູ່, ຊາວຊົນເຜົ່າສ່ວນໜ້ອຍ, ເຂດພູດອຍ, ເຂດແຄມທະເລ, ຄົນທຸກຍາກໃນຕົວເມືອງ….ພັດແມ່ນຜູ້ທີ່ຖືກຜົນສະທ້ອນອັນໜັກໜ່ວງທີ່ສຸດ.
ຈາກແງ່ມູມສິດທິມະນຸດ, ເລື່ອງລັດ ຫວຽດນາມ ໄດ້ເປັນເຈົ້າການປົກປ້ອງກຸ່ມຄົນໄດ້ຮັບຄວາມສ່ຽງຫຼາຍ ແມ່ນໄມ້ຫຼາວັດແທກຂອງຄວາມຍຸດຕິທຳໃນສັງຄົມ. ຂໍ້ສະຫລຸບເລກທີ 75 ໄດ້ຊີ້ແຈ້ງທິດທາງກະທຳແມ່ນ “ວາງແຜນຜັງຄືນໃໝ່ບັນດາເຂດຊຸມຊົນ, ປະຕິບັດການຍົກຍ້າຍ ປຊຊ ອອກຈາກບັນດາເຂດຖືກຄວາມສ່ຽງສູງ, ສົມທົບກັບການຮັບປະກັນຊີວິດການເປັນຢູ່ແບບຍືນຍົງໃຫ້ແກ່ ປຊຊ”
ຄວາມຈິງໃນໄລຍະຜ່ານມາ: ນັບຫມື່ນໆ ຄອບຄົວໄດ້ຍົກຍ້າຍອອກຈາກເຂດອັນຕະລາຍ, ເນື້ອທີ່ປູກເຂົ້ານັບແສນເຮັກຕາໄດ້ຫັນໄປສູ່ຮູບແບບລ້ຽງກຸ້ງປະສົມກັບປູກເຂົ້າ ຫຼືກະສິກຳຮັບມື ເພື່ອຄ້ຳປະກັນສະບຽງອາຫານ.
ສິດໄດ້ອອກແຮງງານ ແລະ ທຳມາຫາກິນຂອງ ປຊຊ ໄດ້ຮັບການປົກປ້ອງນັບທັງໃນບັນດາການຜັນແປຄັ້ງໃຫ່ຍຂອງພື້ນຖານເສດຖະກິດ. ທ່ານ ດ່າວຊັວນລາຍ, ຜູ້ຊ່ຽວຊານໃນຂົງເຂດພັດທະນາແບບຍືນຍົງ, ຫັນປ່ຽນພະລັງງານ ແລະ ປົກປັກຮັກສາສິ່ງແວດລ້ອມ ຕີລາຄາວ່າ:
ຫວຽດນາມ ໃຫ້ຄຳໝັ້ນສັນຍາແກ້ໄຂບັນດາບັນຫາກ່ຽວກັບການປ່ຽນແປງຂອງດິນຟ້າອາກາດ. ຢູ່ ຫວຽດນາມ , ການປົກປັກຮັກສາສິ່ງແວດລ້ອມບໍ່ພຽງແຕ່ໃຫ້ແກ່ການພັດທະນາເສດຖະກິດປະຈຸບັນເທົ່ານັ້ນ, ຫາກຍັງໄດ້ຊ່ວຍພັດທະນາເສດຖະກິດແບບຍືນຍົງໃນອະນາຄົດ, ແກ້ໄຂການປ່ຽນແປງຂອງດິນຟ້າອາກາດອີກດ້ວຍ.
ວິກິດການດິນຟ້າອາກາດ ພວມນາບຂູ່ສິດທິມະນຸດພື້ນຖານ, ພິເສດແມ່ນສິດໄດ້ດຳລົງຊີວິດ. ຂໍ້ສະຫລຸບເລກທີ 75 ຂອງກອງປະຊຸມສູນກາງພັກກອມມູນິດ ຫວຽດນາມ ຄັ້ງທີ 3 ຊຸດທີ 14 ໄດ້ສ້າງນະໂຍບາຍແມ່ທີ່ຮອບດ້ານ, ມີລັກສະນະວິໄສທັດຮອດປີ 2030 ແລະ 2045. ເລື່ອງຮັບປະກັນສິດທິມະນຸດ, ຈາກຊີວິດອິນຊີ, ສຸຂະພາບຕະຫຼອດຮອດການທຳມາຫາກິນ ເປັນແກ່ນສານໃຫ້ແກ່ທຸກການກະທຳຮັບມືກັບການປ່ຽນແປງຂອງດິນຟ້າອາກາດ. ນີ້ກໍ່ແມ່ນໄມ້ຫຼາວັດແທກສູງທີ່ສຸດໃຫ້ແກ່ຮູບແບບພັດທະນາໄວ, ສີຂຽວ ແລະ ຍືນຍົງ ຊື່ງ ຫວຽດນາມ ພວມມຸ່ງໄປເຖິງ./.
