ລັດຖະບານວາງອອກຍຸດທະສາດດັ່ງກ່າວໃນສະພາບການທົ່ວໂລກມີການຫັນປ່ຽນແຫຼ່ງເງິນລົງທຶນ ແລະ ປ່ຽນແປງພູມສາດການເມືອງຢ່າງແຮງ, ຊື່ງໄດ້ວາງອອກຄຳຮຽກຮ້ອງອັນຈຳເປັນໃຫ້ແກ່ ຫວຽດນາມ ໃນການກຳນົດຄືນຍຸດທະສາດ start up ເພື່ອສ້າງທ່ວງທ່າບຸກທະລຸ
ນຳ start up ປະດິດຄິດສ້າງ ກາຍເປັນກຳລັງໜູນເຕີບໂຕເສດຖະກິດແກ່ນສານ
ລະບົບຊີວະພາບ start up ປະດິດຄິດສ້າງຂອງ ຫວຽດນາມ ໄດ້ຮັບຮູ້ບັນດາການປະກອບສ່ວນທີ່ຕັ້ງໜ້າສຳລັບການພັດທະນາເສດຖະກິດ-ສັງຄົມ. ພື້ນຖານໂຄງລ່າງໜູນຊ່ວຍການພັດທະນາທີ່ມີຫຼາຍຮູບແບບ ດ້ວຍບັນດາຕາໜ່າງກອງທຶນລົງທຶນທີ່ມີຄວາມສ່ຽງໄພ, ສວນປູກລ້ຽງ, ພ້ອມກັບບັນດາສູນໜູນຊ່ວຍ start up ຈາກທ້ອງຖິ່ນຕ່າງໆ ຕະຫຼອດຮອດລະດັບຊາດ. ຕາມການສະຖິຕິ, ປີ 2025, ດັດຊະນີລະບົບຊີວະພາບ start up ທົ່ວໂລກຂອງ ຫວຽດນາມ ໄດ້ບືນຕົວຂຶ້ນຈັດຢູ່ອັນດັບທີ 55 ໃນໂລກ. ໜ້າສົນໃຈແມ່ນ ນະຄອນ ໂຮ່ຈິມິນ ເປັນຄັ້ງທຳອິດໄດ້ນອນໃນ top 5 ພາກພື້ນອາຊີຕາເວັນອອກສ່ຽງໃຕ້ ແລະ ຢືນຢັນດັບທີ 110 ທົ່ວໂລກ.
ໃນຂະນະນັ້ນ, ນະຄອນ ຮ່າໂນ້ຍ ກໍ່ເລື່ອນຂຶ້ນອັນດັບທີ 148, ສ່ວນນະຄອນ ດ່ານັງ ເລື່ອນຂຶ້ນ 130 ຂັ້ນ, ຢຶນອັນດັບທີ 766. ທ່ານ ຮວ່າງມິນ ຮອງລັດຖະມົນຕີກະຊວງວິທະຍາສາດ ແລະ ເຕັກໂນໂລຊີ ຫວຽດນາມ ຢືນຢັນວ່າ:
ຫວຽດນາມ ຕ້ອງອີງຕາມວິທະຍາສາດ ແລະ ເຕັກໂນໂລຊີ ເພື່ອຫັນປ່ຽນພື້ນຖານເສດຖະກິດ. ປັດໄຈຕົ້ນຕໍເພື່ອປະຕິບັດວຽກງານນີ້ກໍ່ແມ່ນບັນດາວິສາຫະກິດ ຫວຽດນາມ ຈະເປັນກຳລັງໜູນ ເພື່ອນຳເຕັກໂນໂລຊີ, ວິທະຍາສາດ ເຂົ້າໃນການພັດທະນາເສດຖະກິດສັງຄົມ. ສິ່ງທີ່ໜ້າສົນໃຈ ແລະ ສ້າງຄວາມປະທັບໃຈຢ່າງແຮງກວ່າຂອງຍຸດທະສາດ ແມ່ນບັນດາເປົ້າໝາຍລະອຽດໃນປີ 2045. ໃນຄົນ ຫວຽດນາມ 10 ຄົນ ຈະມີຄົນໜຶ່ງດຳເນີນການ start up, 35 ຄົນຈະມີວິສາຫະກິດແຫ່ງໜຶ່ງ ແລະ ປະມານ 5.000 ຄົນຈະມີວິສາຫະກິດ start up ປະດິດຄິດສ້າງແຫ່ງໜຶ່ງ.
ໃນຈຸດເວລານັ້ນ, ຫວຽດນາມ ຈະນອນໃນ top 30 ປະເທດໃນໂລກກ່ຽວກັບ start up ປະດິດຄິດສ້າງ, ມີວິສາຫະກິດ start up ກວ່າ 100 ແຫ່ງໄດ້ກຳນົດມູນຄ່າແຕ່ 100 ລ້ານ USD ຂື້ນໄປ. ຕະຫຼາດເງິນລົງທຶນທີ່ມີຄວາມສ່ຽງ ບັນລຸຂອບຂະໜາດ 10 ຕື້ USD. ນີ້ບໍ່ພຽງແຕ່ແມ່ນບັນດາຕົວເລກຢ່າງດຽວເທົ່ານັ້ນ, ຫາກຍັງແມ່ນວິໄສທັດກ່ຽວກັບການສ້າງໂຄງປະກອບພື້ນຖານເສດຖະກິດຄືນໃໝ່, ແຫ່ງທີ່ຈິດໃຈຂອງນັກທຸລະກິດ ແລະ ການປ່ຽນແປງໃໝ່ປະດິດຄິດສ້າງ ກາຍເປັນສ່ວນໜຶ່ງໃນຊີວິດສັງຄົມ.
ບັນດາມາດຕະການຄົບຊຸດ
ດ້ວຍທັດສະນະທີ່ວ່າ ປະເທດ start up ແມ່ນແຫ່ງທີ່ພົນລະເມືອງທຸກຄົນລ້ວນແຕ່ສາມາດ start up ບົນພື້ນຖານວິທະຍາສາດ, ເຕັກໂນໂລຊີ, ນະວັດຕະກຳ ແລະ ການຫັນເປັນດີຈີຕອນນັ້ນ, ຍຸດທະສາດ ໄດ້ສົ່ງເສີມວັດທະນະທຳນະວັດຕະກຳທີ່ເລິກເຊິ່ງກ້ວາງຂວາງ: ກ້າຄິດ, ກ້າທຳ, ຍອມຮັບຄວາມສ່ຽງ. ລັດຖະບານຈະຊີ້ນຳຜັນຂະຫຍາຍຫຼາຍມາດຕະການແກ້ໄຂຂໍ້ຕິດຂັດຢ່າງຄົບຊຸດ. ສ້າງລະບອບລະບຽບການບໍລິຫານດີຈີຕອນທັງໝົດໃຫ້ສົມບູນແບບ.
ກ່ຽວກັບດ້ານຊັບພະຍາກອນມະນຸດ, ການສຶກສາ start up ຈະຖືກນຳເຂົ້າລົງເລິກໃນລະບົບການສຶກສາແຫ່ງຊາດ, ຈາກຂັ້ນສາມັນຮອດຂັ້ນມະຫາວິທະຍາໄລ. ພ້ອມກັນນັ້ນ, ຕາໜ່າງພື້ນຖານໂຄງລ່າງໃຊ້ລວມ, ສູນນະວັດຕະກຳ ແລະ ພື້ນທີ່ start up ປະຊາຄົມຈະໄດ້ຮັບການກໍ່ສ້າງຂຶ້ນໃນທົ່ວປະເທດ.
ສຸດທ້າຍ, ຫວຽດນາມ ຈະຕັ້ງໜ້າເຊື່ອມຕົວ, ດຶງດູດນັກຊ່ຽວຊານຕ່າງປະເທດ ເພື່ອນຳບັນດາ start up ພາຍໃນບືນຕົວຂຶ້ນ ເຂົ້າຮ່ວມລະບົບມູນຄ່າທົ່ວໂລກ. ຫວຽດນາມ ກຳນົດວ່າ start up ປະດິດຄິດສ້າງ ແມ່ນຍຸດທະສາດແຫ່ງຊາດອັນຍາວນານ ເພື່ອຫັນເປັນດີທີ່ສຸດ, ບຸກເບີກຄວາມສາມາດບົ່ມຊ້ອນ, ລະດົມແຫຼ່ງກຳລັງ. Start up ປະດິດຄິດສ້າງຢ່າງມີປະສິດທິຜົນ ຈະປະກອບສ່ວນຍົກສູງກຳລັງຄວາມສາມາດເປັນເຈົ້າຂອງຍຸດທະສາດແຫ່ງຊາດ, ມຸ່ງໄປສູ່ເປັນເຈົ້າຂອງບັນດາເຕັກໂນໂລຊີຍຸດທະສາດ ແລະ ສ້າງທ່າບຸກທະລຸໃຫ້ແກ່ການເຕີບໂຕເສດຖະກິດ-ສັງຄົມແບບຍືນຍົງໃນສັງກາດດີຈີຕອນ./.
