ໃນເວລາກວ່າສອງທົດສະວັດທີ່ຜ່ານມາ, ປະຊາຄົມຊາວ ຫວຽດນາມ ອາໄສຢູ່ຕ່າງປະເທດກວ່າ 6.5 ລ້ານຄົນ ໄດ້ກາຍເປັນແຫຼ່ງກຳລັງສຳຄັນຕໍ່ປະເທດຊາດ. ນອກຈາກແຫຼ່ງກຳລັງດ້ານການເງິນ, ປະຈຸບັນ, ແຫຼ່ງກຳລັງຂອງຊາວ ຫວຽດນາມ ອາໄສຢູ່ຕ່າງປະເທດກ່ຽວກັບດ້ານພູມປັນຍາ, ບົດຮຽນປະສົບການ, ຄວາມສາມາດເຊື່ອມຕໍ່ເຄືອຂ່າຍການພົວພັນຕ່າງປະເທດ ພວມໄດ້ຮັບການລຸລ່ວງດ້ວຍບັນດາລະບອບລະບຽບການ, ກົນໄກທີ່ເໝາະສົມ, ສ້າງເງື່ອນໄຂທີ່ດີທີ່ສຸດ ເພື່ອໃຫ້ແຫຼ່ງກຳລັງນີ້ ໄດ້ຈັດຢູ່ຖືກຈຸດໃນວິວັດການພັດທະນາຂອງປະເທດຊາດໃນສັງກາດໃໝ່.
ໃນໄລຍໃໝ່, ຄຳຖາມບໍ່ແມ່ນເຮັດແນວໃດເພື່ອໃຫ້ຊາວ ຫວຽດນາມ ອາໄສຢູ່ຕ່າງປະເທດປະກອບສ່ວນໄດ້ຫຼາຍກວ່າ, ຫາກແມ່ນເຮັດແນວໃດເພື່ອໃຫ້ບັນດາຜູ້ມີຄວາມສາມາດ ແລະ ປາດຖະໜາຢາກປະກອບສ່ວນນັ້ນ ຊອກໄດ້ຖືກບ່ອນ, ຖືກຕາມຄວາມຕ້ອງການ ແລະ ມີກົນໄກທີ່ມີຄວາມສະດວກຢ່າງພຽງພໍ ເພື່ອຫັນຄວາມສາມາດນັ້ນ ເປັນຄຸນຄ່າໃຫ້ແກ່ປະເທດຊາດ. ມະຕິເລກທີ 23 ຂອງສູນກາງພັກກອມມູນິດ ຫວຽດນາມ (23-NQ/TW) ແມ່ນພື້ນຖານສຳຄັນ, ເປີດບັນດາກົນໄກ ແລະ ເງື່ອນໄຂສະດວກເພື່ອໃຫ້ຊາວ ຫວຽດນາມ ອາໄສຢູ່ຕ່າງປະເທດເຂົ້າຮ່ວມໂດຍກົງ, ແທດຈິງ ແລະ ມີປະສິດທິຜົນເຂົ້າໃນວິວັດການພັດທະນາຂອງປະເທດຊາດ.
ການຕອ້ນຮັບຢ່າງຕັ້ງໜ້າຂອງຊາວ ຫວຽດນາມ ອາໄສຢູ່ຕ່າງປະເທດ
ພາຍຫຼັງເວລາກວ່າສອງທົດສະວັດ ນັບແຕ່ເມື່ອມະຕິເລກທີ 36 ຂອງສູນກາງ (36-NQ/TW) ກ່ຽວກັບວຽກງານສຳລັບຊາວ ຫວຽດນາມ ອາໄສຢູ່ຕ່າງປະເທດໄດ້ປະກາດໃຊ້, ມະຕິເລກທີ 23 ພວມໄດ້ຮັບຄວາມສົນໃຈ ແລະ ຕ້ອນຮັບຢ່າງຕັ້ງໜ້າຂອງປະຊາຄົມຊາວ ຫວຽດນາມ ອາໄສຢູ່ທົ່ວໂລກ. ທ່ານ ເຈິ່ນຝູທ້ວນ, ຮອງປະທານ ທັງເປັນເລຂານຸການໃຫ່ຍສະຫະພັນບັນດາອົງການຊາວ ຫວຽດນາມ ອາໄສຢູ່ສະຫະພັນ ລັດເຊຍ ຖືວ່າ:
ມະຕິເລກທີ 23 ມີບັນດາການປ່ຽນແປງທີ່ສຳຄັນ. ທີ 1, ແກ່ນສານແມ່ນໄດ້ກຳນົດຖານະບົດບາດ, ແຫຼ່ງກຳລັງຂອງຊາວ ຫວຽດນາມ ອາໄສຢູ່ຕ່າງປະເທດ. ກ່ອນນີ້ແມ່ນແຫຼ່ງກຳລັງສຳຄັນ, ປະຈຸບັນແມ່ນແຫຼ່ງກຳລັງຍຸດທະສາດ. ມະຕິສະບັບນີ້ກຳນົດວ່າ ຊາວ ຫວຽດນາມ ອາໄສຢູ່ຕ່າງປະເທດ ແມ່ນໜຶ່ງໃນບັນດາແຫຼ່ງກຳລັງສຳຄັນທີ່ສຸດເພື່ອຊ່ວຍໃຫ້ແກ່ການພັດທະນາຂອງປະເທດຊາດ.
ຈາກການປ່ຽນແປງໃນສະຕິຄວາມຮັບຮູ້ກ່ຽວກັບຖານະບົດບາດ, ມະຕິເລກທີ 23 ກໍ່ໄດ້ຕັ້ງຄຳຮຽກຮ້ອງເສີມຂະຫຍາຍແຫຼ່ງກຳລັງຂອງຊາວ ຫວຽດນາມ ອາໄສຢູ່ຕ່າງປະເທດຢ່າງແຮງກວ່າ, ບໍ່ພຽງແຕ່ໃນດ້ານທຶນຮອນເທົ່ານັ້ນ, ຫາກຍັງແມ່ນດ້ານພູມປັນຍາ, ວິຊາສະເພາະ, ບົດຮຽນໃນການຄຸ້ມຄອງ ແລະ ບັນດາການພົວພັນສາກົນອີກດ້ວຍ. ຈາກຕົວຈິງດັ່ງກ່າວ, ຖັນແຖວຊາວ ຫວຽດນາມ ອາໄສຢູ່ຕ່າງປະເທດຈຳນວນຫຼວງຫຼາຍ ພວມມີຈິດໃຈກຽມພ້ອມໃໝ່ເພື່ອປະກອບສ່ວນໃຫ້ແກ່ປະເທດຊາດ.
ຂົວຕໍ່ລະຫວ່າງ ຫວຽດນາມ ກັບ ໂລກ
ເລື່ອງເສີມຂະຫຍາຍບົດບາດຂອງຊາວ ຫວຽດນາມ ອາໄສຢູ່ຕ່າງປະເທດແຕ່ລະຄົນ ເໝືອນກັບຂົວຕໍ່ລະຫວ່າງ ຫວຽດນາມ ກັບໂລກ ແມ່ນທິດເດີນທີ່ເໝາະສົມໃນສະພາບການໃໝ່. ໃນບັນດາການໄປປະຕິບັດງານໃນໄລຍມໍ່ໆມານີ້, ການນຳພັກ, ລັດ ຍາມໃດກໍ່ສະຫງວນຄວາມເອົາໃຈໃສ່ເປັນພິເສດ, ຈັດການພົບປະຄັ້ງຕ່າງໆກັບຊາວ ຫວຽດນາມ ອາໄສຢູ່ຕ່າງປະເທດ. ສານໄດ້ເນັ້ນໜັກແມ່ນ ຊາວ ຫວຽດນາມ ອາໄສຢູ່ຕ່າງປະເທດບໍ່ພຽງແຕ່ແມ່ນພາກສ່ວນທີ່ບໍ່ສາມາດຕັດແຍກອອກຈາກປະຊາຄົມຊົນຊາດ ຫວຽດນາມ ໄດ້ເທົ່ານັ້ນ, ຫາກຍັງແມ່ນແຫລ່ງກຳລັງສຳຄັນໃນວິວັດການພັດທະນາປະເທດຊາດອີກດ້ວຍ, ໂດຍສະເພາະແມ່ນດ້ານພູມປັນຍາ, ເຕັກໂນໂລຊີ, ບົດຮຽນປະສົບການໃນການບໍລິຫານ ແລະ ເຄືອຂ່າຍການເຊື່ອມຕໍ່ກັບສາກົນ.
ສານດັ່ງກ່າວໄດ້ຮັບການຕອບສະໜອງນັບມື້ນັບຕັ້ງໜ້າ. ທ່ານນາງ ໂງທິບິກງອກ ຊາວ ຫວຽດນາມ ອາໄສຢູ່ ໂຮນລັງ ແລະ ທ່ານ ຫຼີຮວ່າງຢຸຍ, ຜູ້ອຳນວຍກາຍໃຫ່ຍ 4Ways Group ປະຈຳ ອົດສະຕາລີ, ແບ່ງປັນວ່າ:
ຢູ່ເບື້ອງຫຼັງຊາວ ຫວຽດນາມ ອາໄສຢູ່ຕ່າງປະເທດ ແມ່ນລະບົບພູມປັນຍາ ແລະ ແຫຼ່ງກຳລັງທີ່ສາມາດເຊື່ອມຕໍ່ກັບ ຫວຽດນາມ ໄດ້, ປະກອບສ່ວນເຂົ້າໃນການພັດທະນາການສຶກສາ, ວິທະຍາສາດເຕັກໂນໂລຊີ ແລະ ເສດຖະກິດຂອງປະເທດຊາດ. ຫວຽດນາມ ນັບມື້ນັບເປີດປະຕູ, ຊາວ ຫວຽດນາມ ອາໄສຢູ່ຕ່າງປະເທດກໍ່ປາດຖະໜາຢາກຮ່ວມມື ແລະ ພ້ອມກັບ ຫວຽດນາມ ພັດທະນາ.
ກົດໝາຍ ແລະ ບັນດາກົນໄກໜູນຊ່ວຍວິສາຫະກິດນັບມື້ນັບຈະແຈ້ງ, ສະດວກໃຫ້ແກ່ຊາວ ຫວຽດນາມ ອາໄສຢູ່ຕ່າງປະເທດທີ່ມາລົງທຶນຢູ່ ຫວຽດນາມ. ຂ້າພະເຈົ້າພ້ອມແລ້ວທີ່ຈະເຊື່ອມຕໍ່ກັບບັນດາຄູ່ຮ່ວມມື, ວິສາຫະກິດຢູ່ຕ່າງປະເທດຕື່ມອີກ ເພື່ອພ້ອມກັນກັບມາຮ່ວມມື, ພັດທະນາໃນໄລຍະຍາວນານຢູ່ບ້ານເກີດເມືອງນອນ.
ນັບມື້ນັບມີນັກຊ່ຽວຊານ, ນັກວິທະຍາສາດ, ນັກທຸລະກິດທີ່ເປັນຊາວ ຫວຽດນາມ ອາໄສຢູ່ຕ່າງປະເທດໄດ້ກັບເມືອປະເທດ, ນຳພູມປັນຍາ, ເຕັກໂນໂລຊີ, ບົດຮຽນປະສົບການ ແລະ ບັນດາການເຊື່ອມຕໍ່ສາກົນກັບເມືອນຳ, ເຊິ່ງໄດ້ປະກອບສ່ວນໂດຍກົງເຂົ້າໃນການພັດທະນາຂອງປະເທດຊາດ. ພິເສດ, ລຸ້ນໜຸ່ມຊາວ ຫວຽດນາມ ອາໄສຢູ່ຕ່າງປະເທດ ພວກກາຍເປັນ “ຈຸດສຳຄັນ” ໃນການເຊື່ອມຕໍ່ ຫວຽດນາມ ກັບພູມປັນຍາ, ເຕັກໂນໂລຊີ, ຕະຫຼາດ ແລະ ໂອກາດທົ່ວໂລກ, ປະກອບແຫຼ່ງກຳລັງໃຫ້ແກ່ບ້ານເກີດເມືອນນອນຕື່ມອີກ./.
