ການຊ້ອມຮົບໂລ່ຍັກ Garuda (Super Garuda Shield) 2026 ໄດ້ໄຂຂຶ້ນຢ່າງເປັນທາງການໃນວັນທີ 31 ສິງຫາ, ຢູ່ Bandung, ປະເທດ ອິນໂດເນເຊຍ, ດ້ວຍການເຂົ້າຮ່ວມຂອງທະຫານເກືອບ 5.000 ຄົນທີ່ມາຈາກ 21 ປະເທດ. ຫວຽດນາມ ເຂົ້າຮ່ວມດ້ວຍຖານະເປັນນັກສັງເກດການ.
ໂດຍຈັດຂຶ້ນແຕ່ວັນທີ 31 ສິງຫາ ຮອດວັນທີ 11 ກັນຍາ, ການຊ້ອມຮົບ ໂລ່ຍັກ Garuda 2026 ມີຫົວຂໍ້ວ່າ “ບັນຊາປະສົມດຳເນີນບັນດາການເຄື່ອນໄຫວຊ້ອມຮົບນາໆຊາດ ເພື່ອແນໃສ່ຮັກສາສັນຕິພາບ ແລະ ສະຖຽນລະພາບ, ຄວາມໝັ້ນຄົງຢູ່ພາກພື້ນ”. ເປົ້າໝາຍຂອງລາຍການຝຶກຊ້ອມລວມແມ່ນເພີ່ມທະວີກຳລັງຄວາມສາມາດກະທົບຕອບ, ຄວາມກຽມພ້ອມ, ກຳລັງສູ້ຮົບຮ່ວມ ແລະ ການຮ່ວມມືລະຫວ່າງກຳລັງປະກອບອາວຸດແຫ່ງຊາດ ອິນໂດເນເຊຍ, ກອງບັນຊາການມະຫາສະມຸດອິນເດຍ - ປາຊີຟິກ ອາເມລິກາ (USINDOPACOM) ແລະ ບັນດາປະເທດພັດທະມິດ/ຄູ່ຮ່ວມມື.
ຕາມແຜນການ, ເນື້ອໃນການຊ້ອມຮົບຈະຜັນຂະຫຍາຍຢູ່ Jakarta, Bandung, Lampung, Baturaja ຂຶ້ນກັບແຂວງທາງ Sumatraໃຕ້ ແລະ Kalimantanເໜືອ, ສຸມໃສ່ບັນດາການເຄື່ອນໄຫວດ້ານການທະຫານນາໆຊາດ ແນໃສ່ຮັກສາສັນຕິພາບ ແລະ ສະຖຽນລະພາບ, ຄວາມໝັ້ນຄົງຢູ່ພາກພື້ນ.
