ທີ່ພິທີສະເຫຼີມສະຫຼອງ, ຜູ້ຕາງໜ້າແຂວງ ເລິມດົ່ງ ແລະ ນະຄອນ ຮ່າໂນ້ຍ ໄດ້ລົງນາມບົດບັນທຶກຊ່ວຍຈຳວ່າດ້ວຍການຮ່ວມມືຢ່າງຮອບດ້ານ; ຄະນະກຳມະການແນວໂຮມປະເທດຊາດ ຫວຽດນາມ ນະຄອນຮ່າໂນ້ຍ ໄດ້ມອບສັນຍາລັກໜູນຊ່ວຍກໍ່ສ້າງເຮືອນແຫ່ງຄວາມມະຫາສາມັກຄີ 22 ຫຼັງໃຫ້ແກ່ບັນດາຄອບຄົວທຸກຍາກ… ທ່ານນາງ ຝຸ່ງທິຮົ່ງຮ່າ, ຮອງເລຂາຄະນະພັກນະຄອນ, ປະທານສະພາປະຊາຊົນນະຄອນ ຮ່າໂນ້ຍ ໃຫ້ຮູ້ວ່າ:
ດ້ວຍຈິດໃຈ “ຮ່າໂນ້ຍ ເພື່ອທົ່ວປະເທດ, ພ້ອມກັບທົ່ວປະເທດ”, ນະຄອນ ຮ່າໂນ້ຍ ມີຄວາມປາດຖະໜາຢາກສືບຕໍ່ພັດທະນາການພົວພັນຮ່ວມມືກັບແຂວງ ເລິມດົ່ງ ໃຫ້ນັບມື້ນັບເລິກເຊິ່ງ, ແທ້ຈິງ ແລະ ມີປະສິດທິຜົນ. ຍູ້ແຮງການຮ່ວມມືໃນບັນດາຂົງເຂດທີ່ອາດຈະເປັນທ່າແຮງໃນການພັດທະນາເສດຖະກິດ - ສັງຄົມ. ພວກຂ້າພະເຈົ້າມີຄວາມປາດຖະໜາວ່າ ອົງຄະນະພັກທຸກຂັ້ນ, ອຳນາດການປົກຄອງ, ແນວໂຮມປະເທດຊາດ, ບັນດາອົງການການເມືອງສັງຄົມ ແລະ ປະຊາຊົນສອງປະເທດ ຈະສືບຕໍ່ຮັກສາບັນດາການເຄື່ອນໄຫວພົບປະແລກປ່ຽນ, ແລກປ່ຽນບົດຮຽນປະສົບການເພື່ອໃຫ້ນ້ຳໃຈນັ້ນສືບຕໍ່ມີຄວາມສະໜິດຕິດພັນ.
