ຕາມຂໍ້ມູນທາງການຈາກົມພາສາອາກອນ ແລະ ກົມສະຖິຕິ (ກະຊວງການເງິນ) ແລ້ວ, ຍອດວົງເງິນການຄ້າສອງຝ່າຍລະຫວ່າງ ຫວຽດນາມ ແລະ EU ລື່ນກາຍລະດັບ 900 ຕື້ USD ໃນໄລຍະແຕ່ເດືອນມັງກອນ 1995 - ເດືອນມິຖຸນາ 2026. ສິ່ງທີ່ເປັນໜ້າສົນໃຈ, ນັບແຕ່ເດືອນ ສິງຫາ 2020 ມາຮອດປັດຈຸບັນ, ພາຍຫຼັງເວລາພຽງ 6 ປີແຫ່ງການປະຕິບັດສັນຍາ EVFTA ຢ່າງເປັນທາງການໃນຕົວຈິງ, ວົງເງິນການຄ້າສອງຝ່າຍບັນລຸໄດ້ 383,8 ຕື້ USD, ເທົ່າກັບ 42,6% ຍອດວົງເງິນການຄ້າໃນຕະຫຼອດໄລຍະ 3 ທົດສະວັດ. ປະສິດທິຜົນແຫ່ງການປະຕິບັດ EVFTA ມາເປັນເວລາ6 ປີ ໄດ້ສະແດງໃຫ້ເຫັນຢ່າງຊັດເຈັນຜ່ານຄວາມຕັ້ງໜ້າຂອງບັນດາວິສາຫະກິດເອີລົບ ທີ່ວາງແຜນຍຸດທະສາດເຄື່ອນໄຫວຢູ່ ຫວຽດນາມ. ຕາມດັດຊະນີຄວາມໄວ້ເນື້ອເຊື່ອໃນການດຳເນີນທຸລະກິດ (BCI) ໄຕມາດ II/206 ຂອງ EuroCham ແລ້ວ, 55% ຈຳນວນວິສາຫະກິດຂອງ ເອີລົບ ເຂົ້າຮ່ວມການສຳຫຼວດໄດ້ໃຫ້ຂໍ້ສັງເກດວ່າ ຫວຽດນາມ ແມ່ນສູນເຄື່ອນໄຫວຫຼັກແຫຼ່ງ ຫຼືພື້ນຖານເຕີບໂຕຈຸດສຸມ, ໃນຂະນະທີ່ 22% ກຳນົດ ຫວຽດນາມ ແມ່ນພາກສ່ວນສຳຄັນໃນເຄືອນຂ່າຍພາກພື້ນຂອງເຂົາເຈົ້າ. ຫວຽດນາມ ໄດ້ຍົກທີ່ຕັ້ງບົດບາດເພື່ອກາຍເປັນພື້ນຖານແກ້ງແຍ້ງໃຫ້ຍຸດທະສາດເປີດກວ້າງຍາວນານຢູ່ ອາຊີ.
ທ່ານ Bruno Jaspaert ປະທານສະມາຄົມວິສາຫະກິດເອີລົບ ຢູ່ ຫວຽດນາມ (EuroCham) ໄດ້ເນັ້ນໜັກວ່າ ພາຍຫຼັງການພົວພັນ EU - ຫວຽດນາມ ໄດ້ຍົກລະດັບຂຶ້ນເປັນຄູ່ຮ່ວມມືຍຸດທະສາດຮອບດ້ານ ເມື່ອເດືອນມັງກອນ 2026, EVFTA ແມ່ນພື້ນຖານອັນໝັ້ນແກ່ນໃຫ້ແກ່ສັງກາດການທູດເສດຖະກິດທີ່ໃໝ່ອ່ຽມ.
